|
|
| |
کاروبار آن لائن ہو یا روایتی کبھی بھی آسان نہیں ہوتا، انسان کی محنت
اور لگن اس کاروبار کو کامیاب بناتی ہے، اس وقت دنیا تیزی سے آن لائن
کاروبار کی طرف مائل ہورہی ہے، بے شمار لوگ آج آن لائن کاروبار سے اچھا
منافع کمارہے ہیں لیکن بہت سے لوگ ایسے بھی ہیں جنہیں آن لائن کاروبار
شروع کرنے کے حوالے سے مشکلات کا سامنا ہے تو یہ آرٹیکل ایسے لوگوں کیلئے
بہت فائدہ مند ہوسکتا ہے۔تو چلیں آپ کو بتاتے ہیں کہ آن لائن کاروبار
کیلئے کونسے اہم اقدامات آپ کیلئے بہتر ہونگے۔
پروڈکٹ
آن لائن فروخت کیلئے ایسا ہرگز نہیں کہ آپ کچھ بھی بیچنا شروع کردیں بلکہ
سب سے پہلے اپنی کسی ایک پروڈکٹ کا انتخاب کریں کہ مارکیٹ میں کس چیز کی
مانگ زیادہ ہے۔ اس چیز کا معیار بہترین رکھیں اور قیمت بھی بہت زیادہ نہ
رکھیں کیونکہ پروڈکٹ کا معیار اور قیمت کا فرق آن لائن کاروبار میں بنیادی
چیز ہے۔
|
|
|
| |
مارکیٹ
اپنی منفرد پروڈکٹ کیلئے مارکیٹ تلاش کریں کہ آپ کی چیز کی کہاں زیادہ
اہمیت ہے، مارکیٹ کا اندازہ لگانے کے بعد اپنی پروڈکٹ کی تشہیر اسی جگہ
کریں جہاں اس کی زیادہ ضرورت ہے۔ اپنے کسٹمرز کو ان کی مطلوبہ اشیاء کی
فراہمی کے ساتھ حریفوں پر بھی گہری نگاہ رکھیں کیونکہ آن لائن کاروبار میں
چیزیں بہت تیزی سے تبدیل ہوتی ہیں۔ اس لئے مارکیٹ میں جگہ مستحکم بنانے
مارکیٹ کا اتار چڑھاؤ اور رویہ اہمیت رکھتا ہے۔
نام
اپنی اشیا کی فروخت اور آن لائن اکاؤنٹ بنانے سے پہلے نام تجویز کریں
لیکن کوشش کریں کہ آپ کا نام پہلے سے موجود کسی کمپنی سے مماثل نہ ہو۔
سادہ اور بامعنی نام کو ترجیح دیں اور الفاظ کا چناؤ بھی آسان رکھیں تاکہ
کسٹمرز کو تلاش کرنے میں مشکل نہ پیش آئے۔
ٹارگٹ کلائنٹ
کاروبار کیلئے مارکیٹ میں اترنے سے پہلے آپ کو اپنے ٹارگٹ کلائنٹ کے بارے
میں معلوم ہونا چاہیے کیونکہ موسم، حالات اور وقت کے حساب سے ٹارگٹ کلائنٹ
نہیں بنائیں گے تو آپ کیلئے جگہ بنانا اور سروائیو کرنا بہت مشکل ہوگا۔ اس
لئے میدان میں آنے سے پہلے پوری تیاری مکمل کریں اور اپنے ٹارگٹ پر نظر
رکھیں۔
|
|
|
تشہیر
اپنی پروڈکٹ متعارف کروانے کے ساتھ تشہیر پر توجہ دیں۔ آن لائن کاروبار
کیلئے تشہیر سب سے زیادہ ضروری ہے اور اہم سمجھی جاتی ہے۔اپنی پروڈکٹس کے
حوالے سے کسٹمرز کو مکمل معلومات فراہم کریں اور تشہیری مہم کے دوران بھی
اشیا کے حوالے سے معلومات دیں کیونکہ آن لائن کاروبار میں فراڈ کی وجہ سے
خریدار بہت محتاط ہوتے ہیں اور جب تک آپ کو اپنی پروڈکٹ کے بارے میں درست
اور گہری معلومات نہیں ہوں گی آپ اپنے کسٹمر کو مطمئن نہیں کرپائیں گے۔
کوشش کریں کہ اپنی اشیا کے بارے میں مکمل معلومات رکھیں تاکہ آپ اعتماد کے
ساتھ کسٹمرز کا بھروسہ جیت کر بہترین آن لائن کاروبار کرسکیں۔ |