|
|
| |
| شادی لڑکی کی ہو یا لڑکے کی زندگی کو بدل کر رکھ دیتی ہے
جس کے بعد بہت ساری تبدیلیاں واقع ہوتی ہیں- کچھ لوگوں کا یہ خیال ہوتا ہے
کہ چونکہ لڑکی نئے گھر میں آتی ہے تو اس کی زندگی بدل جاتی ہے مگر یہ
تبدیلی یک طرفہ نہیں ہوتی ہے بلکہ لڑکوں کی زندگی میں بھی تبدیلی واقع ہوتی
ہے جس کے بارے میں ہم آپ کو آج بتائيں گے- |
| |
| دہی سے پیزا لانے تک کا
سفر |
| عام طور پر جب لڑکے گھر سے باہر جانے لگتے ہیں تو ان کی
ماں کی آواز ان کا پیچھا کرتی ہے- جس میں ان سے دہی یا دھنیا لانے کی
فرمائش ہوتی ہے- مگر شادی کے بعد یہ ذمہ داریاں خود بخود چھوٹے بھائی کو
منتقل ہو جاتی ہیں اور اب گھر سے نکلتے ہوئے ماں کے بجائے بیگم کی فرمائشوں
کی ایک لسٹ ہوتی ہے جس کو پورا کرنا شوہر کی اولین ذمہ داری ٹہرتی ہے- |
| |
| جلدی گھر آنا سے اتنی
جلدی گھر کیسے آگئے تک |
| شادی سے پہلے لڑکے اپنا زیادہ وقت اپنے دوستوں کے ساتھ
گزارنا پسند کرتے ہیں اور ان کی ماں اور گھر والوں کو ان سے یہی شکایت ہوتی
ہے کہ وہ گھر جلدی نہیں آتے ہیں- مگر زیادہ تر لڑکوں کے دوست شادی کے بعد
چھٹ جاتے ہیں اور وہ کام پورا کرتے ہی گھر کی طرف بھاگتے ہیں جہاں نئی
نویلی دلہن ان کی منتظر ہوتی ہے- |
|
|
|
|
| |
| امی میرے کپڑے استری کر
دیں سے یہ لیں آپ کے کپڑے استری ہیں |
| شادی سے قبل ایک شرٹ استری کروانے کے لیے
گھر والوں کی منتیں کرنی پڑتی تھیں ان کو مختلف قسم کا لالچ دینا پڑتا تھا
اور اس کے بعد بھی سو سو احسان کر کے کپڑے استری ملتے تھے- مگر شادی کے بعد
بیگم ایک کے بجائے دو دو جوڑے استری کر کے پیش کرتی ہے جس سے انسان خود کو
بہت خوش قسمت محسوس کرتا ہے- |
| |
| ایک کپ چائے کی منتوں سے
رات دو بجے پراٹھے تک کا سفر |
| شادی سے پہلے ایک کپ چائے بنوانے کے لیے بھی بہنوں کی
منت سماجت کرنی پڑتی ہے مگر شادی کے بعد اگر اچھی بیوی مل جائے تو رات دیر
گئے بھی لگنے والی بھوک کی صورت میں مزیدار گرما گرم پراٹھا مل سکتا ہے اور
ایسا بیوی ہی کر سکتی ہے- |
| |
|
|
| |
| تم تو چپ ہی
رہو سے اس سے مشورہ لے کر دیکھتے ہیں |
| شادی کے بعد دنیا کی نظر میں ایک کھلنڈرا اور
نا تجربہ کار لڑکا راتوں رات ایک سمجھدار اور قابل بھروسہ انسان میں تبدیل
ہو جاتا ہے اور لوگ اس سے نہ صرف مختلف معاملات میں مشورے لیتے ہیں بلکہ اس
کے مشوروں کو بھی قدرکی نگاہ سے دیکھتے ہیں- |
| |
| شادی کو اسی لیے خوشی کا سبب قرار دیا جاتا ہے
کہ یہ انسان کو نہ صرف خوشی فراہم کرتی ہے بلکہ اس کی خود اعتمادی میں بھی
اضافہ کرتی ہے اس حوالے سے آپ اپنی رائے سے ضرور آگاہ کریں |