ان تصویروں کو دوسری بار دیکھنے پر کوئی پیسے خرچ نہیں ہوں گے، کچھ ایسی تصاویر جن کو ایک بار دیکھ کر سمجھنا مشکل ہی نہیں نا ممکن ہے

اکثر بڑے بوڑھوں کا یہی کہنا ہوتا ہے کہ سنی سنائی پر یقین کرنے کے بجائے آنکھوں دیکھے پر یقین رکھو۔ مگر بعض اوقات ہماری نظر بھی ہمیں دھوکہ دے دیتی ہے اور جو ہمیں نظر آرہا ہوتا ہے درحقیقت وہ سچ نہیں ہوتا ہے۔ جب تک کہ ہم اس کو بار بار نہ دیکھ لیں ایسی ہی کچھ تصاویر آج ہم آپ کو دکھائیں گے جن کو پہلی نظر میں سمجھنا ناممکن ہے-

کمرے میں بھوت

نیند سے جب آنکھ کھلے تو انسان کے تمام حسیں مکمل طور پر بیدار نہیں ہوتی ہیں اور انسان کو الیوژن کا سامنا کرنا پڑ سکتا ہے- اس تصویر کو بھی پہلی نظر میں دیکھنے پر یہی محسوس ہوتا ہے کہ کوئی لاش دروازے سے لٹک رہی ہے جبکہ حقیقت میں یہ وہ کپڑے ہیں جو رات کو دروازے پر لٹکائے گئے ہیں-

سانپ نکل آئے تو ڈرنا تو بنتا ہے

سانپ کو دیکھ کر غیر ارادی طور پر ہمارے منہ سے چیخ نکل جاتی ہے اور ہم خود کو بچانے کے لیے بھاگنے پر مجبور ہو جاتے ہیں- ایسا ہی کچھ اس تصویر کے ساتھ بھی ہے مگر غور سے دیکھیں تو یہ سانپ نہیں بلکہ ایک خشک ڈنڈی ہے-

گاڑی بھالو کیسے چلا سکتے ہیں

اس تصویر کو دیکھ کر پہلی نظر میں یہی تاثر ہوتا ہے کہ گاڑی میں دو بھالو بیٹھ کر اس کو چلا رہے ہیں جبکہ حقیقت میں یہ آرام دہ کشن ہیں جو ڈرائیور کے آرام کے لیے لگائے گئے ہیں اور ان کا تعلق گاڑی چلانے سے قطعی نہیں ہے-

اس بنچ کو کیوں بنایا گیا ہوگا

پارک میں بنچ بنانے کا مقصد اس کے اوپر بیٹھنا ہوتا ہے مگر یہ بنچ بیٹھنے کے لیے کس طرح استعمال ہو سکتی ہے- بار بار دیکھنے پر بھی یہ ایک سوالیہ نشان ہے اگر آپ کو کچھ سمجھ آئے تو بتائيے گا-

گاڑی کی نمبر پلیٹ چھپانے کا طریقہ یا کچھ اور

بعض اوقات واردات سے قبل جرائم پیشہ افراد اپنی شناخت چھپانے کے لیے گاڑی کی نمبر پلیٹ پر کچھ ایسا لگا دیتے ہیں کہ ان کو پہچانا نہ جا سکے- مگر اس تصویر میں یہ کسی جرائم پیشہ فرد کی حرکت نہیں ہے بلکہ شہد کی مکھی کی ملکہ نے اس جگہ کو اپنا گھر بنانے کے لیے چن لیا ہے-

یہ کپڑے کوئی خریدنا پسند کرے گا

دکان دار اپنے سامان کے ڈسپلے کے لیے خوبصورت سے خوبصورت طریقے اختیار کرتے ہیں مگر یہ طریقہ گاہکوں کو متوجہ تو ضرور کر سکتا ہے مگر خریداری پر مجبور نہیں کر سکتا-

میرے بستر پر کون سو رہا ہے

اکثر صبح جلدی میں ہم اپنے بستر کو درست کیے بغیر چھوڑ کر چلے جاتے ہیں مگر واپس آنے پر ایسا منظر دیکھ کر یہ ضرور سوچنے پر مجبورہو جاتے ہیں کہ ہمارے بستر پر کون سو رہا ہے- حقیقت میں یہ کوئی سو نہیں رہا بلکہ ہمارا لحاف اس طرح سے پڑی ہے۔ آپ میں سے کس کس کے ساتھ ایسا ہو چکا ہے کمنٹ میں بتائيے گا ضرور-