|
|
| |
| ہمارے ملک میں اگر کسی کے گھر میں ڈکیتی ہو جائے یا کوئی
واردات ہو جائے تو اس کی کوشش ہوتی ہے کہ اس کو پولیس کے پاس نہ جانا پڑے-
اسی طرح پولیس والوں سے چاہے گاڑی چلاتے ہوئے واسطہ پڑ جائے یا کسی اور
حوالے سے ان سے ٹکراؤ ہو عام شہری کے تجربات کسی بھی طرح ان کے لیۓ مثبت
نہیں ہوتے ہیں- |
| |
| اگرچہ دنیا بھر کی پولیس کا سلوگن یہی ہوتا ہے کہ پولیس
کا کام ہے مدد آپ کی مگر یونیفارم پہنے پولیس والے کو دیکھ کر اچھا تاثر
صرف پاکستان ہی میں نہیں بلکہ دنیا بھر کے افراد میں مثبت نہیں پڑ رہا ہے
اور اکثر افراد کی یہی کوشش ہوتی ہے کہ ان سے جان چھڑا لی جائے- |
| |
| ہم سب یہی سمجھتے ہیں کہ شائد پاکستان کی پولیس کے رویے
اور کرپشن کی وجہ سےعوام میں ان کے لیے ناپسندیدگی پائی جاتی ہے لیکن ایسا
نہیں ہے بلکہ دنیا بھر کے کئی ممالک کی عوام پولیس سے تنگ ہے- |
|
|
|
|
| |
| اسکی تازہ ترین مثال امریکی ریاست اوہائیو کے ایک چھوٹے
سے شہر گلیلیو میں دیکھی گئی جہاں کی عوام یونیفارم والی پولیس کو سخت
ناپسندیدگی کی نظر سے دیکھتی تھی- اور اس ناپسندیدگی کو ختم کرنے کے لیے اس
علاقے کے کے ایف سی ریسٹورنٹ والوں نے اپنے داخلی دروازوں پر ایک ایسا نوٹس
لگایا- جس کا مقصد یونیفارم پہنے پولیس والوں کو نہ صرف عزت دینا تھا بلکہ
ان کے لیے عوام کی نفرت کو بھی کم کرنا تھا- |
| |
| اس نوٹس کے مطابق یونیفارم پہنے پولیس والے اس ریسٹورنٹ
سے دن کے کسی بھی حصے میں بغیر پیسوں کی ادائیگی کے کھانا کھا سکتے ہیں- |
| |
| اس نوٹس کے سوشل میڈیا پر سامنے آنے کے بعد لوگوں کی
جانب سے اس کو بہت شئير کیا گیا اس کے ساتھ ساتھ اس حوالے سے لوگوں نے
ریستوران مالکان کو تنقید کا نشانہ بھی بنایا ان کا یہ ماننا تھا کہ اس طرح
سے دوسرے پیشوں سے وابستہ افراد پر منفی تاثر ابھر سکتا ہے- |
| |
| یہاں تک کہ اس علاقے کے ایک پولیس والے نے بھی
اس آفر کو ناقابل عمل قرار دیا کیوں کہ ان کا کہنا تھا کہ پولیس یونیفارم
میں وہ قانونی طور پر نہ تو کسی سے ڈسکاؤنٹ لے سکتے ہیں اور نہ ہی فری
کھانا کھا سکتے ہیں- ایسا کرنے کی صورت میں ان کے خلاف محکمانہ جاتی
کاروائی ہو سکتی ہے اس وجہ سے یہ آفر قطعی قابل عمل نہیں ہے- |
| |
|
|
| |
| اس آفر کو دیکھ کر بے ساختہ یونیفارم پہنے اپنے
ملک کے پولیس والے یاد آگئے جو کسی بھی غریب کی ریڑھی سے بغیر پیسوں کی
ادائگی کے پھل اور سبزی لے کر اپنی موبائل میں رکھ لیتے ہیں۔ |
| |
| آپ لوگوں کا کیا خیال ہے کہ ہمارے پولیس والے
تو اس آفر سے سالوں سے فائدہ اٹھا رہے ہیں ہمارے لیے تو یہ کوئی نئی بات نہ
ہوئی نا !!! |