|
چین میں اس وقت صارفین کی مضبوط قوت خرید اور کھپت کے
زبردست فروغ کی وجہ سے چینی اور غیر ملکی برانڈز دونوں کو مسلسل فائدہ پہنچ
رہا ہے۔لاکھوں چینی صارفین الیکٹرک گاڑیوں سے لے کر گھریلو آلات تک جدید
ترین ماڈلز خریدنا چاہتے ہیں جس سے معیاری مصنوعات پیش کرنے والی ملکی اور
غیر ملکی کمپنیوں کے لئے نمایاں امکانات ابھر رہے ہیں۔
چین نے مارچ 2024 میں بڑے پیمانے پر سازوسامان کی اپ گریڈیشن اور کنزیومر
گڈز ٹریڈ ان پروگراموں کا آغاز کیا تھا ۔ رواں سال کے اوائل میں گھریلو طلب
کو بڑھانے اور معاشی ترقی کو فروغ دینے کی کوششوں کے تناظر میں ان
پروگراموں کو مزید بہتر بنایا گیا ہے ۔معروف غیر ملکی برانڈز بشمول ٹیسلا
نے ایسے پروگراموں سے بھرپور فائدہ اٹھایا ہے۔مارچ کے اوائل میں چین کے شہر
شنگھائی میں ٹیسلا کے "ماڈل وائے" کی فراہمی کے پہلے روز 500 سے زائد نئی
گاڑیاں خریداروں کے حوالے کی گئیں جن میں سے کئی نے چین کی ٹریڈ ان اسکیم
سے فائدہ اٹھایا ہے۔ان میں ایسے شہری بھی شامل ہیں جنہوں نے اپنی پرانی
پٹرول گاڑی میں تجارت کرکے اور کھپت کی سبسڈی کا فائدہ اٹھاتے ہوئے،
تقریباً دو لاکھ یوان (تقریباً 27،863 امریکی ڈالر) میں ٹیسلا کا "ماڈل
وائے" خریدا ہے۔ان سبسڈی پروگراموں سے ملنے والی ترغیبات کافی اہم ہیں، جس
نے صارفین کو چیزیں خریدنے کی ترغیب دی ہے۔
تاہم ،سبسڈی کی نوعیت ہر جگہ مختلف ہوتی ہے۔ مثال کے طور پر جنوبی چین کے
گوانگ دونگ صوبے میں نئی توانائی گاڑیاں خریدنے والے صارفین 20 ہزار یوآن
تک کی سبسڈی حاصل کرسکتے ہیں۔یہ امر قابل ذکر ہے کہ حکومت کی حوصلہ افزا
پالیسی کے علاوہ ، ٹیسلا نے اپنے صارفین کے لئے اخراجات کو مزید کم کرنے کے
لئے سود سے پاک فنانسنگ اور انشورنس سبسڈی پروگراموں سمیت مختلف کاروں کی
خریداری کی ترغیبات فراہم کرنے کے لئے بھی اقدامات کیے ہیں۔
اسی طرح گھریلو آلات کے شعبے میں بھی غیر ملکی کمپنیاں چین کے حکومتی
پروگرام سے فائدہ اٹھا رہی ہیں۔ان میں پیناسونک اپلائنسز (چائنا) بھی شامل
ہے جس کے نزدیک چینی حکومت کی کھپت کی محرک پالیسیوں ، بشمول ٹریڈ ان
پروگرام ، نے صارفین کے اخراجات میں اضافہ کیا ہے۔ اس کے نتیجے میں
پیناسونک کے ہوم اپلائنس سیگمنٹ میں فروخت میں اضافہ ہوا ہے۔ان پالیسیوں کے
متعارف ہونے کے بعد، پیناسونک کے بڑے گھریلو آلات، جیسے واشنگ مشین اور
ریفریجریٹرز، خاص طور پر آف لائن مارکیٹ میں زیادہ فروخت ہوئے ہیں.
رواں سال جنوری کے اوائل میں چین نے اپنے کنزیومر گڈز ٹریڈ ان پروگرام کا
دائرہ کار بڑھانے کے لیے متعدد اقدامات کا اعلان کیا تھا۔ توسیع شدہ
پروگرام کے تحت سرکاری سبسڈی کے اہل گھریلو آلات کی کیٹیگریز کو 2024 کے 8
سے بڑھا کر 2025 میں 12 کردیا گیا ہے۔نئی پالیسی نے ملک بھر میں گھریلو
آلات سے متعلق صارفین کے اخراجات میں نمایاں اضافہ کیا ہے۔
چین کے بڑے پیمانے پر سازوسامان کی اپ گریڈ اور صارفی مصنوعات کی تجارت کے
پروگراموں نے اب تک نتیجہ خیز ثمرات حاصل کیے ہیں۔مقامی طلب کو "معاشی ترقی
کا بنیادی انجن اور اینکر" بنانے کا عزم ظاہر کرتے ہوئے ، چین کے پالیسی
سازوں نے رواں سال کے "دو سیشنز" کے دوران صارفین کی ایک بڑی تعداد کو
زیادہ اعتماد کے ساتھ خرچ کرنے کے لئے بااختیار بنانے کے بارے میں نئے اور
مضبوط اشارے بھیجے تھے۔
2025 کے "دو سیشنز" کے بعد ، چین نے تازہ ترین کھپت کو فروغ دینے کے منصوبے
میں صارفین کے اخراجات کو لوگوں کی فلاح و بہبود سے جوڑنے کے لئے ٹھوس
معاون اقدامات کے نفاذ کا عہد کیا ہے۔ اس منصوبے میں 300 ارب یوآن مالیت کے
انتہائی طویل خصوصی ٹریژری بانڈز کے اجراء کا خاکہ پیش کیا گیا ہے تاکہ
2025 ء میں صارفین کی اشیا کی تجارت کو مزید فروغ دیا جا سکے۔وسیع تناظر
میں چینی حکومت کی کھپت دوست معاون پالیسیوں کی بدولت جہاں ملکی سطح پر
صارفین اور مقامی کمپنیوں کے لیے ثمرات کا حصول ممکن ہو رہا ہے وہاں چینی
مارکیٹ کی مضبوط کشش اور صلاحیت غیر ملکی کمپنیوں کو بھی مسلسل چین کی جانب
راغب کر رہی ہے۔
|