ایک سالہ بچی مرتے مرتے تین بچوں کو زندگی دے گئی، والدہ کا ایسا فیصلہ جس نے ان کی مرتی ہوئی بچی کو امر کر دیا

صرف ایک ہفتہ قبل جیلن کی ماں نے اس کی پہلی سالگرہ سیلیبریٹ کی تھی جیمی کی تمام تر خوشیوں کا محور یہی بچی تھی جس کو وہ تنہا پال رہی تھی۔ سنہری آنکھوں والی جیلن ہر دیکھنے والے کو اپنی پیاری حرکتوں سے متوجہ کر لیتی تھی اس کی خوبصورت مسکراہٹ اور آنکھوں کی چمک زندگی کی دلیل تھی-

مگر جیمی اس حقیقت سے نا آشنا تھی کہ اس کا اور جیلن کا ساتھ بہت مختصر مدت کا ہے۔ ایک صبح جیلن کے ساتھ سفر کے دوران ان کی گاڑی کو ایک ٹرک نے ٹکر مار دی جس نے ماں بیٹی دونوں کو شدید زخمی کر دیا۔

شدید چوٹوں کے سبب دونوں کو فوراً ہسپتال پہنچایا گیا۔ جیمی کے سر اور دماغ پر شدید چوٹیں آئی تھیں مگر اس کی حالت خطرے سے باہر تھی جبکہ معصوم جیلن بری طرح زخمی تھی اس کے زخموں سے خون جاری تھا اور ڈاکٹروں نے اس کو بچانے کی سر توڑ کوشش کی مگر حادثے کے ایک ہفتے بعد ان کی تمام کوششیں ناکام ہو گئیں۔ جیلن کی موت نے جیمی کو توڑ کر رکھ دیا-

جیمی کے لیے اس بات پر یقین کرنا بہت مشکل تھا کہ اس کی کل کائنات جیلن اب اس دنیا میں نہیں رہی۔ مگر موت وہ حقیقت ہے جس کو بہرحال تسلیم کرنے کے علاوہ کوئی چارہ نہ تھا مگر اس وقت جیمی نے ایک ایسا فیصلہ کر لیا جس نے جیلن کو مرنے کے بعد بھی امر کر دیا-

جیلن کے مرنے کے بعد جیمی نے ڈاکٹروں سے اس کے تمام اہم اعضا ان بچوں کے لیے عطیہ کرنے کا اعلان کر دیا جو کہ اس وقت موت اور زندگی کی جنگ لڑ رہے تھے- اس طرح جیلن کا دل اور گردے دوسرے تین بچوں کی زندگی کا سبب بن گئے-

اس طرح سے جیمی نے اپنی بچی کی موت کے غم کو دوسرے تین بچوں کی زندگی سے کسی حد تک کم ضرور کر لیا- اس کے ساتھ ساتھ ان والدین کی دعاؤں کو بھی حاصل کر لیا جو کہ اپنے بچوں کی زندگی سے مایوس ہو چکے تھے مگر جیلن کے اعضا ان کو نئی زندگی دے گئے-

جیمی کے اس فیصلے کی خبر جب سوشل میڈیا پر دوسرے لوگوں تک پہنچی تو انہوں نے نہ صرف ان کے اس فیصلے کو بہت سراہا بلکہ انہوں نے جیلن کی بیماری کو دیکھتے ہوئے ان کی صحت یابی تک ان کے لیے ایک فنڈ قائم کرنے کا فیصلہ کیا- جس میں اب تک 28 ہزار ڈالر جمع ہو چکے ہیں اور کھلے دل کے ساتھ جیمی کی مدد شکر گزاری کے طور پر کر رہے ہیں-

< Previous گھر بیٹھ کر یہ کاروبار کریں اور کم وقت میں زیادہ منافع کمائیں NEXT > ان تصویروں میں ایک جانور چھپا ہوا ہے اس کو تلاش کریں، اگر آپ نے 10 میں سے 8 نمبر لے لیے تو آپ کامیاب ٹھہرے - جوابات