زندہ نوجوان کو مردہ قرار دے دیا، کمر کے بجائے دل کا آپریشن ۔۔ 21 سالہ نوجوان کے ماں باپ کو ڈاکٹر نے ایسا دکھ دے دیا جس کی مثال کہیں نہیں ملتی

اولاد کی بیماری انسان کو پریشان کر دیتی ہے اور اگر معاملہ 21 سالہ جوان کا ہو تو والدین کو ہاتھ پاؤں پڑ جاتے ہیں اور وہ جوان اولاد کے علاج کے لیے بہترین ترین سے کم پر راضی نہیں ہوتے- مگر بدقسمتی سے علاج کے شعبے نے بھی اب کاروبار کی حیثیت اختیار کر لی ہے-

اس شعبے میں کمائی کے ذرائع کو دیکھتے ہوئے بہت سارے عطائی بھی مارکیٹ میں آگئے ہیں جنہوں نے دیگر کاروباروں کی طرح ہسپتال کو بھی ایک کامیاب کاروبار سمجھ کر اس شعبے میں انویسٹمنٹ کر رکھی ہے اور بڑے بڑے ہسپتال تو بنا لیے ہیں- مگر علاج کرنے کے لیے سرٹیفائڈ ڈاکٹرز کے بجائے غیر مستند افراد کو بھرتی کر لیا ہے-

ایسے ڈاکٹر جو کہ اپنے شعبے میں مہارت کے حامل نہیں ہوتے ہیں صرف اور صرف پیسہ کمانے کی دھن میں معصوم انسانوں کی جانوں سے کھیل لیتے ہیں- ڈاکٹروں کی لاپرواہی اور ان کی غفلت سے جڑا ایک واقعہ حال ہی میں کراچی حالات اپ ڈيٹ کے سوشل میڈيا پیج پر مسعود عظمت نامی ایک صارف نے شئير کیا ہے- جس میں انہوں نے واقعات کی تفصیلات اور محمد اویس کی تصاویر کو شئير کرتے ہوئے اس کے ساتھ ہونے والی زيادتی کے خلاف آوازبلند کرنے کی درخواست کی ہے-

تفصیلات کے مطاب‍ق پنجاب کے علاقے گوجر خان میں جہاں اکیس سالہ محمد اویس کمر درد کی تکلیف کے سبب ایسے ہی کچھ عطائی اور لالچی افراد کی لالچ اور نا تجربہ کاری کی بھینٹ چڑھ گئے-

کمر میں درد اور تکلیف کے سبب والدین نے اس نوجوان کو راولپنڈی کے قائد اعظم انٹرنشنل ہسپتال میں لے کر گئے جنہوں نے اس کی تکلیف کے خاتمے کے لیے آپریشن کا مشورہ دیا اور محمد اویس کو ہسپتال میں داخل کروا دیا گیا-

جہاں پر قصائی نما ان ڈاکٹروں نے محمد اویس کی کمر کے آپریشن کے بجائے اس کے دل کا آپریشن کر دیا اور اس کی ناکامی کا اعلان کر کے اس کو مردہ قرار دے کر لاش کو لواحقین کے حوالے کر دیا- جہاں انہوں نے اپنے گاؤں میں محمد اویس کی قبر کی تیاری بھی شروع کر دی-

مگر جب والدین نے محمد اویس کی لاش وصول کی تو وہ یہ دیکھ کر حیران رہ گئے کہ محمد اویس نہ صرف زںدہ ہے بلکہ اس کی سانسیں بھی چل رہی ہیں جس پر وہ اس کو ایموجنسی میں دوسرے ہسپتال لے کر دوڑے-

جہاں پر ہسپتال انتظامیہ کے مطابق محمد اویس کا پورا جسم کٹا ہوا تھا اس کی تین پسلیاں بری طرح ٹوٹی ہوئی تھیں اور اس کے خون کی سپلائی کی لائن کاٹ دی گئی تھی- مگر وہ اس کے باوجود زندہ تھا اور اس ہسپتال سے ڈسچارج ہونے کے بعد بھی 55 گھنٹوں تک وہ زندہ رہا مگر اس کے بعد زیادہ خون بہہ جانے کے سبب اس کی موت ہو گئی-

اس حوالے سے محمد اویس کے والدین کے لیے یہ ایک سخت ترین وقت ہے جن کے جوان بچے کی موت غفلت اور غلط علاج کے سبب ہوئی- اس معاملے کا سب سے افسوسناک پہلو جو کہ سوشل میڈیا کی پوسٹ کے ذریعے سامنے آیا کہ قائد اعظم انٹرنیشل ہسپتال کی انتظامیہ نے ان غریب والدین سے علاج اور آپریشن کی مد میں 21 لاکھ روپے بھی وصول کیے-

غریب والدین کے مستقبل کا سہارہ ان سے چھین لیا گیا اور اس کے ساتھ ساتھ ان کی تمام جمع پونچی بھی ان سے لے لی گئی اور وہ بالکل خالی ہاتھ رہ گئے- سوال یہ ہے کہ کیا ان معصوم اور غریب لوگوں کو انصاف مل سکے گا-

کیا اس طرح کے صحت کے مراکز کے خلاف کسی قسم کی کاروائي ہو سکے گی جو کہ علاج کے نام پر عوام کی جیبوں پر شب خون مارتے ہیں اور اس کے بعد علاج کے نام پر درست سہولیات فراہم کرنے کے بجاۓ ان کی جانوں سے کھیلتے ہیں-

< Previous پاکستانی والدین کے بچوں کو ڈرانے کے چند دلچسپ انداز NEXT > ان تصویروں میں ایک جانور چھپا ہوا ہے اس کو تلاش کریں، اگر آپ نے 10 میں سے 8 نمبر لے لیے تو آپ کامیاب ٹھہرے - جوابات