سچ تو یہ ہے(۵۵واں حصہ)

منظر۳۸۵
تمام خواتین مقابلے کے لیے بنائے گئے گوشت روٹی اورگوشت پلاؤ کھاکرجاچکی ہیں۔ مقابلے کرانے والی خواتین تین میزوں کوآپس میں ملاکران کے چاروں طرف کرسیوں پربیٹھی ہیں
پہلی خاتون۔۔۔۔۔آج کے مقابلے توہوگئے
دوسری۔۔۔۔۔اب ہمیں بھی کھاناکھالیناچاہیے
تیسری خاتون۔۔۔۔۔یہ برتن بھی توپڑے ہیں یہ کون اکٹھے کرے گا
چوتھی خاتون۔۔۔۔۔کھاناتوہماری بچیوں نے بھی کھاناہے وہ بھی ہمارے انتظارمیں بھوکی بیٹھی ہیں
پہلی خاتون۔۔۔۔۔کمرے میں صاف برتن اورتمام پکوان بھی رکھے ہوئے ہیں دومیزیں صاف کرکے بچیوں کوبٹھاؤ اورانہیں کھاناکھلاؤ
پانچویں خاتون۔۔۔۔۔ان کے ساتھ ہم بھی کھاناکھالیں
چھٹی خاتون۔۔۔۔۔پہلے بچیاں کھالیں ہم بعدمیں کھالیں گی
پہلی خاتون۔۔۔۔۔اس دوران ہم برتن اکٹھے کرلیتی ہیں
دوسری خاتون۔۔۔۔۔یہ برتن بچیاں سمیٹ لیں گی
تیسری خاتون۔۔۔۔۔یہ کام ہمیں ہی کرناچاہیے اس کے بعدایک کام ہے جوبچیاں ہی کریں گی
پہلی خاتون۔۔۔۔۔ہم کھاناکھائیں گی اوربچیاں برتن دھولیں گی
دوخواتین میزیں صاف کرنے لگ جاتی ہیں۔ چارخواتین کھانالے آتی ہیں
٭٭٭٭٭٭٭٭٭
منظر۳۸۶
فیاض احمدبخش کی آنکھوں پرہاتھ رکھے ہوئے ہے۔ رحمتاں بھی ان کے پاس آجاتی ہے اس سے پہلے کہ رحمتاں کچھ بولتی جاویدبھی آجاتاہے۔
جاوید۔۔۔۔۔یہ کیاہورہاہے
رحمتاں۔۔۔۔خود دیکھ لیں کیاہورہاہے
صابراں۔۔۔۔اب معاملہ یہ ہے کہ احمدبخش بتادے اس کی آنکھوں پرہاتھ کس نے رکھا ہے یاہارمان لے اب اس نے جواب دیناہے
رـحمتاں۔۔۔۔احمدبخش کیاجواب ہے تمہارا
احمدبخش۔۔۔۔آنکھوں سے ہاتھ ہٹادے توبتادوں گا پھربتاؤں گاکہ کون ہے
رحمتاں۔۔۔۔۔ایسانہیں ہوتا
جاوید۔۔۔۔یہ بچوں کاآپس کامعاملہ ہے ہمیں اس سے دوررہناچاہیے
صابراں۔۔۔۔۔تیرے پاس صرف دوآپشن ہیں جوتجھے بتادیے ہیں
احمدبخش۔۔۔۔۔اورتیسراآپشن میں نے بھی بتادیاہے
صابراں کی بہن۔۔۔۔۔نہیں نہیں یہ توکوئی بات نہ ہوئی
صابراں۔۔۔۔دیرہورہی ہے بتابھی دو
احمدبخش۔۔۔۔۔میں توکرسی پرآرام سے بیٹھاہوں میری توکوئی دیرنہیں ہورہی
صابراں۔۔۔۔۔جب تک نہیں بتاؤ گے ایسے ہی بیٹھے رہوگے۔
صابراں کی بہن احمدبخش کوپانی کاگلاس دیتی ہے۔
صابراں۔۔۔۔۔پانی پینے سے پہلے دیکھ لیناچاہیے دیکھ کراورچھوٹے چھوٹے گھونٹ لے کرتین سانسوں میں پیناچاہیے
صابراں کی بہن۔۔۔۔۔وعدہ کرو جب تک میں نہ کہوں پیچھے ادھرادھرنہ دیکھوگے
احمدبخش۔۔۔۔۔۔نہیں دیکھوں گا
اس کی آنکھوں سے ہاتھ ہٹادیے جاتے ہیں
٭٭٭٭٭٭٭٭٭
منظر۳۸۷
صابراں۔۔۔بشیراحمدکودیکھ کر۔۔۔۔۔چچاجان آپ بیٹھیں میں آپ کے لیے پانی لے آتی ہوں
بشیراحمد۔۔۔۔میں تیرے ابوسے ملنے آیاہوں
صابراں۔۔۔۔ابوکمرے میں ہیں آپ چلے جائیں
اسی دوران جاویدکمرے سے باہرآجاتاہے
جاوید۔۔۔۔صابراں سے۔۔۔۔۔چچاکوپانی بھی پلاؤ اوچائے بھی بناکرلاؤ
بشیراحمد۔۔۔۔۔بھائی جان آپ سے ضروری بات کرنی ہے
جاوید۔۔۔۔۔کریں جوبات کرنی ہے
بشیراحمد۔۔۔۔وہ بات میں گھرمیں نہیں بتاسکتا
دونوں بھائی گھرکے باہرایک ہی چارپائی پربیٹھ جاتے ہیں بشیراحمدجاویدکو عبدالغفور اورظفراقبال کی آپس میں گفتگوکے بارے میں بتاتاہے
سعیداحمد۔۔۔۔کچھ بھی ہوجائے ان کوزمین ٹھیکے پرنہیں ملنی چاہیے
بشیراحمد۔۔۔۔۔وہ توایسااس لیے کررہے ہیں تاکہ احمدبخش کوکھیتوں میں کام نہ کرناپڑے بھائی جان کوآرام کرنے کاوقت بھی مل جائے
سعیداحمد۔۔۔۔وہ توٹھیک ہے مگر
بشیراحمد۔۔۔۔۔جوبھی ہے کل ظہرکی نمازمسجدمیں اداکرنی ہے
٭٭٭٭٭٭٭٭٭
منظر۳۸۸
سورج طلوع ہوچکاہے۔ جاویدہاتھ میں تسبیح لے کرصحن میں گھوم رہاہے
احمدبخش۔۔۔۔۔جاویدکے پاس آکر۔۔۔۔۔چچاجان میں ابھی اپنے کھیتوں میں جاناچاہتاہوں
جاوید۔۔۔۔۔تیرے باپ نے دیکھ لیاتووہ تجھے گھرلے جائے گا
احمدبخش۔۔۔۔وہ اتناجلدی وہاں نہیں آئیں گے ناشتہ کرنے کے بعدہی گھرسے نکلتے ہیں
جاوید۔۔۔۔اکیلے نہ جاؤ فیاض کوساتھ لے جاؤ
فیاض اوراحمدبخش کھیتوں میں جاتے ہیں توایسے لگتاہے جیسے ایک ماہ سے یہاں کسی نے کام نہ کیاہو
احمدبخش۔۔۔۔۔کھال میں گھاس اگی ہوئی ہے کیاروں کے کنارے ٹوٹ چکے ہیں لگتاہے میرے جانے کے بعدیہاں کوئی نہیں آیا
فیاض۔۔۔۔۔میں نے چچاکوخوداس طرف آتے ہوئے دیکھا ہے
احمدبخش۔۔۔۔ابوآئے ہیں تولگتاہے کام کوئی نہیں کیا
فیاض۔۔۔۔تیرا ابونہ آجائے ہمیں یہاں سے چلنا چاہیے
احمدبخش۔۔۔۔۔ابواس وقت نہیں آئیں گے ہم ایساکرتے ہیں کھال میں سے گھاس صاف کرتے ہیں اورکیاروں کے کنارے بھی درست کرلیتے ہیں
فیاض۔۔۔۔۔ہمارے پاس توہے بھی کچھ نہیں پھریہ سب کیسے کریں گے
احمدبخش۔۔۔۔آج ہاتھوں کی مددسے کوشش کرتے ہیں کل سے جلدی آئیں گے اورسامان بھی لے آئیں گے
دونوں ہاتھوں کی مددسے کھال میں گھاس اکھاڑنے لگ جاتے ہیں
٭٭٭٭٭٭٭٭٭
منظر۳۸۹
کریم بخش ،سعیداحمد، جاوید، بشیراحمد،عبدالغفوراورظفراقبال مسجدسے باہرچارپائیوں پربیٹھے ہیں۔ مولوی صاحب بھی ان کے ساتھ ایک چارپائی پربیٹھے ہیں۔
مولوی صاحب۔۔۔۔۔اب کیاکرناہے آپ لوگ کیاچاہتے ہیں
ظفراقبال۔۔۔۔۔ہم عبدالمجیدکی زمین ٹھیکے پرلیناچاہتے ہیں
مولوی صاحب۔۔۔۔۔اس سے کیاہوگا
عبدالغفور۔۔۔۔۔ہم چاہتے ہیں احمدبخش کوسبق یادکرنے ،آرام کرنے اورکھیلنے کاوقت مل سکے
سعیداحمد۔۔۔۔آپ اس لیے عبدالمجیدکی زمین ٹھیکے پرلیناچاہتے ہیں
کریم بخش۔۔۔۔۔وہ اس کے لیے نہ مانے توکیاکریں گے
ظفراقبال۔۔۔۔۔ہم اس کے ساتھ شراکت کی بنیادپربھی کام کرنے کوتیارہیں
مولوی صاحب۔۔۔۔۔یہ مناسب نہیں ہے آپ اس کے کھیتوں میں کام نہیں کرسکتے
عبدالغفور۔۔۔۔۔اس کے کھیتوں میں ہم نہیں اس کے بھائی کام کریں گے اورہم ان کومزدوری دیں گے
جاوید۔۔۔۔۔پہلے ہی ہم دونوں سے بدگمان ہے۔اس طرح تووہ اوربھی بدگمان ہوجائے گا
مولوی صاحب۔۔۔۔۔جاویدصاحب ٹھیک کہہ رہے ہیں ہم عبدالمجیدکے مزاج اورعادت سے اچھی طرح واقف ہیں
بشیراحمد۔۔۔اس مسئلہ کاکوئی نہ کوئی توحل نکالناپڑے گا
ظفراقبال۔۔۔۔اسی لیے تومولوی صاحب کے پاس آئے ہیں تاکہ اس بارے مشورہ کرسکیں
کریم بخش۔۔۔۔۔مولوی صاحب آپ بتائیں کیاکرناچاہیے
مولوی صاحب۔۔۔۔۔اس کے ساتھ دوستی مضبوط کرو اس کواﷲ کے ولیوں کے مزاروں پرلے جاؤ اس کوجتنازیادہ ہوسکے مسجدمیں لے آؤ اس کوسیرکرانے لے جاؤ اس کاذہن بدلنے کی کوشش کرو اسے کسی اﷲ والے کے پاس لے جاؤ اﷲ کے ولیوں سے اس کے لیے دعائیں کراتے رہو
٭٭٭٭٭٭٭٭٭
منظر۳۹۰
بشیراحمداورجاویدمولوی صاحب سے ملاقات کے بعدگھرکی طرف پیدل جارہے ہیں
بشیراحمد۔۔۔۔مولوی صاحب نے مشورہ تواچھادیاہے اس پرعمل کرانابہت مشکل ہے
جاوید۔۔۔۔۔بھائی توسیرکرنے کوفضول سمجھتاہے
بشیراحمد۔۔۔۔۔اس نے احمدبخش کویہ کہہ کرسکول کے بچوں کے ساتھ سیرکے لیے جانے سے روک دیاتھا کہ آوارہ ہوجائے گا
جاوید۔۔۔۔۔ایسے مزاج والے شخص کوکیسے مزاروں اوردوسری جگہوں پرلے جائیں گے
بشیراحمد۔۔۔۔اس کوکریم بخش بھی لے کرجاسکتاہے اورعبدالمجیدکے نئے مہمان بھی
جاوید۔۔۔۔وہ دوسے تین مرتبہ تواس کے پاس آچکے ہیں
بشیراحمد۔۔۔۔وہ جمعہ کی نمازکے بعدآئیں گے
جاوید۔۔۔۔مولوی صاحب نے زمین ٹھیکے پرلینے سے روک دیاہے مجھے نہیں لگتاکہ وہ آئیں گے
بشیراحمد۔۔۔۔۔وہ آئیں گے ہم نے بھی جاناہے
جاوید۔۔۔۔۔ہماراجاناابھی مناسب نہیں ہم ابھی اس سے لاتعلق ہی رہیں گے
٭٭٭٭٭٭٭٭٭
منظر۳۹۱
کریم بخش سعیداحمدکے گھرمیں آتاہے توعبدالحق رکشہ کے موٹرسائیکل کااگلاویل پانی سے دھورہاہے۔اس کے ساتھ پانی کاایک ٹب اوربالٹیاں رکھی ہوئی ہیں۔ کریم بخش اسے دیکھ رہاہے عبدالحق ٹب والے پانی میں کپڑاڈبوتاہے پھراس سے رکشہ کے موٹرسائیکل کے اگلے ویل کی تاروں کودھونے لگ جاتاہے۔عبدالحق اوپرکی طرف دیکھتاہے تواس کاچچاکریم بخش اس کے ساتھ کھڑاہے۔
عبدالحق۔۔۔۔السلام علیکم چچاجان آپ کب آئے مجھے پتہ ہی نہیں چلا
کریم بخش۔۔۔۔وعلیکم السلام تیرے ابواوربھائی گھرمیں ہیں کیا
عبدالحق۔۔۔۔جی گھرمیں ہی ہیں
سعیداحمداورعارف الگ الگ چارپائیوں پربیٹھے ہیں کریم بخش کودیکھ کرعارف کھڑاہوجاتاہے
کریم بخش۔۔۔۔بیٹھے رہو میں بھی بیٹھ جاؤں گا
عارف۔۔۔۔۔باہرعبدالحق رکشہ دھورہاہے میں جاکراس کی مددکرتاہوں
کریم بخش چارپائی پربیٹھ جاتاہے
سعیداحمد۔۔۔۔۔کب بھیج رہے ہیں بیگمات کوعبدالمجیدکے گھر
کریم بخش۔۔۔۔جیساہم چاہتے ہیں ویسامشکل ہے
سعیداحمد۔۔۔۔۔کیامشکل ہے
کریم بخش۔۔۔۔پتہ چلاہے اب عبدالمجیدہروقت گھرمیں رہتاہے کھیتوں میں بھی نہیں جاتا ایسے میں ہماری بیگمات اس کی بیوی سے کیسے ملیں گی اوراس سے کیاپوچھ سکیں گی
سعیداحمد۔۔۔۔اس کاحل بھی ہے میرے پاس
کریم بخش۔۔۔۔مجھے بھی بتائیں وہ کیاحل ہے
سعیداحمد۔۔۔۔عارف بتارہاتھا آپ نے کسی کے کہنے پراس کے گھرجاناہے
کریم بخش۔۔۔۔ہاں جاناہے
سعیداحمد۔۔۔۔۔اس کوکسی بھی دن گھرآنے کی دعوت دے آنا جیسے ہی وہ آئے گا ہم اپنی بیگمات کواس کے گھربھیج دیں گے
٭٭٭٭٭٭٭٭٭