سرفراز اگر کرکٹر نہ ہوتے تو۔۔۔ پاکستانی ٹیم کے کرکٹر اگر کھلاڑی نہ ہوتے تو کیا ہوتے، کچھ عجیب تبصرے

عام طور پر ہر پیشے سے وابستہ افراد کا اٹھنا بیٹھنا بولنا چالنا سب کچھ ان کی شخصیت کا حصہ بن حاتا ہے اور ان کی چال ڈھال کو دیکھ کر اندازہ لگایا جا سکتا ہے کہ وہ کیا کام کرتے ہیں-

پاکستان کرکٹ ٹیم کے کھلاڑی اگر کرکٹ نہ کھیلتے تو کیا کرتے

پاکستان کرکٹ ٹیم کے حوالے سے یہ بات قابل ذکر ہے کہ ہر دور میں پاکستان کرکٹ ٹیم کے اندر ایسے کھلاڑی موجود رہے ہیں جو کہ فلمی اداکاروں کی طرح ایک خاص گلیمر رکھتے اور ان کو دیکھ کر لوگ بے ساختہ یہ کہنے پر مجبور ہو جاتے ہیں کہ کیا آپ فلم میں کام کریں گے- اسی حوالے سے ہم نے بھی یہ سوچا کہ اگر یہ کرکٹ ٹیم میں نہ ہوتے تو کیا کرتے امید ہے کہ آپ لوگ بھی اس حوالے سے اپنی آرا سے مطلع کریں گے-

سرفراز احمد

پاکستان کرکٹ ٹیم کے سابق کھلاڑی سرفراز احمد جو کہ حافظ قرآن ہونے کے ساتھ ساتھ ایک نعت خواں بھی ہیں تو ان کو دیکھ کر یہ محسوس ہوتا ہے کہ اگر وہ کھلاڑی نہ بھی ہوتے تو اتنے ہی مقبول ہوتے- مگر ان کی مقبولیت کا سبب ان کے کھیل کے بجائے ان کی نعت خوانی ہوتی-

شاہین شاہ آفریدی

شاہین آفریدی جو بوم بوم شاہد آفریدی کے ہونے والے داماد ہیں اور صرف داماد ہی نہیں بلکہ کافی فرمانبردار داماد ہیں- مگر ان کے حوالے سے کہا جا سکتا ہے کہ اگر وہ کھلاڑی نہ ہوتے تو ہو سکتا ہے کہ وہ شاہد آفریدی کے داماد بھی نہ ہوتے- مگر ان کو دیکھ کر ایسا محسوس ہوتا ہے کہ وہ اگر داماد نہ ہوتے تو پاکستان پولیس کے اندر ایک بہت ہی اسمارٹ آفیسر ضرور ہوتے-

رضوان احمد

پاکستان کرکٹ ٹیم کے کھلاڑی اور وکٹ کیپر جو کافی مذہبی رجحان رکھنے والے کھلاڑی ہیں۔ اکثر و بیشتر وہ ٹیم کے اندر اور ٹیم سے باہر بھی دین کی تبلیغ کرتے ہوئے نظر آتے ہیں- ان کو دیکھ کر یہ محسوس ہوتا ہے کہ اگر وہ کھلاڑی نہ ہوتے تو ایک تبلیغی ہوتے جو کہ اپنے وعظوں سے بھٹکے ہوئے افراد کو سیدھا راستہ دکھاتے-

شاداب احمد

شاداب احمد جو پاکستان کی ٹیم کے اندر ایک آل راؤنڈر کے طور پر پہچانے جاتے ہیں ان کا شمار پاکستان کے مایہ ناز فیلڈر میں ہوتا ہے- ان کی فٹنس ان کو باقی دوسرے کھلاڑیوں سے ممتاز کرتی ہے ان کے حوالے سے دیکھ کر ایسا محسوس ہوتا ہے کہ اگر وہ پاکستان کرکٹ ٹیم کے کھلاڑی نہ ہوتے تو یقیناً ایک بہترین اتھلیٹ ہوتے اور شائد دوڑ کے مقابلوں میں پاکستان کے لیے اولمپک میں سونے کے تمغے جیت کر لا رہے ہوتے-

بابر اعظم

اب باری ہے پاکستان کے کپتان بابر اعظم کی، یہ ایک حقیقت ہے کہ بابر اعظم کی کرکٹ کی لگن اور شوق کو دیکھ کر ایسا محسوس ہوتا ہے کہ وہ خواب میں بھی کرکٹ دیکھتے ہوں گے اور کھاتے پیتے سوتے جاگتے صرف کرکٹ ہی کے بارے میں سوچتے ہوں گے- اس وجہ سے ان کے حوالے سے یہ سوچا بھی نہیں جاسکتا کہ وہ کرکٹ کھیلنے کے علاوہ بھی کچھ کرتے ہوں گے-

حارث رؤف

حارث رؤف جو کہ پاکستان ٹیم کے فاسٹ بالر ہیں اور ان کی گزشتہ دنوں شادی کے سبب سوشل میڈيا پر کافی مقبول ہوئے- ان کی تیز رفتاری کو دیکھ کر ایسا محسوس ہوتا ہے کہ اگر حارث رؤف پاکستان کرکٹ ٹیم میں جگہ بنا نہ بھی پاتے تب بھی رفتار سے اپنا تعلق نہ توڑ پاتے اور گاڑيوں کے شو روم کا بزنس شروع کر لیتے جہاں پر وہ تیز رفتار گاڑیاں فروخت کرتے-

شاہد آفریدی

بوم بوم آفریدی اگرچہ اب پاکستان ٹیم کا حصہ نہیں ہیں مگر چیف سلیکٹر کے طور پر پاکستان کرکٹ میں اہم ترین پوزیشن کے حامل ہیں- ان کے حوالے سے یہ کہا جا سکتا ہے کہ اگر وہ کرکٹ نہ کھیلتے تو پاکستان شوبز میں ایک مایہ ناز ہیرو کے طور پر پہچانے جاتے-