انڈیا تو سیمی فائنل اکیس سال پہلے ہی جیت چکا تھا، انڈیا نے سیمی فائنل میں پہنچتے ہی کیا خواب دیکھنے شروع کر دیے

ٹی ٹونٹی ورلڈ کپ 2022 اپنے اختتامی مراحل میں آن پہنچا ہے۔ معجزاتی طور پر سیمی فائنل تک رسائی کرنے والی پاکستانی کرکٹ ٹیم بروز بدھ نیوزی لینڈ سے سڈنی کرکٹ گراونڈ میں پنجہ آزمائے گی جبکہ بھارت کا مقابلہ انگلینڈ سے 11 نومبر کو ہوگا۔

ورلڈ کپ کا تاج کس کے سر سجے گا یہ کہنا قبل از وقت ہوگا لیکن اس فیصلہ کن گھڑی سے پہلے کئی پیشن گوئیاں کی جارہی ہیں۔ لیکن بھارتی شائقین اس میچ کو لگان 2 کا نام دے رہے ہیں۔

بیشتر قارئین اس نامور فلم کے بارے میں جانتے ہوں گے جس میں مرکزی کردار عامر خان نے نبھایا تھا۔ فلم 1983 کے پس منظر میں بنائی گئی ہے جہاں گاؤں قحط سالی سے متاثر تھے لیکن وہاں کا راجا انگریز افسروں کا کرکٹ میچ دیکھنے میں مشغول تھا۔ بھوون کا کردار نبھانے والے عامر خان اپنی شکایت لے کر پہنچتے ہیں تو ایک انگریز افسر سے بحث ہو جاتی ہے جسکے جواب میں وہ گاوں والوں کو ان سے میچ جیت کر دکھانے کا کہتا ہے۔ اور ساتھ ہی شرط رکھتا ہے کہ جیتنے کی صورت میں انکا تین سالوں کا ٹیکس معاف کر دیا جائیگا۔ بھوون کی ٹیم کافی تگ و دو کے بعد میچ جیت کر اپنا ٹیکس بھی معاف کروالیتی ہے ساتھ ہی زوردار بارش سے گاوں میں قحط سالی کا بھی خاتمہ ہو جاتا ہے۔

کیا بھارت یہ میچ پہلے ہی جیت چکا ہے؟

سماجی رابطے کی ویب سائٹ ٹوئٹر پر بھارتی کرکٹ فینز پہلے ہی نتیجہ اخذ کیے بیٹھے ہیں۔ ان کے مطابق لگان فلم کی طرح جیت یقینی ہے۔

شاندار سیمی فائنل

ایک صارف کے مطابق یہ سیمی فائنل لگان جیسی بلاک بسٹر فلم کی طرح ہوگا۔

گوورن یا سوریا کمار یادوو؟

لگان میں اپنی انوکھی بیٹنگ سے میچ کھیلنے والے گوورن کو کچھ صارفین نے سوریا کمار کا استاد قرار دے دیا۔

انگلینڈ کے وزیراعظم کے لیے نئی مشکل

بھارتی نژاد برطانوی وزیراعظم رشی سوناک اس میچ میں کس ٹیم کو سپورٹ کریں گے؟ ایک صارف کا معصومانہ سوال

امپائر کی تبدیلی

ایک ٹوئٹر صارف نے اس بات پر خوشی کا اظہار کیا کہ اس میچ میں رچرڈ کیٹل بوروگ آن فیلڈ امپائر نہیں ہوں گے کیونکہ انکی موجودگی میں بھارت ناک آؤٹ میچ کبھی جیت نہیں سکا۔

اس معرکے کا نتیجہ لگان فلم جیسا ہی ہوگا یا نہیں یہ تو بروز جمعرات ہی معلوم ہوگا لیکن بطور پاکستانی شائقین ہماری دعا ہے کہ ہماری ٹیم کا ٹاکرا فائنل میں بھارت سے نہ ہو-

< Previous کرکٹ میں بار بار ہارنے سے بہتر ہے انسان یہ کھیل کھیلے، دنیا کے کچھ عجیب و غریب کھیل NEXT > قطر: فٹبال ورلڈ کپ میں حکومت کے ایسے اقدامات جس نے سب کو تعریف پر مجبور کر دیا