کاش یہ میرے گھر میں ہوتا تو کتنی آسانی ہو جاتی، کچھ اشیا جو زندگی کو آسان بنا دیں لیکن ان کا حصول آسان نہیں

بڑی ایجادات وہ نہیں ہوتی ہیں جو بہت مہنگی ہوں بلکہ بڑی ایجاد ہمیشہ اس کو کہا جاتا ہے جو زيادہ سے زيادہ افراد کو آسانی فراہم کر سکے اور کم قیمت ہو۔ روزمرہ کی زندگی میں کچھ افراد آسانیاں پیدا کرنے کے لیے عام افراد کے مقابلے میں تھوڑا منفرد طرز فکر رکھتے ہیں- یہی وجہ ہے کہ وہ بہت ساری مشکلات کو چٹکی بجاتے حل کر لیتے ہیں اور اس حل کو دیکھ کر ہر فرد یہ سوچنے پر مجبور ہو جاتا ہے کہ کاش یہ ہمارے پاس بھی ہو -

کمپیوٹر میں لگائے بغیر اس فلیش ڈرائيو کو جان لیں

عام طور پر یو ایس بی یا فلیش ڈرائيو کے بارے میں یہ جاننا سب سے زيادہ ضروری ہوتا ہے کہ اس کے اندر کتنی اسپیس موجود ہے اور کتنی استعمال ہو چکی ہے- مگر اس کے لیے اس کو کمپیوٹر میں لگانا ضروری ہوتا ہے مگر اس یو ایس بی نے لوگوں کی اس مشکل کو حل کر دیا ہے-

اس بیڈ پر سے اٹھنے کا تو دل ہی نہیں چاہے گا

انسان کی خواہش ہوتی ہے کہ اس کو بستر پر ہی اگر تمام سہولتیں مل جائیں تو وہ خود کو دنیا کا خوش قسمت ترین انسان سمجھے گا- آج کل آن لائن کام کرنے کی وجہ سے اکثر لوگ بستر ہی کو دفتر سمجھ بیٹھتے ہیں مگر اس طرح کا آرام دہ دفتر سب کی رال ٹپکانے کے لیے کافی ہے-

چارجر کا چپٹا کلپ

عام طور پر جب موبائل کو چارج کرنے کے لیے چارجر پر لگایا جاتا ہے تو اس وجہ سے اس کو لٹا کر رکھنا ضروری ہوتا ہے کیوں کہ چارجر کی لیڈ اس طرح سے ہوتی ہے کہ اس کو سیدھا نہیں رکھا جا سکتا ہے اور اگر کبھی چارجنگ کے دوران موبائل کا استعمال بھی کرنا ہو تو اس کے لیے کیبل کو ٹیڑھا کرنا پڑتا ہے جس سے وائر خراب بھی ہو سکتی ہے۔ اس وجہ سے ایسا چپٹا کلپ ان تمام مسائل کا بہترین حل ہے-

ٹوتھ پیسٹ ہولڈر جس کا پانی بیسن میں گرے

عام طور پر ٹوتھ پیسٹ ہولڈر یا چمچے رکھنے کے ہولڈر میں پانی بھر جاتا ہے جو اگر ایک دو دن تک جمع رہے تو اس میں بو پیدا ہو جاتی ہے اور ہر روز اس میں سے پانی نکالنا پڑتا ہے ایسے افراد کے لیے یہ ہولڈر ان کی مشکلات کا ایک بہترین حل ہے-

چارجر کی تار کو ٹوٹنے سے بچانے کے لیے

اکثر لوگ اس بات کی شکایت کرتے نظر آتے ہیں کہ ان کے موبائل کا چارجر بہت جلدی خراب ہو جاتا ہے اس کی وجہ بنیادی طور پر اس کی تار کا کھنچ جانا ہوتا ہے- لیکن اگر اس تار کو اس طرح سے لپیٹ کر رکھیں تو یہ مسئلہ حل بھی ہو سکتا ہے-