گرنا بھی کروڑوں کا فائدہ دے گیا، شادی کی تقریب میں ہال میں داخلے کے وقت دلہن کا پھسل کر گرنا اس کو کیسے کروڑوں کا فائدہ دے گیا

 
شادی کسی بھی انسان کی زندگی کا سب سے اہم موقع ہوتا ہے۔ اس دن کے حوالے سے ہر ایک کی نگاہیں دولہا اور دلہن پر لگی ہوتی ہیں- اس وجہ سے دلہا دلہن کی یہی کوشش ہوتی ہے کہ اس دن خوب سے خوب تر نظر آئيں اور اس پوری تقریب میں ایسا کچھ نہ ہو جو ان کو لوگوں کی نظر میں شرمندہ کر سکے ایسا ہی کچھ کیرا ڈونون کے ساتھ ان کی شادی کے موقع پر ہوا-
 
 انہوں نے اپنی شادی کے انتظامات کی ذمہ داری برطانیہ کی صف اول کی ایونٹ مینجمنٹ کی کمپنی کو دی جس کا نام کنٹری ہاؤس ویڈنگ لمیٹڈ ہے ۔ جو شادی کے انتظامات سولہویں صدی کے بنے ہوئے ایک تاریخی گھر ٹروڈو مینور ہاؤس میں کرتے ہیں ۔
 
شادی کے موقع پر جہاں دیگر انتطامات کیے گئے کیرا کے مطابق ایک ڈانس فلور بھی بنایا گیا جو کہ بالکل شفاف تھا اس جگہ پر کیرا جب اپنی شادی کے موقع پر پہنچیں اور اپنے شوہر کے ساتھ جیسے ہی انہوں نے ڈانس شروع کیا تو وہاں پر موجود مہمانوں میں سے کسی سے غلطی سے کچھ مشروبات اس ڈانس فلور پر گر گئے تھے- جس کی وجہ سے ڈانس کے دوران کیرا کا پیر پھسل گیا اور وہ اس ڈانس فلور پر اپنی شادی کے اہم ترین دن سب کے سامنے گر گئیں جس سے ان کو کافی ہزیمت کا سامنا کرنا پڑا-
 
 
اس چوٹ کے نتیجے میں انہیں کافی چوٹیں آئيں اور ان کی کلائی کی ہڈی بھی ٹوٹ گئی جس کی وجہ سے گزشتہ دو سالوں سے وہ اپنے دونوں ہاتھوں سے کام کرنے کے قابل نہیں رہی ہیں ۔ نہ تو وہ گاڑی چلا پا رہی ہیں اور نہ ہی اپنی جاب کے لیے کمپیوٹر چلا سکتی ہیں-
 
جس کی وجہ سے ان کو کافی مشکلات کا سامنا کرنا پڑ رہا ہے لہٰذا انہوں نے اس حوالے سے ایونٹ مینجمنٹ کی اس کمپنی کے اوپر ڈیڑھ لاکھ پاؤنڈ جو پاکستانی کرنسی میں تقریبا ساڑھے تین کروڑ بنتے ہیں ہر جانے کا دعویٰ کیا ہے ۔
 
اس دعویٰ میں ان کا کہنا تھا کہ اس ایونٹ مینجمنٹ کمپنی کی لا پرواہی کے سبب ڈانسنگ فلور پر مہمانوں نے مشروبات گرا دیے جس کو سروس پر موجود افراد نے صاف نہیں کیا- اس کے علاوہ ایونٹ مینجمنٹ کمپنی نے مشروبات کی ٹیبل ڈانسنگ فلور کے قریب لگائی جس کی وجہ سے مشروبات کا ڈانسنگ فلور پر گرنا ایک قدرتی بات تھی ان بے احتیاطیوں کے سبب کیرا کو جو نقصان ہوا کمپنی اس کی ادائیگی کی ذمہ دار ہے-
 
 
تاہم اس حوالے سے کمپنی مالکان کا یہ کہنا تھا کہ کیرا نے اپنے نوٹس کے ساتھ کسی قسم کے ثبوت پیش نہیں کیے۔ لیکن پھسلنے کا اتنا بڑا ہرجانہ اگر کیرا کو مل گیا تو شادی کے موقع پر پھسلنے کا اتنا بڑا انعام مہنگا تحفہ ثابت ہو سکتا ہے-
Most Viewed (Last 30 Days | All Time)
11 Oct, 2021 Views: 2463

Comments

آپ کی رائے