سولر سسٹم لگوانے جا رہے ہیں تو ٹہریں! پہلے اس میں ہونے والے فراڈ کے بارے میں جانیں

آج کل توانائی کے روائتی وسائل کے بجائے متبادل ذرائع کے استعمال پر زور دیا جا رہا ہے۔ ماضی میں بجلی کے بغیر جینا ممکن تھا مگر آج کل کے دور میں بجلی کے بغیر ایک گھنٹہ بھی گزارنا ممکن نظر نہیں آتا ہے- جس کی وجہ سے اس کے استعمال میں اور طلب میں بہت اضافہ ہو گیا ہے اور رسد میں کمی کے سبب لوڈ شیڈنگ نے لوگوں کا جینا محال کر رکھا ہے- یہی وجہ ہے کہ لوگ اب سولر کے استعمال کی طرف مائل نظر آتے ہیں-

سولر سسٹم کے فوائد

سولر سسٹم میں گھر کی چھت پر سولر پینل لگا کر سورج سے ملنے والی حرارت کی مدد سے بجلی بنائی جا سکتی ہے جس کو گھر میں استعمال کیا جا سکتا ہے- اس سسٹم کی سب سے بڑی خصوصیت یہ ہے کہ یہ نظام صرف ایک دفعہ کا خرچہ ہوتا ہے اور اس کے بدلے میں بجلی کے بھاری بھرکم بلوں سے نجات مل سکتی ہے-

کے پی کے گورنمنٹ کا احسن قدم

اس حوالے سے سب سے پہلا قدم کے پی کے گورنمنٹ نے اٹھایا ہے جس نے لوگوں کو نہ صرف سولر پینل سے بجلی بنانے کی تحریک دی بلکہ ان کے استعمال سے زيادہ بجلی خریدنے کی بھی پیش کش کی ہے- جس کی وجہ سے جن لوگوں نے سولر پینل لگا رکھے ہیں وہ دن بھر سولر بجلی استعمال کرتے ہیں اور فاضل بجلی ایک میٹر کے ذریعے حکومت کو منتقل کر دیتے ہیں-

اس کے بدلے میں حکومت رات کے وقت ان کو بجلی فراہم کرتی ہے جس کے بل کی ایڈجسٹمنٹ ان کے بل میں دی گئی بجلی کی طرف سے کر دی جاتی ہے- جس وجہ سے کے پی کے میں سولر پینل لگانے والوں کی تعداد میں تیزی سے اضافہ ہو رہا ہے-

سولر سسٹم کی خریداری میں فراڈ

جیسے جیسے اس کے استعمال میں اضافہ ہو رہا ہے اس کے ساتھ ساتھ اس میں فراڈ کی بھی شکایات عام ہو رہی ہیں- اس حوالے سے ماہرین کے مطابق کیا کیا فراڈ ہو سکتےہیں وہ ہم آپ کو آج بتائيں گے-

سولر پینل میں فراڈ

سب سے پہلا فراڈ سولر پینل کا فراڈ ہوتا ہے جو کہ اس سارے سسٹم کا 70 فیصد ہوتا ہے سولر پینل کی خریداری میں سب سے پہلا خیال اس کی کوالٹی کا رکھنا ضروری ہوتا ہے کیوں کہ عام طور پر کمپنیاں گارنٹی تو بارہ سال کی دیتی ہیں مگر پینل ایک سال بعد ہی کام کرنے کی صلاحیت کھو بیٹھتا ہے-

اس وجہ سے اس کی خریداری سے قبل سب سے پہلے اس کے کوالٹی ڈاکیومنٹ کو چیک کرنا ضروری ہوتا ہے جو کہ باقاعدہ مستند کمپنی سے ہونے چاہیے ہیں- اور جس میں اس بات کا ثبوت ہو کہ ان پینلز کو چیک کیا جا چکا ہے- اگر پینل ہلکی کوالٹی کا ہوگا تو ایک سال بعد ہی وہ خراب ہو جائے گا اور اس کو بدلنا پڑے گا-

انورٹر میں فراڈ

دوسرا فراڈ اس کے انورٹر میں کیا جاتا ہے جس کا ڈبہ تو مستند کمپنی کا ہوتا ہے مگر اندر سے پینل تبدیل کر دیا جاتا ہے جس کی وجہ سے وہ بجلی بنانے کی صلاحیت مناسب انداز میں نہیں رکھے گا اور آپ کو شکایت ہو گی-

ہلکی کوالٹی کی تاروں کا استعمال

اس سسٹم کو انسٹال کرتے ہوئے اگر ہلکی کوالٹی کی تاریں استعمال ہوں گی تو وہ جلد گرم ہو جائیں گی اور اس کی وجہ سے سولر بجلی استعمال کرنے والی اشیا جن میں پنکھے لائیٹیں اور مشینری شامل ہے بار بار خراب ہو گی جس سے بھی اخراجات میں بھاری بوجھ آسکتا ہے-

< Previous سال 2022 کے آخر تک پانچ ارب فونز کو پھینک دیا جائے گا NEXT > اب انسان بھی واشنگ مشین میں دھلیں گے٬ جاپانی کمپنی کی تہلکہ خیز ایجاد جو انقلاب برپا کر دے گی