کیا حقیقت میں گرم ممالک کے پرندے زیادہ رنگ برنگے ہوتے ہیں؟

برسوں سے ایسا تسلیم کیا جاتا ہے کہ ٹراپیکل خطوں کے پرندے زیادہ رنگ برنگے ہوتے ہیں۔ ابھی تک ماہرین اس بظاہر فرضی دعوے کے ساتھ پوری طرح متفق دکھائی نہیں دیتے۔

ڈارون اور فون ہمبولٹ کا مشترکہ خیال

فطرت پسند سائنسدانوں میں چارلس ڈارون، الفریڈ رسل اور الیگزانڈر فون ہمبولٹ بہت اہم ہیں۔ انہوں نے انیسویں صدی میں اپنا دور پار کا سفر مکمل کرنے کے بعد کہا تھا کہ گرم ملکوں کے پرندے ان کے وطنی پرندوں سے زیادہ شاندار ہیں۔ اس وقت سے ایک تصور چلا آ رہا ہے کہ مرطوب خطوں کے پرندے بمقابلہ دوسرے علاقوں کے زیادہ رنگ برنگے ہیں۔ اس تصور کے حق میں ابھی تک بہت زیادہ ثبوت جمع نہیں کیے جا سکے۔

ایک عالمی تحقیق کی ضرورت

گرم ملکوں کے پرندوں کے رنگ برنگے ہونے کے لیے عالمی سطح پر ایک وسیع ریسرچ کی ضرورت یقینی ہے، لیکن ایسا ابھی تک ممکن نہیں ہو سکا۔ حال ہی میں اس مناسبت سے جغرافیائی معلومات تک رسائی بڑھی ہے اور ان سے گرم ملکوں کے خوبصورت پرندوں کے رنگوں بارے معلومات میں اضافہ ضرور ہوا ہے۔

ہزارہا رنگ

یہ بات طے ہے کہ پرندوں کی قریب دس ہزار اقسام انتہائی رنگ برنگی ہیں۔ محققین ساڑھے چار ہزار عام راستوں پر رہنے والی چڑیاؤں پر تحقیق کر رہے ہیں۔ ان میں چڑیا کے حجم کی کئی اقسام شامل ہیں۔ ایسی چڑیاؤں کی اقسام کل پرندوں کی نسلوں کا ساٹھ فیصد ہیں۔

رنگین ہونا کیا ہے؟

رنگ برنگا ہونے سے کیا مراد ہے؟ بظاہر اس سے مراد بے شمار رنگوں اور ان کے ملاپ سے کئی اور رنگوں کا سامنے آنا ہے۔ پرندوں میں رنگوں کی اقسام کو گننا مشکل ہے ناممکن نہیں۔ جس پرندے میں جتنے زیادہ شیڈ ہوں گے وہ اتنا ہی رنگ برنگا قرار دیا جاتا ہے۔

رنگوں کی پیمائش

ابتدا میں محققین پرندوں میں کئی رنگوں کی موجودگی پر متفق نہیں تھے جیسے شطرنج کی بساط ہوتی ہے۔ لیکن اب ان کی تصاویر کو وسیع تر پھیلانے سے ان میں رنگوں کی موجودگی کا تعین کیا گیا ہے۔ اس ریسرچ سے پرندوں میں موجود رنگوں کی وسعت کو ایک پیمانے سے ماپنا آسان ہو گیا۔

ٹراپیکل قوس قزاح

جدید تحقیق سے ڈارون اور فون ہمبولٹ کے تصور کو کسی حد تک توثیق میسر ہو گئی ہے۔ اب محققین ایک نئی ریسرچ کے بعد یہ کہنے پر مجبور ہیں کہ ٹراپیکل علاقے میں پائی جانے والی چڑیا کی جسامت کے مختلف پرندے دوسرے علاقوں کے اسی طرح کے پرندوں سے تیس فیصد زیادہ رنگ برنگے ہیں۔ محققین کا یہ بھی کہنا ہے کہ اس کی بنیادی وجہ حیاتیاتی تنوع اور ماحولیاتی اثرات ہو سکتے ہیں۔

پرندوں کے علاوہ دوسری حیات کے رنگ

الیکزانڈر فون ہمبولٹ گرم علاقوں کے صرف پرندوں کے رنگ برنگے ہونے سے متاثر نہیں ہوئے تھے بلکہ وہاں کی دوسری حیاتیاتی مخلوق یعنی ریڑھ کی ہڈی والے جانوروں، کیڑے مکوڑوں اور پودوں میں پائے جانے والے رنگوں سے بھی بہت متاثر ہوئے تھے۔ کیا چڑیاؤں پر کی جانے والی جدید تحقیق ٹرپیکل خطے کی دوسری مخلوق پر بھی منطبق کی جا سکتی ہے؟ اس سوال کا جواب ابھی باقی ہے۔