|
|
کل رات اچانک ہی پاکستان کی ساری نوجوان نسل فارغ ہو گئی ۔ بہت سارے ایسے بھی تھے
جنہیں اسی وقت بھوک ستانے لگی اور کچھ کو اس بات کی مہلت مل گئی کہ گھر کے اندر
موجود افراد کے ساتھ گپ شپ لگائی جائے۔ والدین کو وقت دینا یاد آيا لڑکیوں نے اپنے
جمع شدہ کام کرنے شروع کر دیے کوئی الماریاں صاف کرنے لگیں اور کچھ سر میں تیل
ڈالنے بیٹھ گئيں- |
|
ان کی ان حرکتوں سے گھر کے بڑے بوڑھے حیران و پریشان ہو گئے۔ یہاں تک کہ کچھ نے تو
پریشانی کے عالم میں اس تبدیلی کا سبب ایک دوسرے سے دریافت کرنا شروع کر دیا تب سب
کو پتہ چلا کہ دنیا بھر میں فیس بک ، واٹس ایپ انسٹا گرام ڈاؤن ہو گیا ہے اور کہیں
بھی کام نہیں کر رہا ہے جس کی وجہ سے نوجوان نسل کو فرصت کے کچھ پل میسر آگئے ہیں-
مگر یہ خوش فہمی عارضی تھی جلد ہی انہوں نے فوری طور پر پلے اسٹور سے ان ایپ کی
ڈاون لوڈنگ شروع کر دی جن کا استعمال وہ واٹس ایپ کی جگہ کر سکتے تھے۔ |
|
ان ایپس کی ڈاؤن لوڈنگ صرف خود ہی نہیں کی گئی بلکہ اپنے دوستوں پیاروں سے بھی
کروائی گئی تاکہ رابطے منقطع نہ ہو سکیں اور جن معصوم لوگوں کو ان ایپس کے بارے میں
پتہ نہ تھا وہ کل رات آرام سے سوئے۔ ایسے معصوم لوگوں کی معلومات میں اضافے کے لیے
آج ہم آپ کو ان ایپس کے بارے میں بتائيں گے جن کا استعمال واٹس ایپ کے بجائے پیغام
رسانی کے لیے کیا جاسکتا ہے- |
|
ڈس کورڈ Discord |
یہ ایپ عام طور پر گیمرز استعمال کرتے ہیں اس سے ٹیکسٹ میسج اور وائس میسج
بھیجا جا سکتا ہے- اس کو پلے اسٹور سے آسانی سے ڈاؤن لوڈ کر سکتے ہیں یہ
آئی فون اور اینڈرائڈ دونوں صارفین استعمال کر سکتے ہیں اس کے علاوہ اس کو
موبائل فون کے ساتھ ساتھ کمپیوٹر پر بھی استعمال کیا جا سکتا ہے- |
|
|
بوٹم Botim |
یہ بھی واٹس ایپ کی طرح کی ٹیکسٹ میسجز کے لیے استعمال کی جانے والی ایپ ہے
جس کو فون نمبر کے ساتھ رجسٹرڈ کر کے استعمال کیا جا سکتا ہے- تاہم اس کی
کوالٹی اس حوالے سے بہتر نہیں ہے کہ اس کے میسجز کی رفتار سست ہوتی ہے اور
کل رات آنے والے دباؤ کی وجہ سے اس کی رفتار بہت ہی سست تھی- |
|
|
سگنل Signal |
یہ بھی رابطے کا ایک محفوظ ترین ذریعہ ہے اس کی سب سے بڑی خاصیت یہ ہے کہ
اس کے پیغامات واٹس ایپ کی طرح محفوظ ہوتے ہیں اس کے علاوہ اگر اس میں
ٹائمر لگا دیا جائے تو ایک مقررہ وقت کے بعد اس کے پیغامات خود بخود ڈیلیٹ
ہو جاتے ہیں یہ فیچر کسی اور ایپ میں موجود نہیں ہے- |
|
|
ٹیلی گرام Tele Gram |
یہ ایپ بنانے والے اس بات کا دعویٰ کرتے ہیں کہ یہ پغام رسانی کا سب سے تیز
رفتار ذریعہ ہیں اس کے علاوہ اس کے ذریعے ایک وقت میں دو لاکھ تک لوگوں کو
پیغامات کی ترسیل کی جا سکتی ہے- اس وجہ سے اس کا استعمال عام طور پر
کمرشلی کیا جاتا ہے۔ جہاں بزنس کے نقطہ نظر سے پیغامات کی ترسیل کرنی ہوتی
ہے- |
|
|
اسکائپ Skype |
اگر ویڈيو کال کے ذریعے کوئی فرد رابطے کا خواہشمند ہو تو اس کے لیۓ اسکائپ
کا شمار دنیا کی بہترین ترین ایپ میں ہوتا ہے اس کے علاوہ اس کے ذریعے
ٹیکسٹ میسج اور وائس میسج بھی بھیجے جا سکتے ہیں اس کا استعمال موبائل فون
کے ساتھ ساتھ کمپیوٹر میں بھی کیا جا سکتا ہے اور سب سے بڑی بات یہ کل رات
بند بھی نہیں تھی - |
|