سچ تو یہ ہے(۵۷واں حصہ)

منظر۳۹۹
ظفراقبال۔۔۔۔۔پہچانو یہ چارپائیاں کس کی ہیں
عبدالمجید۔۔۔۔۔آپ نے اچھانہیں کیا آپ مہمان تومیرے ہیں چارپائیاں آپ نے میرے بھائی کے گھرسے منگوالی ہیں
کریم بخش۔۔۔۔۔تینوں کی گفتگوتوجہ سے سن رہاہے
عبدالمجید۔۔۔۔۔میرے بھائی نے آپ کودیکھ لیاہوگا اورنمبربنانے کے لیے یہ چارپائیاں دے گیاہوگا
کریم بخش۔۔۔۔عبدالمجیدسے۔۔۔۔۔تیرے بھائی نے تیرے مہمانوں کوچارپائیاں لاکربھی دے دی ہیں تواس میں ناراض ہونے والی کون سی بات ہے تیرے بھائی نے توتیرے مہمانوں کی عزت کی ہے
عبدالمجید۔۔۔۔آپ میرے بھائیوں کونہیں جانتے میرے بھائی نے یہ سب نمبربنانے کے لیے کیاہے
کریم بخش۔۔۔آپ چاہیں تواپنے بھائی کی اس حرکت کابدلہ لے سکتے ہیں
عبدالغفور۔۔۔۔۔یہ اپنے بھائی سے کیسے بدلہ لے سکتاہے
کریم بخش۔۔۔۔۔جس طرح اس کے بھائی نے نمبربنائے ہیں اسی طرح یہ بھی موقع دیکھ کران کے سامنے نمبربنالے
ظفراقبال۔۔۔۔۔اس کویہ اعزازحاصل ہے کہ کسی کے بولنے سے پہلے ہی اسے پتہ چل جاتاہے کہ وہ جھوٹ بولے گا یاسچ بتائے گا آج یہ بتادے کہ یہ چارپائیاں اس کے کون سے بھائی کے گھرسے آئی ہیں
عبدالمجید۔۔۔۔میں اپنے بھائیوں کے گھریہ تونہیں دیکھتا کہ وہاں کی چارپائیاں کیسی ہیں
کریم بخش۔۔۔۔۔پھریہ بدلہ کس بھائی سے لے گا
عبدالغفور۔۔۔۔۔جب ہم جائیں گے توبتادیں گے کہ بدلہ کس سے لیناہے
عارف درمیانے سائزکے دوپتیلے لے آتاہے اورظفراقبال کے سامنے رکھ دیتاہے
کریم بخش ۔۔۔۔۔عبدالمجیدسے۔۔۔۔۔ہم آپ کے لیے یہ دوتحفے لائے ہیں یہ آپ گھردے آئیں
عارف۔۔۔۔۔برتن خالی کرانے کی ضرورت نہیں ہے
عبدالمجید۔۔۔۔اس میں ہے کیا
کریم بخش۔۔۔۔۔اس میں بکری کے گوشت کاپلاؤہے
عبدالمجید۔۔۔۔۔اس کولانے کی کیاضرورت تھی
کریم بخش۔۔۔۔کہتاہے یہ ہم نمبربنانے کے لیے نہیں لائے اس سے محبت بڑھتی ہے
٭٭٭٭٭٭٭٭٭
منظر۴۰۰
جاویداوررحمتاں گھرمیں ایک ساتھ کھڑے ہیں۔
رحمتاں۔۔۔۔۔مجھے ایک بات کی سمجھ نہیں آئی
جاوید۔۔۔۔و ہ کیا
رحمتاں۔۔۔۔اس دن فیاض کونہ جانے کیاسوجھی کہ اس نے احمدبخش کوتنگ کرناشروع کردیا
جاوید۔۔۔۔۔تیری بیٹیاں بھی توفیاض کاساتھ دے رہی تھیں
رحمتاں۔۔۔۔احمدبخش توتنہاہوکررہ گیاتھا
جاوید۔۔۔۔آپ کہناچاہتی ہیں فیاض نے اچھانہیں کیا
رحمتاں۔۔۔۔یوں کسی کوتنگ کرنااچھاتھوڑی ہوتاہے
جاوید۔۔۔۔۔احمدبخش نے بھی توہاتھ ہٹانے کی کوشش نہیں کی
رحمتاں۔۔۔۔اس پرتومیں بھی حیران ہوں اس نے توفیاض کے ہاتھوں کوہاتھ بھی نہیں لگایا
جاوید۔۔۔۔فیاض نے توجوحرکت کی ہے سوکی ہے احمدبخش نے بھی ایساجواب دیاہے جومیرے گمان میں بھی نہیں تھا
رحمتاں۔۔۔۔اس نے توجواب دیاہی نہیں
جاوید۔۔۔۔اس کاہاتھ ہٹانے کی کوشش نہ کرناہی جواب ہے
رحمتاں۔۔۔۔۔فیاض نے اس کے ساتھ یہ مذاق کیاہی کیوں
جاوید۔۔۔۔۔یہ میں نے اسے کہاتھا
رحمتاں۔۔۔۔۔یہ آپ نے اسے کہاتھا اس سے دونوں میں لڑائی ہوجاتی تو
جاوید۔۔۔۔اس سے لڑائی نہیں ہوتی
رحمتاں۔۔۔۔آپ نے فیاض کوایساکرنے کوکیوں کہا
جاوید۔۔۔۔اس لیے تاکہ احمدبخش کاذہن بدلے
٭٭٭٭٭٭٭٭٭
منظر۴۰۱
مقابلے کرانے والی مردوں کی چاروں کمیٹیوں کے ممبران ایک کمرے میں گول دائرہ بناکرکرسیوں پربیٹھے ہیں ایک شخص قرآن پاک کی تلاوت کرتاہے ایک اورشخص پیرنصیرالدین نصیرکالکھاہوانعتیہ کلام سناتاہے اس کے بعدبات چیت کاسلسلہ شروع ہوتاہے
ناصراقبال۔۔۔۔اﷲ کالاکھ لاکھ شکرہے کہ ہم اپنے کسی مقصدمیں کامیاب توہوئے
عمیرنواز۔۔۔۔اس خوشی میں ایک تقریب ہونی چاہیے
رشیداحمد۔۔۔۔۔ہم اپنے مقصدکے ایک مرحلے میں کامیاب ہوئے ہیں ابھی ایک اورمرحلہ باقی ہے
ارشدجمال۔۔۔۔۔مشکل مرحلے میں کامیابی مل چکی ہے توآسان مرحلے میں بھی اﷲ تعالیٰ کامیابی دے گا
رشیداحمد۔۔۔۔اﷲ تعالیٰ اوراس کے پیارے رسول کے کرم سے کامیابی ہی ملے گی
اخترحسین۔۔۔۔۔یہ سب مولوی صاحب کی دعاؤں کی وجہ سے ہواہے
ناصراقبال۔۔۔۔۔اس کے بعدکیاکریں گے میرامطلب ہے مقابلے توہوگئے اب کیاپروگرام ہے
اخترحسین۔۔۔۔۔اب ہم نے انعامات دینے ہیں اس کے لیے ایک بڑی سی تقریب کریں گے
رشیداحمد۔۔۔۔اب ہمیں اس کی تیاری شروع کردینی چاہیے
عمیرنواز۔۔۔۔۔یہ تقریب مشترکہ ہوگی یاہرگروپ کی الگ الگ ہوگی
ارشدجمال۔۔۔۔۔میراتوخیال ہے مردوخواتین کی الگ الگ تقریب ہونی چاہیے
ناصراقبال۔۔۔۔آپ کوصرف مردوں کی تقریب کی تیاری کرنی چاہیے
عمیرنواز۔۔۔۔توکیاخواتین کوانعامات نہیں دیں گے
ناصراقبال۔۔۔۔۔خواتین اپنی الگ تقریب کررہی ہیں انہیں صرف ہماری اجازت کاانتظارہے
اخترحسین۔۔۔۔بڑے شوق اورخوشی سے کریں ہم اپنی تقریب کی تاریخ کااعلان خواتین کی تقریب کی تاریخ سامنے آنے کے بعدکریں گے اس کے لیے ایک اوراجلاس میں بلائیں گے مزیدمشاورت بھی کریں گے
٭٭٭٭٭٭٭٭٭
منظر۴۰۲
کریم بخش۔۔۔۔۔یہ توواقعی سوچنے والی بات ہے وہ کون لوگ ہیں جومیرے دوست کوپریشان کررہے ہیں
عبدالغفور۔۔۔۔۔یہ ہمارابھی دوست ہے
عبدالمجید۔۔۔۔۔یہ میرے بھائی کرارہے ہیں
ظفراقبال۔۔۔۔کسی کے بارے میں اس طرح گمان کرناگناہ ہوتاہے
عبدالمجید۔۔۔۔۔میں نے کسی اورکاکیابگاڑاہے
کریم بخش۔۔۔۔توبھائیوں کاتونے کیابگاڑاہے
عبدالمجید۔۔۔۔۔بگاڑاتومیں نے بھائیوں کابھی کچھ نہیں
عبدالغفور۔۔۔۔۔پھرآپ یہ کیسے کہہ سکتے ہیں کہ یہ سب آپ کے بھائی کرارہے ہیں
کریم بخش۔۔۔۔۔یہ آپ کے کسی عمل یاکسی رویے کانتیجہ بھی توہوسکتاہے
ناصراقبال۔۔۔۔۔میرابھی یہی خیال ہے اس نے ہمیں اپنے بیٹے کی مصروفیات بتائی تھیں
عبدالغفور۔۔۔عبدالمجیدسے۔۔۔۔۔آپ نے اپنے بیٹے کی جومصروفیات بتائی تھیں اس میں سانس لینے کاوقفہ بھی نہیں ہے
عبدالمجید۔۔۔۔۔آپ ایک بارپھرمیری تفتیش کررہے ہیں
ظفراقبال۔۔۔۔۔ہم صرف آپ کوسمجھانے کی کوشش کررہے ہیں
کریم بخش۔۔۔۔اس نے مجھے بتایاتھا کہ اس نے گھروالوں پرکنٹرول رکھاہواہے کوئی فرمائش بھی نہیں کرسکتا
عبدالغفور۔۔۔۔۔مجھے تولگتاہے یہ اپنے بیوی بچوں کوپریشان رکھتاہے کوئی اس کوپریشان کررہاہے
کریم بخش۔۔۔۔۔کوئی اسے یہ سمجھانے کی کوشش کررہاہے جوبندہ پریشان ہوتاہے اس پرکیاگرزتی ہے تاکہ اسے اپنی بیوی اوربچوں کی پریشانی کااحساس ہوسکے
٭٭٭٭٭٭٭٭٭
منظر۴۰۳
سعیداحمد،عبدالحق، بشریٰ اورنورالعین کریم بخش کے گھرکے صحن میں کرسیوں پربیٹھے ہیں
بشریٰ۔۔۔۔۔جوہمارے گھروں میں ہورہاہے شایدہی اورگھروں میں ہوتاہو
سعیداحمد۔۔۔۔۔ہمارے گھروں میں ایساکیاہورہاہے
بشریٰ۔۔۔۔۔کبھی کچھ کہاجاتاہے توکبھی کچھ اورفیصلہ ہوجاتاہے
نورالعین۔۔۔۔۔یہ اپنے کسی غلط فیصلے کودرست فیصلے میں تبدیل کردیتے ہیں یہ تواچھی بات ہے
سعیداحمد۔۔۔۔اس وقت یہ باتیں کرنے کاکیامقصدہے
بشریٰ۔۔۔۔لوجی دیورجی نے خودہی مشورہ دیااورخودہی ہم سے پہلے چلے گئے
سعیداحمد۔۔۔۔اس میں کریم بخش کاکوئی قصورنہیں کریم بخش کسی کی دعوت پروہاں گیاہے سب نے مل کرعبدالمجیدکوسمجھاناہے
نورالعین۔۔۔۔۔جس کوبھائی نہیں سمجھاسکے کوئی اورکیاسمجھائے گا
سعیداحمد۔۔۔۔۔مجھے لگتاہے یہ منصوبہ بھی اس کے بھائیوں کاہی ہے
عبدالحق۔۔۔۔۔اس کے بھائیوں کویہ چال چلناپڑی ہے پھرتواسے سمجھانابہت مشکل کاکام ہے
بشریٰ۔۔۔۔۔اس سے ایک اوربات بھی ثابت ہوتی ہے وہ یہ کہ تینوں بھائی ایک دوسرے کاکتناخیال رکھتے ہیں
٭٭٭٭٭٭٭٭٭
منظر۴۰۴
مولوی صاحب سڑک کے کنارے کھڑے ہیں۔ایک شخص آتاہے مولوی صاحب کودونوں ہاتھوں سے سلام کرتاہے اورکہتاہے آپ ایسے کیوں کھڑے ہیں
مولوی صاحب۔۔۔۔۔کوئی خاص نہیں
وہ شخص۔۔۔۔۔آپ کھڑے کھڑے تھک جائیں گے میں کرسی یاسٹول لے آتاہوں
مولوی صاحب۔۔۔۔۔رہنے دو ہروقت بیٹھے رہنابھی اچھانہیں ہوتا
اسی دوران عرفان اوراشرف مولوی صاحب سے کچھ فاصلے پرسائیکلیں کھڑی کرتے ہیں وہ شخص سلام کرکے چلاجاتاہے مولوی صاحب اپنے دونوں ہاتھ اپنے چہرے پرپھیرتے ہیں
عرفان، اشرف۔۔۔۔۔بیک زبان ہوکر۔۔۔۔۔السلام علیکم استادجی
مولوی صاحب۔۔۔۔۔ وعلیکم السلام تم لوگ کہاں سے آگئے
عرفان۔۔۔۔۔ادھرسے گزررہے تھے آپ کودیکھو تورک گئے
مولوی صاحب۔۔۔۔۔تمہاری پڑھائی کیسی جارہی ہے
اشرف۔۔۔۔۔بہت اچھی جارہی ہے
مولوی صاحب۔۔۔۔تمہارادوست اب کیساہے
عرفان۔۔۔۔۔وہ پہلے سے بہترہے
مولوی صاحب۔۔۔۔تم لوگ ابھی تک اپنے دوست کولائے کیوں نہیں کہیں اس کے چچانے منع تونہیں کردیا
عرفان۔۔۔۔اس کے چچانے اجازت دے دی تھی
مولوی صاحب۔۔۔۔۔پھراسے لائے کیوں نہیں
اشرف۔۔۔۔آپ مقابلوں میں مصروف تھے اس لیے
عرفان۔۔۔۔آپ جس وقت حکم دیں ہم احمدبخش کولے آئیں گے
٭٭٭٭٭٭٭٭٭
منظر۴۰۵
عبدالمجید۔۔۔۔۔یہ سمجھانے کاکون ساطریقہ ہے
ظفراقبال۔۔۔۔کسی کوسمجھانے اوراحساس دلانے کے کئی طریقے ہوتے ہیں
عبدالمجید۔۔۔۔۔یہ کوئی طریقہ نہیں ہے
عبدالغفور۔۔۔۔پھرآپ ہی بتادیں کسی کوکیسے سمجھایاجائے
عبدالمجید۔۔۔۔۔مجھے صرف پریشان کیاجارہاہے اورکچھ نہیں
اسی دوران ایک فقیرباباآجاتاہے اس کے گلے میں بڑے دانوں والی تسبیح ہے اس کے ہاتھ میں اس کی قدسے بڑاایک ڈنڈاہے اس کے ایک سرے پررنگ برنگے کپڑوں کی ٹاکیاں بندھی ہوئی ہیں
فقیربابا۔۔۔۔آوازدے کر۔۔۔۔۔کون پریشان ہے اﷲ کے نام پرخرچ کیاکرو کس لیے پریشان ہے اﷲ کے نام پردے دو اسے کس نے پریشان کیاہے اﷲ کے نام پرخرچ کیاکرو
ظفراقبال۔۔۔۔باباجی بیٹھ جائیں
فقیرباباکریم بخش کی چارپائی پرپاؤں کی طرف بیٹھ جاتاہے کریم بخش چارپائی سے اترجاتاہے
عبدالغفور۔۔۔۔۔لگتاہے کریم بخش کوفقیرباباکاآنااچھانہیں لگا یاان کی چارپائی پربیٹھنااچھانہیں لگا
کریم بخش۔۔۔۔باباجی سے۔۔۔۔آپ اس طرف ہوکربیٹھیں
فقیربابا۔۔۔۔۔ہم فقیرلوگ ہیں ادھرہی ٹھیک ہیں
کریم بخش۔۔۔۔۔جب تک آپ اس طرف نہیں بیٹھیں گے میں ایسے ہی کھڑارہوں گا
فقیرباباسرہانے کی طرف بیٹھ جاتاہے
ظفراقبال۔۔۔۔۔باباجی ہمارایہ دوست پریشان ہے دعاکریں اس کی پریشانی دورہوجائے
فقیربابا۔۔۔۔جودوسروں پرشک کرتے ہیں جوکسی کی بات پریقین نہیں کرتے وہ سکون سے نہیں رہ سکتے
عبدالغفور۔۔۔۔اس نے کسی کوپریشان فقیربابا۔۔۔۔۔میں بتادوں؟ اس نے کس کس کوپریشان کیاہے
عبدالمجید۔۔۔۔۔میں نے کسی کوپریشان کیاہی نہیں
فقیرباباایک سفیدچادرسے اپناسراورمنہ ڈھانپ لیتاہے
٭٭٭٭٭٭٭٭٭