سعید انور نے جب ڈریسنگ روم میں اذان بلند کی، ورلڈ الیون کے انگریز کپتان کا ایسا ردعمل جس نے پاکستانی کھلاڑيوں کو حیران کر دیا

اذان اسلام کے بنیادی رکن نماز کی ادائیگی کا ایک ایسا دعوت نامہ ہے جس کے الفاظ اگر غیر مسلموں کو سمجھ نہ بھی آئیں تب بھی اس کا اثر براہ راست ان کی روح کو جھنجھوڑ کر رکھ دیتا ہے اور ان کی روح اس پکار کے جواب میں بے ساختہ لبیک کہنے پر مجبور ہو جاتی ہے-

اذان کی پکار پر غیر مسلموں کے متاثر ہونے کی کئی ویڈیوز ان دنوں سوشل میڈیا کی زینت بن رہی ہیں جس میں چھوٹے کم عمر بچوں سے لے کر بڑی عمر تک کے افراد کے رونگھٹے کھڑے ہوتے دیکھے گئے ہیں-

پاکستان کرکٹ ٹیم اور اذان سے جڑا واقعہ

اسی حوالے سے پاکستانی کھلاڑی مشتاق احمد کا ایک بیان آج کل سوشل میڈیا پر کافی وائرل ہو رہا ہے مشتاق احمد کا یہ بیان علامہ اقبال کے حوالے سے ایک فکری نشست میں دیا گیا جس میں ان کا کہنا تھا کہ وہ وسیم اکرم، شاہد آفریدی اظہر محمود اور سعید انور پانچ پاکستانی کھلاڑی ورلڈ الیون کا حصہ تھے-

برطانیہ کی ٹیم کے خلاف کھیلے جانے والے میچ میں جب وہ ورلڈ الیون کے ساتھ کھیل رہے تھے جب کہ ورلڈ الیون میں دنیا کے تمام ملکوں کے کھلاڑی شامل تھے یہ واقعہ سال 2004 کا ہے اور برطانیہ میں وقوع پزیر ہوا-

ان کا کہنا تھا کہ یہ ان کی ٹیم کا وہ وقت تھا جب سعید انور کا رجحان مذہب کی طرف ہو چکا تھا اور وہ مکمل طور پر اسلامی کے اصولوں کے مطابق زندگی گزار رہے تھے۔ میچ کی پریکٹس کے بعد جب وہ ڈریسنگ روم میں آئے اور میچ کا یونیفارم پہننے کی تیاری کرنے لگے-

یہ اذان کی صدا سعید انور نے بلند کی اور انہوں نے بہت دل سے مکمل اذان دی اذان کی اس آواز کو سن کر کچھ دیر کے لیے ڈریسنگ روم میں موجود ہر فرد ساکت ہو گیا اور خاموشی سے اذان کی یہ آواز سننے میں محو ہو گیا انہوں نے اپنے سارے کام چھوڑ دیے ایسا محسوس ہوا کہ وقت رک گیا-

اس وقت ڈریسنگ روم میں ویسٹ انڈین کھلاڑی کورٹنی ایمبروز سری لنکا کے مرلی دھرن آسٹریلیا کے اسٹیو فلیمنگ سمیت کافی بڑے بڑے کھلاڑی موجود تھے-

مشتاق احمد کا اقرار

اس وقت کے حوالے سے مشتاق احمد کا یہ کہنا تھا کہ انہوں نے ایک مسلمان کی حیثیت سے خاموشی سے اذان سنی- تاہم اس وقت ان کے دل میں یہ خیال ضرور آیا کہ آخر سعید انور کو کیا ضرورت تھی کہ ایسی جگہ پر جہاں ہر مذہب کے لوگ موجود ہیں اذان دینے کی- اگر اس وقت میں یہ کھلاڑی برا مان گئے تو ان کے لیے کافی مشکلات بھی کھڑی ہو سکتی ہیں ان کے ذہن میں یہ بھی خیال آیا کہ بہتر تھا کہ ہم لوگ چپ کر کے کسی کونے میں جا کر نماز پڑھ لیتے ہمیں اس طرح اعلان کرنے کی کوئی ضرورت نہ تھی-

سعید انور کے ایمان کی مضبوطی

مگر اس وقت میں انہوں نے اس بات کا اعتراف کیا کہ سعید انور کا ایمان ان کے ایمان سے بہت مضبوط تھا اور اسی وجہ سے انہوں نے بغیر کسی ڈر کے سب کے سامنے اذان دے دی-

ورلڈ الیون کے کپتان کی کال

اسی دوران جب مشتاق احمد نماز کی تیاری کر رہے تھے تو ان کو ان کی ٹیم کے کپتان اسٹیو فلیمنگ کی طرف سے ایک فون کال رسیو ہوئی۔ مشتاق احمد کا کہنا تھا کہ ان کو یہ محسوس ہوا کہ اب تو کلاس لگے گی اور کپتان نے ان سے الٹے سیدھے سوال پوچھنے ہوں گے-

اسٹیو فلیمنگ نے مشتاق احمد کو مخاطب کر کے کہا کہ ایک بات پوچھوں اگر آپ ناراض نہ ہوں تو ۔۔۔ مشتاق احمد کا کہنا تھا کہ انہوں نے ہر قسم کے حالات کے لیے خود کو تیار کرتے ہوئے اسٹیو سے کہا کہ وہ جو کچھ پوچھنا چاہتے ہیں پوچھ سکتے ہیں-

مشتاق احمد کا یہ کہنا تھا کہ اس وقت اسٹیو نے جو سوال کیا اس نے ان کو گنگ کر کے رکھ دیا اسٹیو کا کہنا تھا کہ ابھی انہوں نے جو اذان کی آواز سنی اس نے براہ راست ان کے دل پر اثر کیا ہے اور انہوں نے اس سے قبل ایسی طرز اور ایسی خوبصورت صدا کبھی کسی نغمے میں بھی نہیں سنی اور وہ اس سے بے حد متاثر ہوئے ہیں-

کیا ہم مسلمانوں کے دل پر بھی اذان کی یہ پکار اثر کرتی ہے

اس موقع پر اپنے بیان میں مشتاق احمد نے تمام مسلمانوں سے یہ سوال پوچھا کہ کیا اذان کی یہ آواز ہم تمام مسلمانوں کو بھی ایسے ہی متاثر کرتی ہے جس طرح سے یہ غیر مسلموں کو متاثر کرتی ہے- اگر جواب نفی میں ہے تو پھر ہمیں اپنے ایمان کو ٹٹولنا چاہیے کہ آخر ایسا کیا ہے جو یہ آواز ہمیں اپنی طرف نہیں بلاتی-

< Previous کرکٹ کی دنیا کے 10 جھگڑے جنہیں لوگ آج تک بھول نہیں سکے NEXT > 31 سال پہلے ایسا کیا ہوا تھا جسے انضمام الحق آج بھی بھلا نہیں پائے