|
|
| |
| ملک میں امن و امان کی فراہمی کو یقینی بنانا قانون ناقذ
کرنے والے اداروں کی ذمہ داری ہوتی ہے۔ جس کو یقینی بنانے کے لیے پولیس کو
ہر قسم کی سہولیات فراہم کی جاتی ہیں جن میں بہترین اسلحہ، بہترین گاڑیاں
فراہم کی جاتی ہیں تاکہ وہ مجرموں کو کیفر کردار تک پہنچا سکیں- |
| |
| یہی وجہ ہے کہ دنیا بھر میں پولیس کو پٹرولنگ کے لیے
مہنگی اور تیر ترین گاڑیاں فراہم کی جاتی ہیں یہاں تک کہ ہمارے ملک پاکستان
کی پولیس فورس کو بھی فور وہیل ڈرائيو گاڑیاں اور ایکس ایل آئی دی گئي ہیں
تاکہ وہ پٹرولنگ کر کے ملک میں امن و امان قائم رکھ سکیں- |
| |
| ترقی یافتہ ملک نے اپنی
پولیس والوں کو پٹرولنگ کے لیے رکشہ دے ڈالا |
| برطانیہ کی جیونٹ نامی ریاست کی حکومت نے یہ اعلان کیا
ہے کہ وہ اپنے شہر کی پولیس کو پٹرولنگ کے لیے رکشے دے رہے ہیں- حکومت کا
یہ کہنا ہے کہ انہوں نے یہ فیصلہ کئی خاص وجوہات کی بنیاد پر کیا ہے- |
|
|
|
|
| |
| حکومت کا کہنا ہے کہ یہ الیکٹرک رکشے ایک جانب تو
اخراجات کے حوالے سے بہت سستے ہیں۔ جب کہ دوسری جانب یہ رکشے تین پہیوں کی
سواری ہونے کے سبب ہر جگہ آسانی سے پہنچ سکتے ہیں اس کے علاوہ اس میں بیٹھ
کر اہلکار عوام کے قریب محسوس ہوتے ہیں- |
| |
| ان رکشوں کی فراہمی کے لیے حکومت نے آرڈر دے دیا ہے یہ
تمام رکشے الیکٹرک ہوں گے جن کو آسانی سے چارج کیا جا سکے گا- |
| |
| مگر یاد رہے کہ ہمارے ملک میں اس سواری کو رکشہ یا چنگچی
کے نام سے یاد کیا جاتا ہے جب کہ برطانیہ میں ان کو ٹک ٹک کے نام سے پکارا
جاتا ہے تو اب سب لوگ برطانیہ پولیس کو ٹک ٹک پر بیٹھ کر ہائی وے پر ملزمان
کا پیچھا کرتے نظر آئيں گے- مگر کیا وہ ان کو پکڑنے میں کامیاب بھی ہوں گے
یا نہیں کیوں کہ رکشہ کی سواری ایک سست رفتار سواری ہوتی ہے اور وہ ملزمان
کی تیز رفتار گاڑیوں کا کیسے مقابلہ کریں گے یہ ایک سوالیہ نشان ہے- |
| |
| سوشل میڈیا
صارفین کا ردعمل |
| سوشل میڈيا نے اس حوالے سے بہت حیرت کا مظاہرہ
کیا اور کچھ لوگوں کا تو یہ تک کہنا تھا کہ اب ہو سکتا ہے کہ برطانوی پولیس
آنے والے وقت میں گھوڑوں پر سوار نہ ہو جائے- جب کہ کچھ افراد کا یہ بھی
کہنا تھا کہ کیا یہ پولیس ملزمان کو پکڑنے کے ساتھ ساتھ ڈلیوری بوائے کے
طور پر بھی کام کرے گی اور لوگوں کے گھروں پر ان کے آرڈر پہنچانے کا کام
بھی کرے گی- کچھ افراد نے انگریزوں کو ایشیائی لوگوں سے متاثر قرار دیا ہے
اور ان کا کہنا ہے کہ یہ ایک مضحکہ خیز آئیڈیا ہے- |
|
|
|
|
| |
| اس فیصلے کے
پیچھے چھپے حقائق |
| جب کہ حقیقت میں جیونٹ نامی اس ریاست کی حکومت
نے یہ رکشے اپنی پولیس کو دینے کا فیصلہ ضرور کیا ہے مگر اس کا قطعی یہ
مطلب نہیں ہے کہ یہ رکشے پولیس کو عام استعمال اور مجرموں کے تعاقب کے لیے
دیے جائيں گے بلکہ یہ رکشے دینے کا مقصد مختلف پارک اور ایسے علاقوں کے لیے
ہے جو کہ قریب ترین ہیں اور ان رکشوں کا مقصد صرف نگرانی کرنا ہے تاکہ
پولیس ایسے علاقوں میں آسانی سے گھوم سکے اور ہائی وے وغیرہ کے لیے آج بھی
پولیس کو تیز رفتار گاڑياں ہی دی جائيں گی- |