|
|
بچپن میں ہم سب سے سنڈریلا نامی لڑکی کی کہانی تو سب ہی
نے سنی ہو گی جس کی سوتیلی ماں اور بہنیں اس پر ظلم کے پہاڑ توڑتی ہیں اور
گھر کے سارے کام بھی اسی سے کرواتی تھیں اور اس کے باوجود سنڈریلا کو سکھ
کا ایک پل بھی نصیب نہ ہوتا تھا- |
|
حقیقی زندگی کی سنڈریلا
|
لوگ سنڈریلا کی کہانی سن کر بڑے ہونے پر یہی سوچتے ہیں
کہ یہ صرف ایک کہانی ہے اور حقیقی زندگی میں ایسے ظالم لوگ نہیں پائے جاتے
ہیں۔ مگر یاد رکھیں کہانیاں درحقیقت حقیقی زندگی ہی کے واقعات ہوتے ہیں جن
کو کہانی کے روپ میں ڈھال لیا جائے- |
|
آج ہم آپ کو ایسی ہی ایک بچی کی کہانی بتائيں گے جس کی
سوتیلی ماں کا نام لالا تھا اور اس بچی کو ٹام نام ایک آدمی نے اپنے گھر کے
قریب بنی کچرہ کنڈی میں ایک کارٹن میں سے سوتے دیکھا- |
|
اس بچی کا یہ کہنا تھا کہ اس بچی کے گھر میں وہ اپنی سوتیلی ماں کے ساتھ
رہتی تھی اس کے والد کام کے سلسلے میں شہر سے باہر تھے- موقع دیکھ کر اس کی
سوتیلی ماں نے اس پر ظلم کے پہاڑ توڑ دیے اس نے گھر میں موجود اس بچی اور
اس کی سگی ماں کا سارا سامان جلا کر باہر پھینک دیا- |
|
|
|
اس بچی کو بھی بہت مارا پیٹا لالا اس بچی کے کتے کو گھر
سے نکال دینا چاہتی تھی مگر وہ بچی اپنی سگی ماں کے اس تحفے سے دور نہیں
ہونا چاہتی تھی- مگر اس کی سوتیلی ماں نے الماری میں چھپے کتے کو مار پیٹ
کر گھر سے نکال کر دور پھنکوا دیا- |
|
معصوم بچی اپنے واحد ساتھی کی تلاش میں
سڑکوں پر ماری ماری پھری جہاں ایک کچرے کنڈی میں اسے اس کا کتا چھپا ہوا مل
گیا- اپنے ساتھی کے ساتھ وہ بھی اسی کچرے کے ڈبے میں رہنے لگی مگر ایک دن
جب کسی نے بہت سارا کچرہ ان کے اوپر ڈالا تو وہ بچی جس کی عمر بمشکل سات سے
آٹھ سال تھی کچرے کے ڈبے کے برابر ایک کارٹن میں سونے پر مجبور ہو گئی-
جہاں اس کے جسم کو گرمی پہنچانے کے لیے اس کا کتا ہی اس کے پاس تھا اور
کھانے کے لیے اس کے پاس یہی کچرا ہوتا تھا- |
|
بچی کو بچانے والا فرشتہ
|
اسی دوران ٹام نامی شخص نے جب ان دونوں کو اس طرح کچرے
میں دیکھا تو وہ اس کو اٹھا کر اپنے گھر لے آیا اس نے اور اس کی بیوی نے نہ
صرف بچی کو نہلا دھلا کر صاف کیا بلکہ اس کو کھانا دیا اور اس کے بال بھی
تراش کر اس کو صاف ستھرے کپڑے پہنائے- |
|
|
|
باپ سے رابطہ |
اسی دوران انہوں نے اس بچی کے باپ سے بھی رابطہ کر کے
ساری صورتحال بتائی دوسری جانب اس کی سوتیلی ماں نے پریگننسی کا ڈرامہ رچا
کر اس بچی کے کمرے سے اس کا سارا سامان باہر پھینک کر اپنے پیدا ہونے والے
بچے کے لیے کمرہ سیٹ کرنا شروع کر دیا تھا- |
|
تاہم اس بچی کے باپ نے واپس آنے کے بعد نہ صرف اس کی
سوتیلی ماں کو اس کے سامان سمیت گھر سے نکال دیا بلکہ بچی کو واپس گھر لے
آیا اور اس طرح سے سنڈریلا کو حقیقی زندگی میں ایک خوشگوار زندگی مل گئی- |