|
|
| |
| ان دنوں سعودی عرب کے دو خلا باز اپنی زندگی کے تاریخی
سفر میں مصروف ہیں کیونکہ یہ دونوں خلا اس وقت عالمی خلائی سٹیشن پر خدمات
سرانجام دے رہے ہیں۔ ان دونوں خلا بازوں کا اپنے دس روزہ مشن کے دوران زمین
سے رابطہ ویڈیو لنک کی مدد سے برقرار رہے گا- |
| |
| سعودی عرب میں لوگوں کے لیے اس وقت جو بات سب سے زیادہ
دلچسپی کا باعث بنی ہوئی ہے وہ یہ ہے کہ ان دونوں خلا بازوں کی خلائی
اسٹیشن پر مصروفیات کیا ہیں اور ان کی زندگی وہاں کیسے گزر رہی ہے؟ |
|
|
|
|
| |
| آپ کو یہ جان کر حیران ہوگی کہ سعودی خلاباز علی القرنی
اور ریانہ برناوی اپنے اس سفر پر اپنے ساتھ قہوہ اور کھجوریں بھی لے گئے
ہیں- جبکہ سعودی خلاباز علی القرنی کہنا ہے کہ یہ پہلا موقع ہے کہ ریانا
اور میں پہلی مرتبہ بین الاقوامی خلائی سٹیشن پر پانی کے علاوہ سعودی قہوہ
بھی اپنے ساتھ لے کر آئے ہیں- |
| |
| العریبیہ کے مطابق خلا بازوں کا کہنا تھا کہ کھانے کے
حوالے سے ہمارے پاس دو قسم کی چیزیں ہیں۔ ایک خشک قسم کا کھانا ہے جس میں
صرف پانی ڈالنے کی ضرورت ہے۔ دوسری قسم نیم تیار کھانا ہے۔ اسے موجودہ ہیٹر
کے ذریعے دوبارہ گرم کرنے کی ضرورت ہوتی ہے۔ انہوں نے کہا ہم روزانہ کی
بنیاد پر یہاں قہوہ پی رہے اور کھجور کھا رہے ہیں۔ |
| |
|
|
| |
| یاد رہے قہوہ کا تعلق سعودی عرب کے ثقافتی ورثے کے ساتھ
اور اس کے رسم و رواج اور روایات سے بھی ہے۔ کھجور اور قہوہ سعودی عرب کی
تاریخ میں سخاوت اور یہاں کی مہمان نوازی کی قدروں سے جڑے ہوئے ہیں- |