|
|
پاکستانی شوبز انڈسٹری میں ایسے کئی نام ہیں جو نا
صرف با صلاحیت ہیں بلکہ ان کی شخصیت بھی بہت متاثر کن ہے۔۔۔نیر اعجاز بھی
ان ناموں میں سے ایک ہیں۔۔۔ زیادہ تر انہیں ولن کے کرداروں میں دیکھا گیا
ہے لیکن وہ ایک ایسے اداکار ہیں جو ہر کردار میں جان ڈال دیتے ہیں۔۔۔کچھ
باتیں ایسی ہیں جو ان کے بارے میں لوگوں کو نہیں پتہ۔۔۔ |
|
نیر اعجاز کا تعلق لاہور سے ہے اور ان کے گیارہ
بہن بھائی ہیں۔۔۔ نیر اعجاز کے بھائی سلامت علی ایک بہت مشہور کلاسیکل
گلوکار ہیں اور ان کی بیگم عذرا ریاض بھی کلاسیکل گائیکہ ہیں- |
|
نیر اعجاز بہت زبردست کرکٹ کھیلتے تھے اور انڈر نائنٹین بھی کھیل چکے ہیں۔۔۔ |
|
|
|
کیونکہ یہ زیادہ تر ولن آتے تھے تو ان کی فینز میں تعداد
زیادہ تر خوبصورت خواتین کی تھی اور انہیں ایک ماڈل سے محبت بھی ہوگئی تھی۔ |
|
والدہ کو بتا کر یہ ماڈل کے گھر ملنے گئے رشتہ کی
نیت سے لیکن وہاں اس کا رہن سہن دیکھ کر واپس آگئے اور خاموش ہوگئے۔ |
|
والدہ نے انہیں ایک بات سمجھائی کہ لڑکی وہ لے کر آؤ جس
کو تمہاری فکر ہو ، نا کہ وہ لاؤ جس کی تمہیں فکر لگی رہے کہ اب کہاں ہے۔ |
|
اپنی والدہ کی پسند سے ہی شادی کی اور شادی والے دن لڑکی
کا چہرہ دیکھا اور انہیں وہ پسند بھی آگئی۔ |
|
شادی کے لئے انہوں نے اپنے سسر سے کہا تھا کہ آپ کی بیٹی
کبھی آپ سے پیسے مانگنے نہیں آئے گی۔ |
|
|
|
ان کی شادی کو انیس برس ہوچکے ہیں اور یہ صاحب اولاد بھی
ہوئے لیکن اﷲ کے حکم سے وہ اولاد واپس دنیا سے چلی گئی اور انہوں نے صبر
کیا۔۔ |
|
نیر اعجاز اپنی والدہ کے اتنے قریب تھے کہ انہوں نے ایک
سال تک کراچی کا کام نہیں پکڑا کہ والدہ کی طبیعت خراب رہتی ہے۔۔۔لیکن جیسے
ہی والدہ بالکل صحیح ہوئیں اور ان کے حکم سے یہ اسلام آباد گئے کام کے
سلسلے میں تو والدہ وینٹیلیٹر پر چلی گئیں۔۔۔ |
|
ان کے ہاتھوں میں ہی والدہ کا دم نکلا اور انہیں بہت وقت
لگا اپنی والدہ کے غم سے سنبھلنے میں نیر اعجاز اپنے والد کے بھی بہت قریب
تھے اور ان کا کہنا ہے کہ وہ ایک انتہائی سخی، نیک، اور ایماندار انسان تھے۔ |
|
نیر اعجاز اپنے بھائیوں کے اتنا قریب ہیں کہ اکثر ان کی
بیگم بھی کہتی ہیں کہ بھائیوں کو دیکھ کر تم تو بیوی کو ہی بھول جاتے ہو۔ |
|
آج کل ایک کردار کے لئے انہوں نے اپنا وزن بہت کم کیا
ہے- |