|
|
| |
| آپ کا تعلق کسی بھی معاشرے سے ہو یا آپ کتنے ہی اعلیٰ
تعلیم یافتہ اور آزاد خیال ہونے کے دعویدار ہوں مگر اس کے باوجود زندگی کے
کسی نہ کسی معاملے میں توہم پرستی کا شکار ضرور ہو سکتے ہیں- عام طور پر
لوگوں کو یہ محسوس ہوتا ہے کہ ہمارا مشرقی معاشرہ تعلیم کی کمی کے سبب توہم
پرستی اور ضعیف العقادی کا جلد شکار ہو جاتا ہے اور چھوٹی چھوٹی باتوں میں
بھی اس کا اظہار کرتے ہیں- آج ہم آپ کو ایسی ہی کچھ توہم پرستی کی چیزوں کے
بارے میں بتاؤں گی جن کا تعلق براہ راست کھانے پینے کی اشیا سے ہوتا ہے- |
| |
| کافی کا مگ یا پیسوں کی
برسات |
| ایک کافی کا کپ آپ کے لیے دولت کی نوید بھی ہو سکتا ہے
یہ سن کر اگرچہ آپ کو یقین نہیں آئے گا مگر بہت سارے لوگوں کا اس حوالے سے
عقیدہ ہے کہ کافی کے کپ پر موجود جھاگ میں بننے والے بلبلوں کو اگر پھوٹنے
سے قبل پی لیا جائے تو یہ خوشخبری کا سبب ہو سکتا ہے- اور یہ خوشخبری بھی
کوئی چھوٹی موٹی خوشخبری نہیں بلکہ دولت کے ملنے کی خبر ہو سکتی ہے۔ |
|
|
| |
| لیموں میں مرچیں پرونا |
| ہندوستانی معاشرے اور ایسے گھرانوں میں جن کا تعلق قیام
پاکستان سے قبل ہندوستان سے تھا ان گھرانوں میں لیموں کو شیطانی قوتوں کا
مقابلہ کرنے والے پھل کے طور پر سمجھا جاتا ہے- اسی وجہ سے اگر آپ کو کسی
کے گھر یا دفتر یا گاڑی میں ایک لیموں تین یا پانچ ہری مرچوں کے ساتھ کسی
دھاگے میں پروئے ہوئے اور لٹکے ہوئے نظر آئے تو اس کو اتارنے کی کوشش مت
کیجيے گا کیونکہ ان لوگوں کے نزدیک یہ شیطانی قوتوں اور بری نظر سے محفوظ
رکھنے کی ڈھال ہے جو آپ کو ان سے بچانے کے لیے لگائے جاتے ہیں- |
|
|
| |
| انڈہ کے چھلکوں کو
پھینکنے سے قبل اچھی طرح پیس لیں |
| یہ وہم بھی صدیوں سے مختلف افراد کے دلوں میں پل رہا ہے
جس میں انکا یہ ماننا ہے کہ انڈے کو توڑنے کے بعد اس کے چھلکوں کو اچھی طرح
پیس کر پھینکنا چاہیے کیونکہ اگر انڈوں کے چھلکوں کو پیسا نہ جائے تو اس
انڈے کے خول کو چڑيل اپنی کشتی بنا لیتی ہے اور اس میں تیر کر آپ کے خلاف
منصوبہ سازی کرتی ہے اس وجہ سے بہتری یہی ہے کہ اس کو استعمال کے بعد پیس
لیں-یاد رہے یہ ایک توہم پرستی کی سوچ ہے- |
|
|
|
|
|
سورج غروب ہونے کے بعد دودھ کسی کو مانگنے
پر نہ دیں |
|
دودھ جو کہ ایک صحت بخش مشروب ہے جتنا اس کا استعمال مفید ہے اسی طرح اس سے
جڑی توہم پرستی بھی کم نہیں ہے جن میں سے کچھ ہم آپ کو بتائيں گے- دودھ کا
گرنا بد شگونی ہوتا ہے اس وجہ سے اگر کسی کے ہاتھ سے دودھ گر جائے تو اس
انسان کے ساتھ کچھ برا ہونے والا ہوتا ہے- کسی بھی بڑے کام کے لیے گھر سے
نکلنے سے قبل دودھ پی لینا اچھا ہوتا ہے- اس کے علاوہ اگر سورج کے غروب
ہونے کے بعد اگر آپ سے کوئي پڑوسی عاریتا دودھ مانگے تو اس کو انکار کر دیں
کیونکہ یہ ایک بدشگونی ہوتی ہے- |
|
|
|
|
|
نمک اگر گر جائے تو جھاڑو سے صاف نہ کرنا
|
|
نمک کو بھی اکثر حلقوں میں بہت قابل احترام سمجھا جاتا ہے اور اس کا پیروں
کے نیچے آنے کو بہت برا سمجھا جاتا ہے اور بدشگونی کی علامت بھی سمجھا جاتا
ہے- لہٰذا اگر نمک کہیں گر جائے تو اس کو کسی کپڑے سے اٹھا کر اس کے بعد اس
کو پانی میں جزب کر کے پھینکنا چاہیے تاکہ وہ کسی کے پیروں تلے نہ آئے- |
|
|
|
|
|
یہ تمام چیزیں جن کا تعلق توہم پرستی کے علاوہ اور کچھ نہیں ہے اور ان کو
بتانے کا مقصد صرف یہی ہے کہ کس طرح سے لوگ کھانے پینے کی اشیا کے حوالے سے
دنیا بھر میں توہم پرستی کا شکار ہوتے ہیں- |
|
|