|
|
| |
| مرد یہ دعویٰ کرتے تو نظر آتے ہیں کہ ان کا لباس تو بہت
سادہ ہوتا ہے اور ان کو عورتوں کی طرح فیشن کی فکر نہیں ہوتی ہے- لیکن
حقیقت اس سے کافی مختلف ہوتی ہے مردوں کے لباس اور فیشن میں کچھ ایسی
باریکیاں ہوتی ہیں جن کو اپنا کر وہ خود کو نہ صرف اسمارٹ ثابت کر سکتے ہیں
بلکہ خوش لباس ہونے کا دعویٰ بھی کر سکتے ہیں- |
| |
| خوش لباس اور اسمارٹ
بنانے والے طریقے |
| مرد عورتوں کی طرح اپنے لباس پر ستارے اور موتیوں کا کام
تو نہیں کروا سکتے لیکن درست انداز میں لباس پہن کر ایسا تاثر ضرور پیدا کر
سکتے ہیں جو کہ دیر پا ہوتا ہے- |
| |
| اگر ہاتھ پر گھڑی پہنی
ہو تو |
| اکثر مرد کلائی پر گھڑی پہننے کی عادت رکھتے ہیں ایسے
افراد کو چاہیے کہ اس صورت میں قمیض کے بازو نفاست سے فولڈ کر لیا کریں- اس
سے ایک جانب تو گھڑی نظر آئے گی اور دوسری جانب گھڑی کے ساتھ پورے بازو
پہننے سے قمیض کی کف پر ہونے والا ابھار خوبصورت تاثر نہیں دیتا ہے- |
|
|
|
|
| |
| ڈيزائن والی ٹی شرٹ سے
بچیں |
| ٹی شرٹ پہننا آسانی کے سبب اکثر مرد حضرات
کو بہت پسند ہوتی ہے اور کچھ نوجوان تو ایسے بھی ہوتے ہیں جو اپنے کھلنڈرے
پن کے سبب نت نئے ڈیزائن کی ٹی شرٹ پہنتے ہیں- مگر اس حوالے سے یہ بات یاد
رکھنے کی ہے کہ جیسا کہ اب سردی کا موسم ہے اور اس موسم میں لازمی جیکٹ
پہنی جاتی ہے تو اس کے نیچے ڈيزائن والی شرٹ بہت بری لگتی ہے اس وجہ سے
بغیر ڈیزائن والی ٹی شرٹ کا استعمال کرنا چاہیے- اس سے ایک جانب تو فیشن کے
آوٹ ہونے کا ڈر نہیں ہوتا ہے دوسرا یہ شخصیت پر ایک بہتر تاثر ڈالتی ہے- |
| |
| ٹی شرٹ کی سلیوز |
| ٹی شرٹ اپ کو اسمارٹ بنانے کا ایک اہم لباس ہے ۔ اس کو
پہنتے ہوئے اس بات کا خیال رکھیں کہ اس کے بازو کہنیوں تک نہیں ہونے چاہئیں-
اس سے ایک ڈھیلا ڈھالا تاثر ابھرتا ہے جو کہ شخصیت پر مثبت اثر نہیں ڈالتا
ہے اس کے بجائے ٹی شرٹ کے بازو چھوٹے ہونے سے اسمارٹنس میں اضافہ ہوتا ہے- |
| |
| بیٹھتے ہوئے
کوٹ کے بٹن |
| ڈریس کوٹ کو پہنتے ہوئے اگر آپ خود کو خوش لباس
ثابت کرنا چاہتے ہیں تو آپ کو اس حوالے سے احتیاط کرنی ہو گی کہ اس کا
تیسرا بٹن بند نہیں کرنا ہے- اور اس کے علاوہ جب آپ بیٹھنے لگیں تو اس کوٹ
کے باقی بٹن بھی کھول دیں تاہم دوبارہ کھڑے ہونے پر اوپر والے دو بٹن بند
کر دیں- |
| |
|
|
| |
| تیرہ سال سے
بڑی عمر کے مرد شرٹ اندر کریں |
| مرد پینٹ کے ساتھ مختلف قسم کی شرٹ پہنتے رہتے
ہیں اور کبھی شرٹ باہر رکھتے ہیں اور کبھی پینٹ کے اندر کر لیتے ہیں تو اس
حوالے سے ماہر فیشن ڈیزائنر کا یہ ماننا ہے کہ مردوں کو تیرہ سال کی عمر کے
بعد شرٹ کو پینٹ کے اندر نہیں کرنا چاہیے- |
| |
| امید ہے ان تمام باتوں پر عمل کر کے آپ خوش
لباس ہونے میں ضرور کامیاب ہو جائیں گے- |