8 بچوں کی شادیاں کیں لیکن سب نے۔۔۔ لاہور میں راوی پل کے نیچے زندگی گزارنے والے ماں باپ کی المناک داستان

بوڑھے معذور شخص نے بمشکل بیماری سے نڈھال بیوی کے کندھے پر ہاتھ رکھ کر تسلی دیتے ہوئے خوشگوار انداز میں کہا بس کرو جان بہار ہمارے اچھے دن پھر لوٹ آئیں گے۔ تمہارے بیٹے تمہیں لینے آئیں گے اس لئے جلدی سے ٹھیک ہوجاؤ تاکہ اپنے پوتوں کو اٹھا سکو۔۔۔۔

والدین تو کئی بچوں کو پال لیتے ہیں لیکن کئی بچے مل کر والدین کی کفالت نہیں کرسکتے، یہ جملہ ہم اکثر سنتے اور عملی طور پر بھی دیکھتے ہیں کیونکہ ایسی کئی مثالیں ہمارے معاشرے میں عام پائی جاتی ہیں، اگر ہم اپنے آس پاس بھی نظر ڈورائیں تو ہمیں کئی ایسے مجبور اور بے سہارا بزرگ نظر آتے ہیں جنہوں نے اپنی اولاد کو تو ہر آسائش دی لیکن جب اپنی باری آئی تو بچے بے آسرہ چھوڑ کر چلے گئے۔

ایسی ہی ایک مثال لاہور میں راوی کے پل کے نیچے زندگی کے دن گننے والے والدین کی ہے۔ 8 بچوں کی شادیاں کرنے والے یہ بوڑھے والدین اس وقت لاہور میں راوی کے پل تلے بے کسی کی زندگی گزار رہے ہیں۔

اپنی چھت نہ کوئی آمدنی کا ذریعہ جبکہ بچے بھی چھوڑ گئے، وہیل چیئر پر موجود بوڑھا شخص ویلڈنگ کا کام کرکے کبھی کھانے کا بندوبست کرلیتا ہے تو کبھی بھوک کے ساتھ ہی رات کٹ جاتی ہے لیکن پھر بھی بیوی کو اچھا وقت آنے کی امید دلاتا ہے۔

معاشرے میں والدین کو عمر رسیدہ ہونے کے بعد ایک بوجھ سمجھا جانے لگا ہے، ہم سب جانتے ہیں کہ بچے چھوٹی عمر میں والدین سے طرح طرح کے سوال کرتے ہیں اور اکثر تو ایک ہی سوال بار بار دہراتے ہیں لیکن والدین ہمیشہ ان ننھے منے بچوں کی باتوں پر خوش ہوتے ہیں- لیکن یہی والدین جب بوڑھے ہوجاتے ہیں تو یہ بچے والدین کی چھوٹی چھوٹی باتوں کو برداشت نہیں کرتے۔

والدین اپنی پوری زندگی جن بچوں کی تعلیم و تربیت اور آسائشوں کیلئے وقف کردیتے ہیں وہی بچے جوان ہوکر سب سے پہلے بوڑھے والدین کو بوجھ سمجھ کر سر سے اتار دیتے ہیں، اسی لئے آٹھ بچوں کی کفالت کرنے اور ان کی شادیاں کرکے پوتے پوتیوں کو گود میں کھلانے کے خواب دیکھنے والے یہ بوڑھے والدین آج راوی پل کے نیچے بے بسی کی تصویر بنے بیٹھے ہیں۔

< Previous ماؤں کی ایسی ویڈیو جسے دیکھ کر آپ اپنی ہنسی کنٹرول نہیں کرپائیں گے NEXT > قیامت خود بتائے گی کہ وہ کیوں ضروری تھی، بچوں کو پیٹ بھر روٹی کھلانے کی خواہش جان لے گئی