ٹماٹر پر خرگوش جیسے کان تو کہیں ٹرانسپیرنٹ مینڈک ۔۔ 6 ایسی حیران کن قدرتی چیزیں جو آج سے پہلے کبھی نہیں دیکھی گئی ہوں گی

 
زمین پر موجود قدرتی چیزوں کی 15 ملین اقسام میں سے اب تک ہم صرف 2 ملین ہی دریافت کرسکے ہیں- یہاں تک کہ اگر آپ حیاتیات کو چھوڑ کر جغفرافیائی طور پر بھی دیکھیں تو کئی علاقے آج تک دریافت ہی نہیں ہوئے- اور بہت سی چیزیں دریافت ہونے کے باوجود بھی کم انسانوں کی نظر سے گزری ہیں-6 ایسی ہی حیران کن قدرتی چیزیں یہاں پیش کی جارہی ہیں جو آج سے پہلے کبھی نہیں دیکھی گئی ہوں گی-
 
ہمالیائی مونال
یہ ایک ایسا پرندہ ہے جو مور سے بھی زیادہ خوبصورت نظر آتا ہے- یہ ہندوستان اور نپیال کے پہاڑی علاقوں میں پایا جاتا ہے- اس پرندے کے جوڑے میں صرف نر ہی خوبصورت رنگوں میں دستیاب ہوتا ہے جبکہ مادہ عام طور پر صرف بھورے رنگ کی ہوتی ہے-
 
سینگوں والا مینڈک
یہ سینگوں والے مینڈک جنوبی امریکہ میں پائے جاتے ہیں اور ان مینڈک کی بڑی اقسام کا سر زیادہ 100 ملی میٹر تک چوڑا ہوتا ہے- لیکن یہ مینڈک اپنی جسامت کی سائز کے برابر جانور کو شکار کرنے کی صلاحیت رکھتے ہیں-
 
ڈریگن سانپ
اس سانپ کو Xenodermu کے نام سے جانا جاتا ہے اور اس کی شہرت کی وجہ اس کے جسم میں پر موجود ڈریگن جیسا ڈیزائن ہے- یہ سانپ زہریلا نہیں ہے اور اس کی خوراک چوہے اور مینڈک ہوتے ہیں- ڈریگن نما نظر آنے کے باوجود یہ منہ سے آگ نہیں نکالتا-
 
بندر کی شکل والے پھول
ان دلچسپ پھولوں کو Dracula orchid کہا جاتا ہے اور یہ ایک ایسا پودا جو دوسرے پودے کی مدد کے لیے اگتا ہے۔ یہ ایک میٹھی، کھٹی خوشبو نکالتا ہے لیکن زیادہ تر جنگل میں پایا جاتا ہے کیونکہ اس کی گھریلو طور پر افزائش بڑی حد تک ناکام رہی ہے۔
 
ٹرانسپیرنٹ مینڈک
انہیں Glass frogs اس لیے کہا جاتا ہے کیونکہ ان کی جلد کے آر پار دیکھا جاسکتا ہے- ان کے اندرونی اعضا بھی باہر سے ہی نظر آتے ہیں- لیکن یہی خاصیت انہیں شکاریوں کے نظروں سے اوجھل بھی رکھتی ہے-
 
ٹماٹر کے کان
یہ ایک ایسا انوکھا ٹماٹر ہے جس کی تصویر سوشل میڈیا پر شئیر کرنے والے صارف نے ساتھ لکھا کہ “ میرے باغ میں اگنے والا ایک ٹماٹر جس کے خرگوش جیسے کان بھی ہیں“-
 
Most Viewed (Last 30 Days | All Time)
24 Sep, 2021 Views: 6351

Comments

آپ کی رائے