سچ تو یہ ہے (۵۸واں حصہ) منظر۴۰۶

فقیربابااپنے چہرے سے چادرہٹاتاہے
فقیربابا۔۔۔۔عبدالمجید کی طرف دیکھ کر۔۔۔۔۔کیاتم نے واقعی کسی کوپریشان نہیں کیا
عبدالمجید۔۔۔۔۔میں توکسی کے پاس نہیں جاتا یہاں تک کہ میراتورشتہ داروں کے گھروں میں بھی آناجانانہیں ہے نہ ہی میں نے رشتہ داروں کواپنے گھرآنے کی اجازت دے رکھی ہے توپھرمیں کسی کوکیسے پریشان کرسکتاہوں
فقیربابا۔۔۔۔آپ نے ابھی جوبات بتائی ہے وہ سچ ہے اورآپ اس پرقائم ہیں
عبدالمجید۔۔۔۔۔جی یہ سچ ہے
فقیربابا۔۔۔۔جن رشتہ داروں سے تونے تعلق توڑ رکھاہے اس میں تیرے بچوں کی ماں کے رشتہ داربھی ہوں گے
عبدالمجید۔۔۔۔جی اس میں اس کے رشتہ داربھی شامل ہیں
فقیربابا۔۔۔۔کبھی سوچاہے آپ نے کبھی آپ کواس بات کااحساس ہواہے کہ تیری بیوی پراس وقت کیاگزرتی ہوگی جب اسے یہ خیال آتاہوگا کہ کاش وہ اپنے فلاں رشتہ دارسے مل سکتی اس کی خیریت معلوم کرسکتی
عبدالمجید۔۔۔۔یہ تومیں نے گھرکے سکون کے لیے کیاہے ورنہ میری ان سے کوئی دشمنی نہیں ہے
فقیربابا۔۔۔۔تیری بے سکونی کی پہلی وجہ بھی یہی ہے اچھا آج یہ سچ بھی بتادے جھوٹ بولے گا تومیں چہرے پڑھ لیتاہوں اس دن تیرے بچوں کی ماں نے کیاجرم کیاتھا کہ تونے سارادن اسے کمرے میں بندرکھا اسے بھی سارادن بھوکارکھا اوراس کے بچوں کوبھی
عبدالغفور، ظفراقبال، کریم بخش اورعارف یہ سن کرچونک جاتے ہیں اورایک دوسرے کی طرف سوالیہ نظروں سے دیکھنے لگ جاتے ہیں
عبدالمجید۔۔۔۔۔میں نے اس سے کوئی بات پوچھی تھی وہ نہیں بتارہی تھی
فقیربابا۔۔۔۔اس نے توآپ کوسچ بتادیاتھا آپ کی یقین نہ کرنے کی عادت نے اس کوسچ کوتسلیم کرنے ہی نہیں کرنے دیا پیاس لگی ہے پانی مل جائے گا
کریم بخش ایک گلاس میں فقیرباباکوپانی دیتاہے
فقیربابا۔۔۔۔۔آدھاگلاس پی کر۔۔۔۔۔عبدالمجیدکودیتے ہوئے۔۔۔۔اسے پی جاؤ
عبدالمجیدہچکچانے لگتاہے
کریم بخش۔۔۔۔۔پی جاؤ
عبدالمجیدوہ پانی پی جاتاہے
فقیربابا۔۔۔۔۔کیایہ عجب تضادنہیں ہے کہ بیوی کی بات کوتوآپ نے سچ نہ سمجھااوراسے سارادن کمرے میں بندرکھا اوربیٹے کواس لیے بولنے سے روک دیا جویہی سچ بتانے لگاتھا
عبدالغفور۔۔۔۔انسان ہے اس سے غلطیاں ہوگئی ہیں
فقیربابا۔۔۔۔۔اسے توابھی تک یہ احساس نہیں ہورہا کہ اس سے یہ غلطیاں کی ہیں
کریم بخش۔۔۔۔اب اس کی غلطیوں کاازالہ کیسے ہوگا
ظفراقبال۔۔۔۔اس کے لیے دعاکریں اوریہ بھی بتائیں اب اسے کیاکرناہوگا
فقیربابا۔۔۔۔آج کے لیے اتناکافی ہے اسے کچھ دن تنہائی میں سوچنے دو آج کی گفتگوپرباربارغورکرنے دو ایک ہفتہ بعدمیں اسی دن اوراسی وقت آؤں گا آب سب بھی ضرورآنا
٭٭٭٭٭٭٭٭٭
منظر۴۰۸
کریم بخش، عبدالغفور، ظفراقبال، اورفقیربابارکشے سے اترتے ہیں۔
آپ لوگ ادھرٹھہریں میں ابھی آتاہوں یہ کہہ کرکریم بخش چلاجاتاہے
عارف۔۔۔۔۔آپ لوگ پریشان نہ ہوں چچاابھی آجائیں گے
عبدالغفور۔۔۔۔کچھ دیرتوانتظارکرلیں
اسی دوران کریم بخش پلاسٹک کی تین کرسیاں لے آتاہے کرسیاں رکھنے کے بعدعارف سے کہتاہے وہ جوسامنے گھرہے وہاں سے دوکرسیاں ا ورلے آؤ تمام افرادکرسیوں پربیٹھے ہیں
ظفراقبال۔۔۔۔فقیرباباسے۔۔۔۔۔باباجی آپ نے عبدالمجیدسے جوباتیں کی ہیں وہ باتیں کیسے معلوم ہوئیں
فقیربابا۔۔۔۔۔یہ رازکی باتیں ہوتی ہیں اس کوتم رہنے دو
کریم بخش۔۔۔۔اس نے بھی باباجی کی کسی بات سے انکارنہیں کیا
عبدالغفور۔۔۔۔۔مجھے توایک پریشانی ہورہی ہے
کریم بخش۔۔۔۔اب کیسی پریشانی ہے
ظفراقبال۔۔۔۔جس مزاج کاوہ ہے کہیں وہ اپنی بیوی اوربچوں کے لیے نئی مشکلات نہ پیداکردے
فقیربابا۔۔۔۔۔اطمینان رکھو ایساکچھ نہیں ہوگا میں اس کاانتظام بھی کرآیاہوں
عبدالغفور، ظفراقبال۔۔۔۔۔اپنی جیبوں سے دو، دوہزارروپے نکال کرفقیرباباکودیتے ہوئے۔۔۔۔۔یہ ہماری طرف سے قبول کرلو
فقیربابا۔۔۔۔۔یہ پیسے میں ابھی نہیں لے سکتا
٭٭٭٭٭٭٭٭٭
منظر۴۰۹
عبدالمجیدگھرمیں آتے ہی صحن میں پڑی ہوئی چارپائی پردونوں ہاتھوں سے اپنامنہ چھپاکربیٹھ جاتاہے۔ راشدہ کمرے سے نکلتی ہے توعبدالمجیدکواس حالت میں دیکھ کرپریشان ہوجاتی ہے۔ وہ اس کے سامنے کھڑے ہوجاتی ہے۔ اورکہتی ہے۔ سلطانہ کے ابا خیریت توہے کھیتوں میں چلے گئے تھے؟ وہاں کوئی نیامنظرنامہ دیکھ لیاہوگا
عبدالمجید۔۔۔۔۔میں تومہمانوں کے پاس تھا میں پہلے ہی پریشان ہوں اورپریشان نہ کرو
راشدہ۔۔۔۔میں تواس کی وجہ پوچھ رہی ہوں پہلے توآپ کھیتوں میں جانے کے بعداس طرح افسردہ ہوجایاکرتے تھے آج توآپ وہاں گئے ہی نہیں
عبدالمجید۔۔۔۔لوگوں کوایسی باتیں کیسے پتہ چل جاتی ہیں
راشدہ۔۔۔۔کیسی باتیں اورکس کوپتہ چل جاتی ہیں
عبدالمجید۔۔۔۔باہرایک فقیرباباآیاتھا اس نے سب کے سامنے وہ سب بتادیا جومیں سب سے چھپارہاتھا میں کسی بات سے انکارہی نہیں کرسکا
راشدہ۔۔۔۔فقیربابانے ایسی کون سی بات بتادی ہے
عبدالمجید۔۔۔۔وہ میں تجھے نہیں بتاسکتا
راشدہ۔۔۔۔فقیربابانے اتنی رازکی بات بتادی وہ اﷲ کے قرب والاباباہے
عبدالمجید۔۔۔۔اس نے کہیں سے سن لیاہوگا
راشدہ۔۔۔۔جوباتیں آپ نے سب سے چھپاکررکھیں وہ فقیربابانے کیسے کہیں سے سن لیں
عبدالمجید۔۔۔۔۔یہ میرے ساتھ کیاہورہاہے
راشدہ۔۔۔۔۔میری توسمجھ میں آگیاہے کاش آپ کی سمجھ میں بھی آجائے
عبدالمجید۔۔۔۔تیری سمجھ میں کیاآیاہے
راشدہ۔۔۔۔وہ میں آپ کونہیں سمجھاسکتی
٭٭٭٭٭٭٭٭٭
منظر۴۱۰
ایک کمرے میں مقابلے کرانے والی خواتین کمیٹیوں کی ممبران سمیت پچاس خواتین بیٹھی ہیں۔ ایک خاتون قرآن پاک کی تلاوت کرتی ہے۔ ایک اورخاتون صبیح الدین رحمانی کالکھاہوانعتیہ کلام سناتی ہے۔ اس کے بعدچائے آجاتی ہے۔ دولڑکیاں تمام خواتین کے سامنے بڑے کپوں میں چائے اورپلیٹوں میں بسکٹ رکھ دیتی ہیں۔ اس کے بعدگفتگوکاسلسلہ شروع ہوتاہے
پہلی خاتون۔۔۔۔۔سب سے پہلے تمام خواتین کومبارک بادپیش کرتی ہوں کہ مردوں کی کمیٹی نے ہمیں الگ تقریب کرنے کی اجازت دے دی ہے
دوسری خاتون۔۔۔۔۔یہ ہماری دوسری کامیابی ہے
تیسری خاتون۔۔۔۔اب یہ مشورہ بھی ہوجائے کہ تقریب کب کرنی ہے
پہلی خاتون۔۔۔۔۔ہم نے تاریخ مقررکرکے مردوں کی کمیٹی کوبتاناہے کہ انعام کیاکیادینے ہیں وہ خریدکردیں گے
چوتھی خاتون۔۔۔۔۔پہلے تاریخ اوروقت کاتعین کرلیں
پانچویں خاتون۔۔۔۔میرے خیال میں اتوارکادن بہتررہے گا
دوسری خاتون۔۔۔۔اس دن خواتین کی مصروفیت معمول سے زیادہ ہوتی ہے
چھٹی خاتون۔۔۔۔۔تقریب کسی اوردن کرلیں
ساتویں۔۔۔۔تمام خواتین متفق ہوجائیں توبدھ کادن بہتررہے گا
تیسری خاتون۔۔۔۔تقریب کرنی ہے اجلاس نہیں تین دن میں کیاتیاریاں کریں گی
پہلی خاتون۔۔۔۔میرامشورہ بھی یہ ہے کہ بدھ کادن ہی مناسب رہے گا
آٹھویں خاتون۔۔۔۔۔اتنے دنوں میں تیاریاں ہوجائیں گی؟
پہلی خاتون۔۔۔۔۔یہ تقریب ہم اس بدھ کونہیں دوسرے بدھ کوکرکریں گی
تمام خواتین۔۔۔۔بیک زبان ہوکر۔۔۔۔۔ہم اس سے متفق ہیں
٭٭٭٭٭٭٭٭٭
منظر۴۱۱
مسجدمیں قرآن پاک کاسبق پڑھنے کے بعدچندبچے مولوی صاحب سے گھرجانے کی اجازت لینے کے لیے انہیں سلام کرنے لگتے ہیں تومولوی صاحب کہتے ہیں تمام بچے اوربچیاں بیٹھ جائیں آج چھٹی دیرسے ملے گی اﷲ کاذکرکرتے رہیں درودشریف پڑھتے رہیں
ایک بچہ۔۔۔۔استادجی آج کوئی دعوت ہے کیا
مولوی صاحب۔۔۔۔۔بہت بڑی دعوت ہے
دوسرابچہ۔۔۔۔کیاتقسیم کیاجائے گا
مولوی صاحب۔۔۔۔۔پہلے نہیں بتانا
اسی دوران اوربچے اوربچیاں بھی آنے لگ جاتی ہیں۔ مولوی صاحب دروازے پرکھڑے ہوجاتے ہیں۔ بچے اوربچیاں مولوی صاحب کوسلام کرکے مسجدکے ہال میں بیٹھتے جارہے ہیں چندبچوں نے نمازکی کتابیں اٹھائی ہوئی ہیں۔چندلڑکے تسبیح پڑھ رہے ہیں۔ کئی بچے شرارتیں کررہے ہیں۔ بچوں اوربچیوں کی آمدکاسلسلہ بندہوچکاہے مولوی صاحب اسی طرح دروازے کے ساتھ کھڑے ہیں
رشیداحمد۔۔۔۔مولوی صاحب کوسلام کرنے کے بعد۔۔۔۔تمام بچے اوربچیاں آچکی ہیں
مولوی صاحب۔۔۔۔۔آچکے ہیں جورہ بھی جائیں گے توان کوبعدمیں دے دیں گے بچوں کوزیادہ دیرانتظارنہ کرناپڑے
رشیداحمد۔۔۔۔زیادہ دیرانتظارنہیں کرناپڑے گا
اسی دوران دس افرادایک دوسرے سے کاندھاملائے دودوبیگ اٹھاکرلے آتے ہیں۔ ہرایک کے ایک ہاتھ میں ایک رنگ کابیگ ہے اوردوسرے ہاتھ میں دوسرے رنگ کا وہ دس افرادمسجدکے صحن میں بیگ رکھ کرچلے جاتے ہیں۔ اسی دوران ارشدجمال بھی اپنے دونوں ہاتھوں میں
دودوبیگ اٹھاکرلے آتاہے۔ وہ چاروں بیگ پرصحن میں رکھتاہے اورکہتاہے اس رنگ کے بیگ بچوں کے لیے ہیں اوراس رنگ کے بچیوں کے لیے مسجدکے تینوں دروازے بندہیں
رشیداحمد۔۔۔۔۔پہلے لڑکیوں کوبلائیں
مولوی صاحب۔۔۔۔مسجدکادروازہ کھول کر۔۔۔۔۔جن بچیوں کاگھردورہے ایسی بارہ بچیاں باہرصحن میں آجائیں
بچیاں مسجدکے صحن میں آجاتی ہیں
مولوی صاحب۔۔۔۔۔بچیوں سے۔۔۔۔۔اس رنگ کے بیگ اٹھاؤ اورگھرچلی جاؤ
ایک لڑکی۔۔۔۔اس میں ہے کیا
ارشدجمال۔۔۔۔اس میں تمہارے لیے انعام ہیں
وہ بچیاں بیگ لے کرچلی جاتی ہیں۔
مولوی صاحب مسجدکادروازہ کھول کربارہ بچوں کوبلاتے ہیں
٭٭٭٭٭٭٭٭٭
منظر۴۱۲
راشدہ پانی سے بھری ہوئی بالٹیوں میں عبدالرحیم اورسلطانہ کے کپڑے بھگورہی ہے۔ اسی دوران رحمتاں اوراریبہ آجاتی ہیں
اریبہ۔۔۔۔۔ہم آپ کی مددکرادیتی ہیں
رحمتاں۔۔۔۔تیراشوہرگھرمیں ہے یاباہرگیاہے
راشدہ۔۔۔۔۔تین چاردنوں سے کھیتوں میں نہیں گئے تھے دونوں بچوں کے ساتھ وہاں گئے ہیں
اریبہ۔۔۔۔اس نے کوئی نیامنظردیکھ لیاتو
راشدہ۔۔۔۔۔کھیتوں کی دیکھ بھال توکرنی ہے
رحمتاں۔۔۔۔۔کوئی نئی کہانی کوئی نیاحال احوال ہے کیا
اریبہ۔۔۔۔۔اس دن مہمانوں کے چلے جانے کے بعدسلطانہ کے ابوگھرمیں آئے تواپنامنہ چھپاکربیٹھ گئے
رحمتاں۔۔۔۔۔کچھ بتایابھی تھایانہیں
راشدہ۔۔۔۔۔وہ بتارہے تھے کہ جوبات میں سب سے چھپارہاتھا وہ فقیربابانے سب کے سامنے بتادی اورمیں انکاربھی نہیں کرسکا
اریبہ۔۔۔۔۔کون سی ایسی بات ہے
راشدہ۔۔۔۔۔میں نے پوچھا تھا مجھے نہیں بتایا تم آئی کس لیے تھیں
اریبہ۔۔۔۔۔میں چاہتی ہوں کہ چنددنوں کے لیے احمدبخش میرے گھرمیں رہے آپ سے اجازت لیناتھی
راشدہ۔۔۔۔میری طرف سے اجازت ہے
اریبہ۔۔۔۔۔میں رحمتاں کواس لیے ساتھ لے آئی تاکہ آپ کاجوبھی جواب ہو یہ خودسن لے
راشدہ۔۔۔۔۔میرابیٹا ٹھیک توہے نا میں گھرکاکام کرکے اس کے پاس آرہی ہوں
رحمتاں۔۔۔۔۔احمدبخش اوراس کے دوستوں کوآج مولوی صاحب نے دعوت پربلایاہے
راشدہ۔۔۔۔اس کے چچانے اجازت دے دی ہے
رحمتاں۔۔۔۔۔وہ تواس کی کئی دن پہلے اجازت لے چکے ہیں۔
٭٭٭٭٭٭٭٭٭