ناخن بڑھانا صحت کے لیے خطرناک مگر کیا آپ جانتے ہیں کہ اگر ناخن نہ ہوتے تو کیا ہوتا؟

کہیں کھجلی ہو تو ناخن سے کھجانے میں خاص لطف آتا ہے اسی طرح کسی بھی چیز کو کھرچنے کے لیے اور پکڑنے کے لیے بھی ناخن بہت مددگار ثابت ہوتے ہیں- لیکن کیا کبھی کسی نے سوچا کہ اگر اس کے ہاتھوں کی انگلیوں میں نہ ہوتیں تو وہ کیا کرتا- اس حوالے سے ماہرین کی جدید ترین تحقیق نے کچھ نئے انکشاف کیے ہیں جن کے بارے میں ہم آپ کو آج بتائیں گے-اگر ہاتھ کی انگلیوں میں ناخن نہ ہوتے تو انسان کو جن مسائل کا سامنا کرنا پڑتا وہ کچھ اس طرح سے ہو سکتے ہیں-

بہت سارے نزاکت والے کام نہیں کر سکتے

انسان کے ہاتھوں کے پنجے مختلف چیزوں کو پکڑنے ، کسی چیز کو کھودنے یا کسی چیز کو تھام کر چلنے میں مدد دیتے ہیں مگر ناخن کی موجودگی کے سبب باریکی کے بہت سارے کام ممکن ہو سکتے ہیں- مثال کے طور پر سوئی میں دھاگہ ڈالنا یا کتاب کے ورق پلٹنے جیسے کام ممکن نہ ہو سکتے یا پھر بہت دشوار ہو جاتے- ہم بڑی چیزوں کو پنجوں سے اور چھوٹی چیزوں کو ناخنوں سے تھام سکتے ہیں-

بار بار بیمار ہوتے

یہ ہمارے ناخن ہی ہیں جو کہ کسی بھی چیز کو کھاتے وقت یا کسی سطح کو چھوتے وقت جراثیم اور وائرس سے بچا لیتے ہیں- مگر اگر ناخن نہ ہوتے تو جراثیم فوراً ہمارے جسم میں داخل ہو جاتے اور اس سبب ہمیں بیمار کرنے کا سبب بن سکتے ہیں-

بیماریوں کی علامات ظاہر کرتے ہیں

ہمارے ناخن ہمارے جسم کی اندرونی حالات کو ظاہر کرنے کا ایک اہم ذریعہ ہیں اگر ناخن نہ ہوتے تو خون کی کمی یا کیلشیم کی کمی جیسی بیماریوں کی علامات ظاہر نہیں ہو سکتیں- جس کی وجہ سے انسان کو بہت ساری بیماریوں کا علم بھی نہیں ہو سکا-

زیادہ چوٹیں لگ سکتی ہیں

ناخن انسان کے پنچوں کے نرم حصوں کو تحفظ فراہم کرنے کا ایک اہم ذریعہ ہیں اگر ناخن نہ ہوتے تو اس کی وجہ سے بار بار مختلف جگہوں سے ٹکراؤ کے نتیجے میں چوٹیں لگنے کے امکانات میں اضافہ ہو سکتا ہے جس کی وجہ سے خطرناک چوٹیں بھی لگ سکتی ہیں-