شادی کی دعوت موت کے پیغام میں تبدیل، جلد پہنچنے کی کوشش خوشیوں کو ہی لے ڈوبی

شادی ہر خاندان والوں کی زندگی کا وہ موقع ہوتا ہے جس پر صرف دولہا دلہن خوش نہیں ہوتے بلکہ اس میں پورے خاندان کی خوشیاں شامل ہوتی ہیں۔ ایسے وقت میں اکثر بزرگ افراد دولہا اور دلہن کے لیے خصوصی ہدایت نامہ جاری کرتے تھے جس میں سر فہرست شادی کے دنوں میں دولہا دلہن کو اکیلے سفر کرنے سے منع کرنا ہوتا تھا-

شادی کے دعوت ناموں کی تقسیم اور افسوسناک واقعہ

ویسے تو ایکسیڈنٹ کسی کا بھی ہو افسوسناک ہوتا ہے مگر اس دکھ میں اس وقت اضافہ ہو جاتا ہے کہ حادثے کا شکار فرد جلد ہی شادی کے بندھن میں بندھنے والا ہو- ایسا ہی ایک افسوسناک حادثہ خانیوال کے علاقے کبیروالہ میں پیش آیا-

حادثے کے شکار جنید احمد جو کہ اسی علاقے کے یو بی ایل بنک کی برانچ میں کریڈٹ آفیسر کے طور پر کام کر رہے تھے اور ان کا ولیمہ 18 دسمبر 2022 کو تھا۔ جس کی خوشی میں شادی کے دیگر کاموں کے ساتھ عزیز واقارب کو شادی کے دعوت ناموں کی تقسیم بھی تھی-

تیز رفتاری کا نقصان

جنید احمد اپنے کچھ قریبی عزیزوں کو خود ہی اپنی شادی کی دعوت دینے گھر سے موٹر سائيکل پرروانہ ہوئے جلدی پہنچنے کے چکر میں جنید احمد جب روڈ پر پہنچے تو انہوں نے تیزی سے موٹر سائيکل کی رفتار سڑک پر آتے ہی بڑھا دی-

اسی دوران سامنے سے آنے والی ایک اور تیز رفتار موٹل سائیکل جنید احمد کی موٹر سائیکل سے ٹکرائی جس کی وجہ سے وہ سڑک پر گر گئے اور سامنے سے آتا ٹرالر ان کے اوپر سے گزر گیا-

جنید احمد کے اس ناگہانی موت کی خبر جب گھر تک پہنچی تو وہاں قیامت صغریٰ کے مناظر دیکھنے کو ملے چند لمحوں قبل شادی کی تیاری میں خوشیوں سے گونجنے والا گھر ماتم کی صداؤں میں تبدیل ہو گیا-

جنید احمد کی موت سے سبق

جنید احمد کی یہ ناگہانی موت ایسی ہے جس کو تقدیر کا لکھا سمجھ کر قبول کرنے کے بجائے اس حقیقت کو تسلیم کرنا ضروری ہے کہ کسی بھی جگہ جلدی پہنچنے کی کوشش کرنے کے بجائے تھوڑی دیر سے پہنچ جائيں مگر تحفظ سے پہنچ جائيں تو یہ زیادہ ضروری ہے-

< Previous مرد بنائيں شیر خورمہ اور عورتیں بانٹیں عیدیاں، اس عید پر سوچیں اگر ایسا ہو تو کیا ہو؟NEXT > قیامت خود بتائے گی کہ وہ کیوں ضروری تھی، بچوں کو پیٹ بھر روٹی کھلانے کی خواہش جان لے گئی