ايلويرا بغير مٹى کے بھی آُگايا جا سکتا ہے… ایلوویرا سے متعلق کچھ ایسے حيران کن حقائق جو بہت کم لوگوں کو معلوم ہیں

ایلویرا ہر جگہ استعمال کیا جاتا ہے- کاسمیٹک، کھانے پینے کی اشیاء یا عام گھریلو استعمال کے لیے جیسے ٹوتھ پیسٹ وغيرہ- ہم سب جانتے ہیں کہ ایلوویرا ہماری صحت اور جلد کیلئے بہت مفید ہے- لیکن آج ہم آپ کو ایلوویرا کے دلچسپ حقائق بتائیں گے ، جو بہت ہى کم لوگوں کو معلوم ہوں گے-

1) ايلويرا زیادہ آکسيجن دينے والا پودا

ایلوویرا دوسرے پودوں کی بنسبت آکسیجن زیادہ رکھتا ہے- حقیقت یہ ہے کہ زیادہ تر پودے سورج کی روشنی میں آکسیجن دیتے ہیں جبکہ ایلوویرا دن میں تو آکسیجن بناتا ہی ہے مگر رات میں بھی آکسیجن دیتا ہے-

2) پانى کى وافر مقدار

دوسری حیرت انگیز بات یہ ہے کہ ایلوویرا کے اندر بے پناہ پانی موجود ہے- تقریباً 98 فیصد ایلوویرا پانی پر مشتمل ہے اور صرف دو فیصد باقی منرلز اور وٹامنز پائے جاتے ہیں-

3) جانوروں کے لئے فائدہ مند

انسان تو ایلوویرا کا استعمال دوا کے طور پر کرتے ہی چلے آرہے ہیں مگر جانوروں کے لیے بھی حیرت انگیز طور پر یہ اتنا ہی مفید ہے- ایلوویرا کا محلول بنا کر جانوروں کی جلد پر چھڑکنے سے موجود بیکٹریا مر جاتے ہیں- ان جانوروں کو مچھر اور دیگر کیڑے مکوڑوں سے بھی محفوظ رکھتا ہے-

4) مٹى کے بغير بڑھنے والا پودا

ایلوویرا کے جہاں بہت سے دلچسپ حقائق ہیں وہاں یہ بات بھی حیران کردیتی ہے کہ یہ پودا بغیر مٹی کے بھی اگایا جاسکتا ہے- کسی بھی پودے کے لئے مٹی از حد ضروری ہے، اس کے بغیر پودے کا تصور بھی نہیں کیا جا سکتا مگر ایلوویرا کے لیے شاید مٹی اہم نہیں، ان کو صرف پانی میں بھی اپنی جڑوں کو پھيلتے دیکھا گیا ہے-

5) غذا کو محفوظ رکھنے والا

ایلوویرا بہترین فوڈ پریزرویٹوو بھی ہے یعنی کہ غذا کو محفوظ رکھنے کے لیے استعمال کیا جا سکتا ہے- اسپین میں کیے گئے ایک تجربے میں کچھ انگوروں کے گچھے کو ایلوویرا جیل لگا کر اور کچھ بغیر جيل لگے فريج میں رکھے گئے- سات روز کے بعد جب ديکھا گيا تو حيران کن طور پر ایلوویرا میں موجود انگور پہلے کی طرح تروتازہ پائے گئے جبکہ دوسرے گل چکے تھے- یہی نہیں بلکہ جيل لگے انگور تقریباً 35 روز تک قابل استعمال رہے-

6) بہترين جلد کا ٹانک

ہر سال زمین کا درجہ حرارت بڑھتا جا رہا ہے، جس سے دنیا کے کئی حصوں میں درجہ حرارت يکسر بدل گيا ہے- يہى وجہ ہے کہ سورج کى تپش سے جلد کی جلنے کا تناسب بھی بڑھتا جا رہا ہے جس سے خراش اور دیگر جلدی بیماریاں عام ہو رہی ہیں - یہی ایلویرا ان سب مسائل کے حل کے لئے بہترین ٹانک ہے- ایلوویرا میں پودینے جیسی ٹھنڈک ہوتی ہے، یہ جلے ہوئے حصوں پر لگانے سے جلد کو خشکی سے دور کرتا ہے-