|
|
ریلوے اسٹیشن کا نام کانوں میں آتے ہی ٹرین کی وسل کی
آواز ، مسافروں کا ہجوم اور قلیوں کا شور شرابہ ذہن میں آتا ہے۔ ہر اسٹیشن
ایک عارضی گزر گاہ کے طور پر مسافروں کو سفر کی سہولیات فراہم کرتا ہے اور
ہر انسان کا اس سے بس یہی تعلق ہوتا ہے مگر جن لوگوں کا روزگار اس سے
وابستہ ہوتا ہے ان کے لیے ریلوے اسٹیشن کی اہمیت مختلف ہوتی ہے- |
|
لیکن اگر آپ مسافر نہیں ہیں اور نہ ہی آپ کا روزگار اس
سے وابستہ ہو تب بھی اگر آپ دن میں صبح شام اس اسٹیشن کا چکر لگائیں تو لوگ
یقیناً آپ کی ذہنی حالت پر شک ضرور کرنے لگیں گے- لیکن ہندوستان کے علاقے
بہار میں ساسارام نامی ایک ریلوے اسٹیشن ایسا بھی ہے جہاں صبح شام ہر کے دو
گھنٹے ایسے ہوتے ہیں جہاں پر بڑی تعداد میں لوگ جمع ہوتے ہیں جو نا تو
مسافر ہوتے ہیں اور نہ ہی انہوں نے کہیں جانا ہوتا ہے- |
|
یہ لوگ طالب علم ہوتے ہیں جو کسی نہ کسی امتحان کی تیاری
کر رہے ہوتے ہیں اور اس کے لیے ہر روز اس اسٹیشن پر جمع ہوتے ہیں۔ یہاں صرف
پڑھنے والے ہی نہیں بلکہ پڑھانے والے بھی موجود ہوتے ہیں- |
|
|
|
اس اسٹیشن کی سب سے خاص بات یہ ہے کہ یہاں پڑھنے والوں
کو کسی فیس کی ادائگی نہیں کرنی ہوتی ہے اور نہ ہی پڑھانے والے کسی سے کوئی
پیسہ لیتے ہیں بس ان سب کا ایک ہی مقصد ہوتا ہے کہ ایک دوسرے کو فائدہ دے
سکیں- |
|
تاریخ کے مطابق اٹھارہ سے بیس سال قبل بہار کے اس علاقے
کے لوگوں کو بجلی کی سہولت میسر نہ تھی۔ جبکہ ساسارام نامی ریلوے اسٹیشن اس
علاقے کا واحد ایسا علاقہ تھا جہاں پر دن کے چوبیس گھنٹے بجلی ملتی تھی اس
وجہ سے طالب علم پڑھنے کے لیے یہاں جمع ہو جاتے تھے- |
|
اس کے بعد یہ سلسلہ بڑھنے لگا یہاں تک کہ ریلوے انتطامیہ
نے طالب علموں کے لیے پلیٹ فارم کے ٹکٹ کی پابندی ختم کر کے ان کے لیے
اسپیشل پاس جاری کرنے شروع کر دیے- اب جبکہ بہار کے ہر علاقے میں بجلی کی
سہولت موجود ہے اس کے باوجود ساسارام ریلوے اسٹیشن طالب علموں کے لیے ایک
مرکز کی حیثیت اختیار کر چکا ہے- |
|
|
|
جہاں پر سب آکر پڑھتے ہیں مقابلے کے امتحان کے لیے ایک
دوسرے کی مدد کرتے ہیں یہاں بیٹھ کر امتحانات کی تیاری کرتے ہیں اور اپنی
مدد آپ کے تحت اپنے مستقبل کو روشن کرتے ہیں- |
|
ساسارام ریلوے اسٹیشن کو یہ اعزاز بھی حاصل ہے
کہ یہاں پر تعلیم حاصل کرنے والے بہت سارے طالب علم اب اعلیٰ عہدوں پر فائز
ہیں اور کئی طالب علم بنکوں میں اعلیٰ عدالتوں میں اور پولیس میں اہم عہدوں
پر ذمہ داریاں نبھا رہے ہیں- اور اپنے فارغ وقت میں اپنے زمانہ طالب علمی
کی یاد تازہ کرتے ہوئے طالب علموں کی رہنمائی کے لیۓ اس ریلوے اسٹیشن پر
آتے ہیں- |