|
|
| |
| ماں سے محبت کرنے کے لیے کسی وجہ کی ضرورت نہیں ہوتی ہے
جس طرح ماں کو اپنی اولاد سے محبت کرنے کے لیے کسی خدمت کی ضرورت نہیں ہوتی
ہے- مگر ماں کو اپنے وہ بچے زيادہ پیارے ہوتے ہیں جو کسی نہ کسی کمی یا
کمزوری کا شکار ہوتے ہیں اور دنیا کی نظر میں معذور یا اسپیشل ہوتے ہیں مگر
ماں کی نظر میں وہی بچے سب سے زيادہ خاص ہوتے ہیں- اور ایسا ہی ایک بچہ
عبداللہ ہے جس کا تعلق کراچی سے ہے- |
| |
| کراچی سے تعلق رکھنے
والا بہت خاص عبداللہ |
| کراچی کے علاقہ لالو کھیت ویسے تو کراچی کی قدیم ترین
آبادی اور اپنے منفرد مزاج کے ہونے کے سبب ہمیشہ سے ہی مشہور رہا ہے لالو
کھیت وہ جگہ ہے جہاں سے امجد فرید صابری کا تعلق تھا۔ لالو کھیت وہ علاقہ
ہے جہاں سے عمر شریف نے اپنی شناخت بنائی- آج کل لالو کھیت کی شناخت نلی
بریانی کی وہ دکانیں ہیں جنہوں نے بریانی کے ذائقے کو ایک انوکھی لذت دی
اور اس گلی کو دنیا بھر میں مشہور کر دیا- |
|
|
|
|
| |
| مگر اسی گلی میں ان کے درمیان بائيس سالہ عبداللہ سوڈہ
اور لمکا ڈرنک کی ایک دکان چلا رہا ہے- عبداللہ کی خاص بات یہ ہے کہ وہ
اپنے گھر کا واحد کفیل ہے اور ذہنی طور پر کمزور ہے جس کا اظہار ان کی
گفتگو میں ہونے والی لکنت سے بھی ہوتا ہے- مگر اس کے باوجود اس کا کہنا ہے
کہ اس نے کئی سال تک صرافہ بازار میں بھی کام کیا- |
| |
| اس کے علاوہ یہ کیبن اس کی والدہ نے پیسے جمع کر کے ایک
کمیٹی کے پیسوں سے اس کو دلوایا جو کہ پچاس ہزار کے لگ بھگ رقم تھی جبکہ
عبداللہ نے دن رات محنت کر کے نہ صرف اپنی ماں کو یہ رقم لوٹا دی بلکہ ایک
ماں کے لیے ایک بڑی خواہش بھی رکھتا ہے- |
| |
| ماں کی خدمت کا جذبہ
|
| اپنی معذوری اور کمزوری کے باوجود عبداللہ کی ہمت جواں
ہے۔ اس کی دو بہنیں اور ایک ماں ہے اس کی خواہش ہے کہ وہ اپنی ماں کو اپنی
آمدنی سے حج کروا سکے- اپنی شادی کے حوالے سے اس کا یہ بھی کہنا تھا کہ وہ
جب بھی شادی کرے گا اپنی ماں کی پسند سے کرے گا- عبداللہ کے اسٹال کی سب سے
خاص چیز اس کی دلربا لسی ہے جو کہ مختلف ذائقوں میں دستیاب ہے اور جس کو
پینے کے لیے لوگ دور دور سے آتے ہیں- |
| |
|
|
| |
| عبداللہ جیسے لوگ ہمارے معاشرے کے لیے ایک
مثال ہیں اور اس کی ماں بھی مبارکباد کی مستحق ہے جس نے اپنے بیٹے کو اس کی
معذوری کا احساس دلانے کے بجائے اس کو معاشرے کا کارآمد شہری بنانے کی کوشش
کی اور اس کو محنت کا ایسا جذبہ دیا کہ وہ کسی کے سامنے ہاتھ پھیلانے کے
بجائے خود محنت کر کے کام کرنے لگا- |