کہيں آپ کا لکى نمبر سات تو نہیں ...7 نمبر سے جڑے دلچسپ حقائق

کیا آپ جانتے ہیں کہ دنیا بھر میں کچھ چیزیں مشترک ہیں جیسے ہفتے میں سات دن .. دنیا کے ہر خطے میں ہفتے میں سات دن ہوتے ہیں مگر سات ہی کیوں؟ اس نمبر میں ايسى کیا الگ بات ہے کہ ہر شخص اس سے متفق نظر آتا ہے؟ تو آئیے جانتے ہیں سات نمبر کے اس راز کے بارے میں جو شايد کم افراد کو معلوم ہو -

ہزاروں سال پہلے وقت بتانے کے لئے آئی فون یا گھڑیاں نہیں ہوتی تھیں، اس کا اندازہ لگانے کے لیے سیاروں کی پوزیشن کو دیکھا جاتا کیونکہ 7 سيارے بشمول چاند، سورج دیکھے اور یقین کرلیا کہ ہر کسی کے پاس خلائی طاقت ہے- تو ہندوؤں نے ان سات سياروں کى عبادت کرنا شروع کر دی- اس طرح ہر سیارہ خدا بن گیا ، وقت گزرتا رہا اور پھر اچانک ان لوگوں نے چاہا کہ یہ خدا ہر وقت ان کے سامنے موجود رہے چناچہ انہوں نے ہر خدا کے لئے ایک دن مقرر کر لیا تاکہ وہ خدا کو دیکھ سکيں اور عبادت کر سکيں اور اس طرح سات دن مقرر ہوگئے محض سات دیوتاؤں کے لیے！

مصر سمیت دنیا کے بہت سے ممالک نے ہفتے کے سات دنوں کو دس دنوں میں بدلنے کی کوشش کی مگر ناکام رہے کیونکہ دنیا سات دنوں کے اس فارمولے سے خوش تھی- حیرت انگیز طور پر دنیا کو دراصل سات ہندسے سے لگاؤ ہوگیا تھا- وقت کے ساتھ یہ اتنا مقبول ہوا کہ لوگوں نے اسے ہر جگہ استعمال کرنا شروع کر دیا جیسے دنیا کے 7 عجائبات، سات قوس قزح کے رنگ، سات مہلک گناہ، سات براعظم، سات سمندر یہاں تک کہ ہیری پوٹر کی سات کتابیں يعنى نمبر سات ایک خوش قسمتی کا نمبر مانا جانے لگا، اتنا لکی کہ اگر آپ اسے سلاٹ مشین میں تین بار مارتے ہیں تو آپ لکھ پتی بن جاتے ہیں-

سالہا سال سات نمبر کی مقبولیت ذہنوں میں پکی ہوتی گئی اور ہندوؤں کے دیوتاؤں پر مبنی نظریہ کو سب نے بغیر کسی تحقیق کے ماننا شروع کر دیا- حد تو يہ ہے کہ اتنا مقبول ہوا کہ دنیا کی کسی بھی مذہب کی شخصیات چاہے عیسائی ہوں یا یہودی يا دنیا کا کوئی بھی باشندہ ہو سات لکی نمبر کے اثر سے خود کو نہ بچا سکا-

معروف فٹبالر کرسٹیا رونالڈو نے اپنى جرسى کے لئے سات کا ہندسہ سوچا - جیمز بانڈ نے اس نمبر کو کوڈ نیم (صيغۂ راز کا نام) کے طور پر استعمال کیا -

سائنسدانوں نے پتہ لگایا کہ ہم آخر 7 کے ہندسے کو کیوں اتنا پسند کرتے ہیں تو معلوم ہوا کہ انسانی دماغ سات چیزیں بیک وقت یاد رکھ سکتا ہے، اس سے زیادہ باتیں ہم لکھ لیتے ہیں- شاید یہی وجہ ہے کہ سات کے ہندسے کو دنیا باآسانی مانتی چلی گئی -

نمبر7 کی یہ دلچسپ معلومات یقیناً آپ کے لیے بھی نئى ہونگى مگر ہندسوں کا يہ کھيل محض ہندوانہ رسم اور عقیدے کی بنیاد ہے- سو کسی بھی نمبر کو اپنی زندگی کا اہم حصہ بنانے سے پہلے ضرور سوچيے گا کہ کہیں یہ آپ کو اسلامی اقدار اور نظریات سے دور تو نہیں کر رہا-

< Previous گھر بیٹھ کر یہ کاروبار کریں اور کم وقت میں زیادہ منافع کمائیں NEXT > ذہنی صلاحیتوں کو بڑھانا چاہتے ہیں ان سوالات کے جواب ڈھونڈیں اور اپنے بارے میں جانیں - جوابات