|
|
| |
| گھر کی رونق تو بہنوں سے ہوتی ہے۔۔۔اب چاہے بھائی اس بات
کا دل سے اقرار کریں یا نا کریں لیکن سچ یہی ہے کہ ان کا اپنا دن بھی بہنوں
کی وجہ سے ہی روشن ہوتا ہے۔۔۔اور پھر اگر ایک بہن ہو تو والدین کی لاڈلی تو
وہ بہن ہی ہوتی ہے چاہے کتنا ہی زور لگا لیں۔۔۔ شوبز میں بھی کچھ ایسے
بھائی ہیں جن کی ایک بہن ہے لیکن راج اسی کا چلتا ہے گھر میں |
| |
| دانش نواز اور ان کی بہن |
| اداکار فرید نواز بلوچ کے گھر میں چار بیٹے اور ایک بیٹی
پیدا ہوئے۔۔ فرید نواز بلوچ کو سب سے زیادہ محبت اپنی بیٹی انزلنا سے رہی
اور وہ اپنے بھائیوں کی بھی لاڈلی ہیں لیکن سچ تو یہ ہے کہ انزلنا سے جہاں
محبت ہے وہیں اس کی ناراضگی کا خوف بھی رہتا ہے۔۔۔ دانش نواز کا کہنا ہے کہ
انزلنا پورے گھر میں شور مچاتی ہے اور اس کے آنے سے ہی پتہ چلتا ہے کہ اب
کوئی گھر میں آگیا ہے۔۔۔ذرا ذرا سی بات پر ناراض بھی ہوجاتی ہے اور ذرا ذرا
سی بات پر قہقہے بھی نکلتے ہیں تو رونق تو ہماری بہن سے ہی ہے۔۔۔ |
|
|
| |
| آغا علی اور ان کی بہن |
| اداکار آغا علی کی ایک ہی بہن ہے جو سب سے چھوٹی ہے۔۔۔
آغا کا کہنا ہے کہ ابو کے انتقال کے بعد ہمارے لئے تو وہ ایک چھوٹے بچے کی
طرح ہی ہوگئی جس کی خواہشات کو پورا کرنا ہی ہمارا اولین فرض ہوتا ہے۔۔۔ سب
کی لاڈلی بھی وہی ہے اور اس کے شور مچانے سے پتہ چلتا ہے کہ گھر میں کوئی
رہتا ہے۔۔۔ ان کا کہنا ہے کہ ہماری بہن ہمارے سارے ڈرامے اور شوز دیکھتی
ہے۔۔۔تنقید بھی کرتی ہے اور بچوں کی طرح خوش بھی ہوتی ہے |
|
|
| |
| شہزاد شیخ اور ان کی بہن |
| یوں تو شہزاد شیخ کی بہن مومل شیخ بھی انڈسٹری میں ہی
ہیں لیکن شہزاد شیخ کا کہنا ہے کہ ہمارے گھر کے سارے فیصلوں میں مومل کی
رائے بڑٰی اہم ہوتی ہے۔۔۔جب یہ گھر کی بیل بجاتی ہے تو پتہ چل جاتا ہے کہ
کون آیا ہے۔۔۔والدین کی لاڈلی صرف مومل ہی ہے کیونکہ اس کی بات کے آگے وہ
کسی کی نہیں سنتے اور اگر نا سنیں تو وہ زبردستی اپنی منوا کر ہی چھوڑتی ہے۔۔۔
مومل شیخ اس بات سے انکار کرتی ہیں لیکن پھر خود بھی ہنس پڑتی ہیں کیونکہ
سچ سے کس طرح بھاگیں۔۔۔گھر میں شادی کے بعد بھی راج تو مومل کا ہی ہے۔ |
|
|