|
ہندوستان کے پہلے وزیر اعظم نہرو کا خیال تھا کہ
سیکولرازم ایک پرامن معاشرے کے لیے ضروری ہے۔ اس نے ہندوستان کو مذہبی خطوط
پر تقسیم کرنے کی کوشش کرنے والوں کو اور خاص طور پر ہندو گروہوں کو
ہندوستان کے لیے سب سے بڑے خطرہ قرار دیا تھا-
آج ہندوستان تقریباً 200 ملین سے زیاد ہ مسلمانوں کا گھر ہے، جو دنیا کی سب
سے بڑی مسلم آبادی میں سے ایک ہے۔ ہندوستان کی آزادی کے بعد سے، مسلمانوں
کو آئینی تحفظات کے باوجود منظم امتیازی سلوک، تعصب اور تشدد کا سامنا کرنا
پڑا ہے۔ وزیر اعظم نریندر مودی اور حکمران جماعت بھارتیہ جنتا پارٹی (بی جے
پی) کی قیادت میں مسلم مخالف جذبات میں اضافہ ہوا ہے، جس نے 2014 میں
اقتدار میں آنے کے بعد سے ہندو قوم پرست ایجنڈے پر عمل پیرا ہے۔ متنازعہ
پالیسیاں جن کے بارے میں ناقدین کا کہنا ہے کہ واضح طور پر مسلمانوں کے
حقوق کو نظر انداز کیا گیا ہے اور ان کا مقصد لاکھوں مسلمانوں کو حق رائے
دہی سے محروم کرنا ہے۔
مودی کے دور میں مسلمانوں کے خلاف تشدد عام ہے۔ اس اقدام نے بھارت میں
احتجاج کو جنم دیا ہے۔ وزیر اعظم نریندر مودی اور حکمراں جماعت مسلمانوں کے
حقوق کو محدود کرنے کے درپر ہے۔ خاص طور پر شہریت ترمیمی ایکٹ کے ذریعے، جو
قریبی ممالک کے غیر مسلم تارکین وطن کو شہریت دینے کی اجازت دیتا ہے ماسواے
مسلمانوں کے۔
دوسری جنگ عظیم کے بعد معاشی طور پر تباہ حال انگریزوں کے پاس اپنی سلطنت
کو برقرار رکھنے کے لیے وسائل کی کمی تھی اور وہ برصغیر چھوڑکر چلے گئے۔
1947 میں، ایک برطانوی جج نے عجلت میں ہندو اکثریت والے ہندوستان اور مسلم
اکثریتی پاکستان (بشمول جو آج بنگلہ دیش ہے) کے لیے سرحدوں کا فیصلہ کیا۔
تقسیم نے مہلک فسادات، بھیانک فرقہ وارانہ تشدد، اور مسلمانوں کی پاکستان
اور ہندووں اور سکھوں کی ہندوستان میں بڑے پیمانے پر ہجرت کو جنم دیا۔ زندہ
بچ جانے والے خون سے لتھڑی ہوئی ٹرینوں کو یاد کرتے ہیں جو مہاجرین کو ایک
ملک سے دوسرے ملک لے جاتی تھیں، قصبے جل کر خاک ہو جاتے تھے اور لاشیں
گلیوں میں پھینکی جاتی تھیں۔ مورخین کا اندازہ ہے کہ دو لاکھ سے بیس لاکھ
کے درمیان لوگ مارے گئے۔سیکڑوں سالوں سے ایک ساتھ رہنے والی برادریوں نے
ایک دوسرے پر حملہ کیوں کیا یہ ابھی تک واضح نہیں ہے۔
کانگریس پارٹی کے قائدین جنہوں نے آزادی کی جنگ لڑی تھی، ایک ایسے ہندوستان
کی وکالت کی جو تمام شہریوں اور عقائد کو مساوی تسلیم کرے۔ گاندھی، جس نے
امتیاز سے پاک سیکولر ریاست کا تصور کیا تھا، کو 1948 میں ایک ہندو قوم
پرست نے قتل کر دیا تھا۔
گزشتہ دو دہائیوں کے دوران، پارلیمنٹ میں مسلمانوں کی نمائندگی جمود کا
شکار ہے 2019 کے انتخابات کے بعد، مسلمانوں نے ہندوستان میں صرف 5 فیصد
نشستیں حاصل کیں۔ یہ بی جے پی کے عروج کی وجہ سے ہے، جس کی 2022 کے وسط تک
پارلیمنٹ میں اپنی پارٹی کا کوئی مسلمان ممبر نہیں تھا۔
حالیہ برسوں میں ہندوستان کی، عدالتوں اور سرکاری اداروں نے مسلمانوں کی
مذہبی آزادیوں کو محدود کرنے والے قوانین کو تیزی سے منظور کیا ہے، جن میں
تبدیلی مذہب کے خلاف قوانین اور اسکول میں سر پر اسکارف پہننے پر پابندی
شامل ہے۔مسلمانوں کو سزا دینے کے لیے ماورائے عدالت طریقوں کا رخ کیا ہے،
جسے ناقدین بلڈوزر جسٹس کہتے ہیں۔ 2022 میں، متعدد ریاستوں میں حکام نے
لوگوں کے گھروں کو تباہ کر دیا، یہ الزام لگا کر کہ مسمار کی گئی عمارتوں
کے پاس مناسب اجازت نامے نہیں تھے۔ تاہم سب جانتے ہیں کہ انھوں نے بنیادی
طور پر مسلمانوں کو نشانہ بنایا، جن میں سے کچھ نے حال ہی میں مظاہروں میں
حصہ لیا تھا۔
ہندو قوم پرست جتنی دیر تک اقتدار میں رہیں گے، مسلمانوں کی حیثیت میں اتنی
ہی بڑی تبدیلی آئے گی او ر ان تبدیلیوں کو پلٹنا اتنا ہی مشکل ہوگا۔
|