|
|
| |
| وہ زمانے گئے جب شادی کے بعد پورا خاندان گھر میں نئی
بہو کے آنے کی خوشیاں مناتا تھا۔۔۔ اب تو بہو آنے سے پہلے ہی الگ گھر کی
فرمائش بھی کرتی ہے اور چاہتی ہے کہ اس گھر میں مرضی بھی صرف اسی کی
چلے۔۔۔سسرال کا کوئی زور نا ہو۔۔شوبز کی کچھ اداکارائیں ایسی ہیں جو شادی
سے پہلے ہی اپنے الگ گھر کی تیاری میں لگی رہیں۔۔۔ |
| |
| زارا نور عباس |
| شوبز کی خوبصورت اداکارہ زارا نور عباس نے اپنی شادی سے
پہلے ہی اسد صدیقی کے ساتھ مل کر گھر بنوایا۔۔۔اس گھر کی ایک ایک چیز خود
جا کر خریدی اپنی پسند سے۔۔۔ جب کچھ دوستوں نے پوچھا کہ کیا وہ سسرال نہیں
جائیں گی تو انہوں نے صاف کہا کہ ایسا کوئی پلان نہیں۔۔۔ اسد اور زارا ایک
الگ گھر میں رہتے ہیں جہاں اسد کی فیملی ساتھ نہیں رہتی۔۔۔زارا کا سب سے
اچھا ملنا جلنا ہے لیکن کیونکہ دونوں ہی شوبز کی دنیا میں گم رہتے ہیں اس
لئے سسرال والا معاملہ مشکل ہی ہوجاتا۔۔۔ کم ملتے ہیں اور خوش رہتے ہیں۔۔۔
یہ اور بات ہے کہ جب زارا اور اسد گھومنے گئے تو ساتھ میں زارا نے اسد کی
بہن کو بھی لیا کیونکہ ان کی دوستی سب سے بہت اچھی ہے۔ |
|
|
| |
| حنا الطاف |
| شادی سے پہلے ہی ماں باپ کے گھر سے حنا نے کنارہ کشی
اختیار کر رکھی تھی اور ڈیفینس کے ایک گھر میں تنہا رہتی تھیں۔۔۔ وہیں
انہوں نے اپنا چھوٹا سا اسٹوڈیو بنایا تھا جہاں سے یو ٹیوب کی شوٹس بھی کر
لیتی تھیں۔۔پھر زندگی میں آغا علی آئے۔۔۔ کیونکہ آغا کے گھر والے تو رہتے
ہیں لاہور میں اس لئے تنہا زندگی گزارنے والے آغا کی بیوی کو بھی یہ موقع
ملا کہ وہ اپنی مرضی سے صرف میاں کے ساتھ اس کے گھر پر راج کرسکے۔۔ یوں حنا
نے شادی سے پہلے کی اپنے مزاج کی شاپنگ گھر کے لئے۔۔۔ کیونکہ آغا نے گھر
کافی مردانہ ڈیکوریٹ کیا تھا اور حنا کے مزاج کے حساب سے نہیں تھا۔۔۔ حنا
کی اپنی ساس سے بہت زیادہ دوستی ہے لیکن ابھی تو دونوں ساتھ نہیں رہتے۔۔۔ |
|
|
| |
| سارہ خان |
| یہ بات نہیں کہ فلک شبیر کے گھر میں کوئی نہیں ان
کو پوچھنے والا۔۔۔لیکن فلک نے سارہ کو ہمیشہ ایک الگ گھر لے کر دیا جہاں ان
کی مرضی کے حساب سے زندگی نظر آئے۔۔۔وہ سارہ کی خاطر ایک کمرہ بچی کے لئے
بھی سجا چکے ہیں اور سارہ کے علاوہ اس گھر میں کسی کا راج نہیں چلتا۔۔۔شروع
سے ہی سارہ کو سسرال والوں کے ساتھ کسی بھی قسم کی کوئی جنگ نہیں لڑنی پڑی
اور سارہ اس طرح کی ہیں بھی نہیں۔۔۔ |
|
|