بیٹری کی پریشانی ختم صرف ایک بٹن سے...چند ایسے طریقے جو اسمارٹ واچ کی بیٹری کی زندگی کو بڑھا سکتے ہیں

 
اسمارٹ واچ نے ہر عمر کے افراد کے درمیان مقبولیت حاصل کی ہے- اس مقبولیت کی ایک بڑی وجہ اسمارٹ واچز میں پائے جانے والے دلچسپ فیچرز ہیں- لیکن ان تمام فیچرز کو اپنی کارکردگی کا مظاہرہ کرنے کے لیے بیٹری کی ضرورت ہوتی ہے- اسمارٹ واچ کو اگر مناسب طریقے سے استعمال نہ کیا جائے تو اس کی بیٹری بہت جلد خرچ ہوجاتی ہے جس سے اسے بار بار چارج کرنا پڑتا ہے- یقیناً آج کے تیز رفتار دور میں یہ ہر انسان کے لیے ممکن نہیں- تاہم یہاں چند ایسے طریقے بتارہے ہیں جن پر عمل کر کے آپ اپنی اسمارٹ واچ کی بیٹری کو ایک طویل وقت تک چلا سکتے ہیں-
 
غیر ضروری نوٹیفیکیشن سے جان چھڑائیں
آپ کو چاہیے کہ اپنی اسمارٹ واچ پر موصول ہونے والی غیر ضروری غیر ضروری نوٹیفیکیشن کو بند کردیں- اگرچہ ہر نوٹیفیکیشن بہت کم بیٹری خرچ کرتا ہے لیکن دن کے اختتام پر مجموعی طور پر صرف نوٹیفیکیشن کی مد میں بیٹری کا بڑا حصہ خرچ ہوچکا ہوتا ہے- آپ کو چاہیے کہ اسمارٹ واچ پر صرف ان نوٹیفیکیشن کو آن رکھیے جنہیں آپ لازمی چیک کرتے ہیں-
 
روشن اسکرین
اسمارٹ واچ کی اسکرین جتنی روشن ہوگی بیٹری اتنی زیادہ خرچ ہوگی- بہتر یہی ہے کہ اسمارٹ واچ میں brightness کی خودکار سیٹنگ کو آن رکھا جائے- اس طرح بیٹری زیادہ استعمال بھی نہیں ہوگی اور اسکرین طویل وقت تک روشن بھی رہے گی-
 
سادہ واچ فیس کا استعمال
اگرچہ یہ ایک زبردست فیچر ہے جس کی مدد سے آپ اسمارٹ واچ کے مختلف ڈائل منتخب کرسکتے ہیں لیکن بہت زیادہ متحرک واچ فیس آپ کی بیٹری بھی بہت زیادہ خرچ کرتا ہے- آپ کو چاہیے کہ بہت آسان اور سادہ واچ فیس منتخب کریں تاکہ اسمارٹ واچ طویل وقت تک چل سکے-
 
ہمیشہ آن ڈسپلے
اکثر افراد مکمل وقت اسمارٹ واچ کا ڈسپلے آن رکھتے ہیں لیکن ان کا یہ عمل بھی بیٹری کے لیے نقصان دہ ثابت ہوتا ہے- زیادہ تر اسمارٹ واچز اس فیچر کے ایکٹو کرتے ہوئے اس بات کی وارننگ بھی دیتی ہیں کہ اس سے زیادہ بیٹری خرچ ہوگی- اگر آپ اپنی اسمارٹ واچ کی بیٹری زیادہ وقت تک چلانا چاہتے ہیں تو ڈسپلے کو ایک محدود وقت تک کے لیے آن کیجیے-
 
اسمارٹ واچ کو اپڈیٹ رکھیں
آپ کو چاہیے کہ اپنی اسمارٹ واچ کے سافٹ وئیر کو ہمیشہ اپڈیٹ رکھیں- کمپنی کی جانب سے جیسے ہی اسمارٹ واچ کی کوئی اپڈیٹ جاری کی جائے اسے لازمی انسٹال کر لیں- اس طرح نہ صرف ایپس کی کارکردگی بہتر ہوگی بلکہ بیٹری کی بچت بھی ممکن ہوگی-
Most Viewed (Last 30 Days | All Time)
07 Jan, 2022 Views: 1316

Comments

آپ کی رائے