سال 2021 میں دنیا کے دس سستے ترین شہر٬ کراچی اب کس نمبر پر آگیا؟

 
دی اکانومسٹ گزشتہ تین دہائیوں سے رہائش پر اٹھنے والے اخراجات کا جائزہ لے کر دنیا کے مہنگے اور سستے ترین شہروں کا انڈیکس تیار کرتا ہے۔ دیکھیے سن 2021ء میں دنیا کے کن شہروں میں رہائش سستی ترین ثابت ہوئی۔
 
10۔ لوساکا، زیمبیا
سن 2021ء کے انڈیکس میں افریقی ملک زیمبیا کا دارالحکومت لوساکا دنیا کا دسواں سستا ترین شہر رہا۔ اکانومسٹ انٹیلی جنس یونٹ کے رہائشی اخراجات سے متعلق تازہ انڈیکس میں لوساکا کو 39 پوائنٹس دیے گئے۔ یوں یہ شہر 173 شہروں میں سے 164واں سستا ترین شہر قرار پایا۔
 
10۔ بیونس آئرس، ارجنٹائن
لوساکا کے ساتھ مشترکہ طور پر ارجنٹائن کا دارالحکومت بیونس آئرس بھی 39 پوائنٹس کے ساتھ اس انڈیکس میں دنیا کا دسواں سستا ترین شہر قرار پایا۔
 
8- الجزائر سٹی، الجزائر
الجزائر کا دارالحکومت الجزائر سٹی 38 پوائنٹس کے ساتھ رہائش کے اعتبار سے دنیا کا آٹھواں سستا ترین شہر رہا۔
 
7۔ احمد آباد، بھارت
بھارتی شہر احمد آباد سن 2021ء کے انڈیکس میں رہائش کے لیے دنیا کا ساتواں سستا ترین شہر قرار دیا گیا۔ اس انڈیکس میں احمد آباد کو 37 پوائنٹس دیے گئے۔
 
6۔ کراچی، پاکستان
رہائشی اخراجات کے حوالے سے مرتب کیے گئے انڈیکس میں دنیا کے 173 شہروں میں رہائش پر اٹھنے والے اخراجات کا جائزہ لیا گیا۔ کراچی اس فہرست میں 36 پوائنٹس کے ساتھ 168ویں نمبر پر ہے۔ یوں یہ پاکستانی شہر دنیا کا چھٹا سستا ترین شہر قرار پایا۔
 
5۔ الماتے، قازقستان
قریب 30 ملین نفوس پر مشتمل قازقستان کا شہر الماتے 35 پوائنٹس کے ساتھ سن 2021 میں رہائش کے لیے دنیا کا پانچواں سستا ترین شہر قرار دیا گیا۔
 
4۔ تیونس سٹی، تیونس
تیونس کا دارالحکومت تیونس سٹی 33 پوائنٹس کے ساتھ دنیا کا چوتھا سستا ترین شہر قرار پایا۔
 
3۔ تاشقند، ازبکستان
ازبک دارالحکومت تاشقند کو رہائشی اخراجات کے حوالے سے سن 2021ء کے انڈیکس میں 30 پوائنٹس دیے گئے اور اسے دنیا کا تیسرا سستا ترین شہر قرار دیا گیا۔
 
2۔ طرابلس، لیبیا
شورش زدہ ملک لیبیا کا دارالحکومت طرابلس رہائشی اخراجات کے حوالے سے دنیا کا دوسرا سستا ترین شہر قرار دیا گیا۔
 
1۔ دمشق، شام
کئی برسوں سے خانہ جنگی کے شکار ملک شام کا دارالحکومت امن و امان کے اعتبار سے تو شاید رہائش کے قابل نہیں۔ تاہم رہائش پر اٹھنے والے اخراجات کے اعتبار سے گزشتہ برس کے انڈیکس کی طرح اس برس بھی دنیا کا سستا ترین شہر شام کو ہی قرار دیا گیا۔
 
Partner Content: DW Urdu
Most Viewed (Last 30 Days | All Time)
05 Dec, 2021 Views: 2471

Comments

آپ کی رائے