انار کو جنت کا پھل کہا جاتا ہے، اس کے چھلکوں کو ضائع کرنے کے بجائے اس کی چائے بنائيں اور 6 بڑی بیماریوں سے نجات میں مدد پائيں

انار کا شمار ان پھلوں میں ہوتا ہے جن کا ذائقہ ہر عمر کے فرد کو پسند ہوتا ہے اور جس کے فوائد اس کی غذائیت کے سبب بے تحاشا ہوتے ہیں- مگر انار کے استعمال کے دوران لاعلمی کے سبب لوگ اس کے دانے تو کھا لیتے ہیں مگر اس کے چھلکوں کو کچرہ سمجھ کر پھینک دیتے ہیں جب کہ حقیقت میں انار کے چھلکے بے تحاشا غذائیت کے حامل ہوتے ہیں-

انار کے چھلکوں کی چائے

انار کے چھلکوں کو استعمال میں لانے کے لیے ان چھلکوں کو اچھی طرح دھوپ میں سکھا لیں اس کے بعد ان کو گرائيںڈر میں اس طرح پیس لیں کہ وہ پاؤڈر کی شکل اختیار کر لےاس پاوڈر کو کسی بھی کافی والی بوتل میں ڈال کر محفوظ کر لیں-

ایک کپ پانی ممیں آدھا چمچ پسے ہوئے انار کے چھلکے شامل کر لیں اور اس کو چائے کی طرح چولہے پر پکائيں اس کے بعد اس میں حسب ذائقہ لیموں کا رس اور شہد کو شامل کر دیں اور اس کو ٹھنڈا یا گرم دونوں صورتوں میں پیا جا سکتا ہے-

انار کے چھلکوں کی چائے کے فوائد

بار بار پیشاب آنے کے لیے

اکثر لوگوں کو یہ شکایت ہوتی ہے کہ ان کو بار بار پیشاب کی حاجت محسوس ہوتی ہے اس تکلیف کے لیے دن میں ایک بار انار کے چھلکوں کو دن میں ایک بار کسی بھی وقت استعمال کریں اور کچھ ہی دنوں میں فائدہ دیکھیں-

پیٹ کے درد کے لیے

اگر کسی وجہ سے پیٹ میں درد ہو رہا ہو اور بدہضمی کی تکلیف کا بھی سامنا ہو تو اس صورت میں انار کی چائے ایک اکسیر کی حیثیت رکھتی ہے اور اس چائے کو ٹھنڈا کر کے دو دو گھونٹ کر کے پلائيں کچھ ہی دیر میں پیٹ کے درد سے افاقہ ہو جائے گا-

سانس کی بدبو کے لیے

اکثر لوگوں میں معدے کے مسائل کے سبب یا مسوڑھوں کی خرابی کی وجہ سے منہ سے بدبو آنے کی شکایت ہوتی ہے جو سخت شرمندگی کا سبب ہوتی ہے اس کو دور کرنے کے لیے انار کے چھلکوں کی چائے بہت بہترین ہوتی ہے اس چائے سے کلیاں کرنے سے مسوڑھے ٹھیک ہوتے ہیں دانت کے درد سے نجات ملتی ہے جب کہ اس کے کچھ گھونٹ پی لینے سے معدے کی تکالیف میں آرام ملتا ہے اور ہاضمہ بہتر ہوتا ہے-

بواسیر کے لیے

بواسیر چاہے خونی ہو یا بادی دونوں کے علاج کے لیے انار کے چھلکے اکسیر کا اثر رکھتے ہیں دن میں دو بار انار کے چھلکوں کی چائے کے استعمال سے ہر طرح کی بواسیر کی تکالیف کا خاتمہ ہوتا ہے-

ٹانسلز اور گلے کی خراش کے لیے

اکثر بچوں میں بار بار گلے خراب ہونے کی وجہ ٹانسلز قرار دی جاتی ہے جس کے علاج کا واحد حل ان کا آپریشن ہوتا ہے مگر دن میں دو بار انار کے چھلکوں کی نیم گرم چائے سے غرارے کر کے ٹانسلز کے آپریشن کے خطرے سے بچا جا سکتا ہے بلکہ اس سے ہمیشہ کے لیے جان بھی چھڑائی جا سکتی ہے-

وزن کم کرنے کے لیے

اگر کسی کا کولیسٹرول بہت بڑھا ہوا ہو اور وہ وزن کم کرنے کا بھی خواہشمند ہو تو اس صورت مں اس کو چاہیے کہ وہ انار کی چائے بناتے ہوئے اس میں ایک ٹکڑا ادرک کا بھی شامل کر لیں اور دن میں دو بار اس کا استعمال کریں کچھ ہی دنوں میں وزن میں قدرتی طور پر کمی آنی شروع ہو جائے گی اور چربی پگھلنے لگے گی-

< Previous حلیم کے ایسے فوائد جن کو جان کر آپ بھی کھانے پر مجبور ہوجائیں NEXT > چٹ پٹے کھانوں کے بعد 5 طریقے جو کولیسٹرول اور بلڈپریشر سے بچاؤ میں مدد فراہم کریں

Comments

19 Sep, 2021

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.