|
|
یوں تو بائیک آج کے دور کی اہم ضرورت سمجھی جاتی ہے
کیونکہ اسے سستی سواری قرار دیا جاتا ہے- لیکن بعض افراد اسے شوقیہ بھی
چلاتے ہیں اور بائیک کے شوقین افراد عموماً ہیوی بائیکس یا اسپورٹس بائیک
رکھتے ہیں جو کہ امپورٹڈ ہوتی ہیں- اور جہاں بات شوق کی آجائے وہاں مول کا
تو کوئی تصور ہی نہیں- |
|
جی ہاں پاکستان میں اس وقت کئی ایسی ہیوی بائیکس ہیں جن
کی مالیت تقریباً ایک کروڑ تک جا پہنچتی ہے- لیکن یہ بائیکس دنیا کی مقبول
ترین برانڈڈ کمپنیوں کی تیار کردہ ہوتی ہیں اور ان میں طاقتور انجن کے
علاوہ ایسے جدید فیچر بھی موجود ہوتے ہیں جو صرف آج کی نئی ماڈل کی گاڑیوں
میں ہی نظر آتے ہیں- |
|
اور یہی خصوصیات اور کمپنی کا نام ایک ہیوی بائیک کی
بھاری قیمت کا بنیادی سبب بھی ہوتے ہیں- یقیناً 80 یا 90 لاکھ کی بائیک
خریدنا پاکستان جیسے ملک میں ہر کسی کے بس کی بات نہیں یہ صرف انتہائی امیر
افراد کا ہی شوق ہے- |
|
لیکن ان بائیکس کے شوقین افراد بائیکس میں نصب طاقتور
انجن اور جدید خوصیات کی اہمیت سے اچھی طرح واقف ہوتے ہیں- آرٹیکل میں دی
گئی ویڈیو میں آپ ان بائیکس کے حیران کن فیچرز اور قیمت کے علاوہ ان کے
ماڈل اور انہیں تیار کرنے والی کمپنی کے بارے میں تفصیل کے ساتھ جان سکتے
ہیں- |
|
|
|
ہماری ویب نے اس ویڈیو انٹرویو کا اہتمام خصوصی طور پر ہیوی بائیکس کے
شوقین افراد کے لیے اور ساتھ ہی ان کے ناظرین کے لیے بھی کیا ہے جو دنیا کی
ہیوی یا اسپورٹس بائیکس کے بارے میں جاننے کا شوق رکھتے ہیں- |
|
اگر بات کی جائے ہیوی بائیکس کے طاقتور انجن کی تو ہمیں
ویڈیو میں شوروم پر 1800 سی سی تک کی طاقت کے حامل انجن والی بائیک بھی
موجود نظر آتی ہے جو کہ صرف گاڑیوں میں ہی نصب نظر آتا ہے- اس کے علاوہ یہ
بائیکس چابی کے بجائے ریموٹ سے اسٹارٹ کی جاتی ہیں- |
|
چونکہ یہ اسپورٹس بائیک بھی ہیں تو اسی بات کو مدنظر
رکھتے ہوئے ان میں ایسے فیچر بھی موجود ہیں جن کی مدد سے رائڈر اپنی مرضی
کے مطابق رفتار حاصل بھی کرسکتا ہے- بعض بائیکس 300 کلومیٹر فی گھنٹہ کی
رفتار سے دوڑنے کی صلاحیت بھی رکھتی ہیں- جبکہ انہیں ایک مخصوص رفتار پر
رکھ کر بھی باآسانی چلایا جاسکتا ہے- |
|
اس کے علاوہ ان بائیکس میں موجود جدید فیچرز صرف رائیڈر
کی آسانی اور سہولت کے لیے نہیں فراہم نہیں کیے گئے بلکہ بعض فیچر ایسے بھی
دیے گئے ہیں جو رائیڈر کی حادثات سے حفاظت بھی یقینی بناتے ہیں- |
|
|
|
چونکہ ان بائیکس کی خوبصورتی بھی معنی رکھتی ہے جو کہ
لفظوں میں بیان نہیں کی جاسکتی کیونکہ ہر ماڈل میں خوبصورتی کا معیار جدا
ہے- سو اس کے لیے اوپر دی گئی ویڈیو ضرور دیکھیں جس میں ہیوی بائیکس کے
ماڈل کے ساتھ ساتھ ان کے حیران کن اور جدید فیچر سے متعلق بھی مکمل معلومات
فراہم کی جارہی ہیں- |