|
چھوان جو میری ٹائم میوزیم کا دورہ کرنے کے بعد ہماری اگلی منزل چین میں
چائے کا معروف برانڈ باما ٹی کمپنی تھی۔ تاریخی اعتبار سے چائے کی پتیاں سب
سے پہلے چین میں دریافت کی گئی تھیں۔ وسیع چینی سر زمین پر ہزاروں سالوں سے
چائے کی مقبولیت میں کبھی کمی نہیں آئی ہے۔جدید چین میں ، جہاں روزمرہ
زندگی کی رفتار تیز سے تیزتر ہوتی جارہی ہے، چائے کے فروغ کو بھی ایک
نمایاں قوت ملی ہے۔ منفرد جغرافیائی حالات اور ٹھوس اور گہرے تاریخی ماخذ
کی بدولت چین دنیا بھر میں چائے کے اہم پیداواری ممالک میں سے ایک ہے۔ ایک
خوشحال اور گہری چائے کی ثقافت پر فخر کرتے ہوئے، چین غالب عالمی "ٹی
پلیئرز " میں سے ایک ہے، اور دنیا میں چائے پیدا کرنے والا سب سے بڑا اور
معروف برآمد کنندہ ہے ۔
علاوہ ازیں، چائے کی کھپت کے لحاظ سے بھی چین دنیا کا بڑا ملک کہلاتا ہے ،
جس سے کروڑوں چینی خاندانوں کی پسندیدگی اور مانگ کی عکاسی ہوتی ہے۔حکومتی
کوششوں کی بدولت چین کی چائے کی صنعت میں حالیہ برسوں میں قابل ذکر اضافہ
دیکھنے میں آیا ہے۔چائے کے کاشت کار پیداوار میں اضافہ کر رہے ہیں اور
عالمی سطح پر مارکیٹ رسائی کو بھی مسلسل وسعت مل رہی ہے۔
چھوان جو شہر سے تقریباً ڈیڑھ گھنٹے کی مسافت کے بعد ہم باما ٹی کمپنی پہنچ
گئے۔ باما ٹی انڈسٹری ایک صدی پرانے چائے بنانے والے خاندان سے شروع ہوئی
اور چین میں چائے کی بہترین قسم تیار کرنے میں مہارت رکھتی ہے۔ یہ نہ صرف
چین میں چائے کا ایک معروف برانڈ ہے بلکہ عالمی سطح پر بھی ہائی اینڈ چائے
کی مارکیٹ میں بھی ایک نمایاں برانڈ ہے۔ چین بھر میں اس کے تقریباً 3,500
چین اسٹورز موجود ہیں۔کمپنی کے دورے کے دوران یہاں چائے کی تیاری کے پورے
عمل کا مشاہدہ کیا اور یہ دیکھا کہ جدید ٹیکنالوجی کی مدد سے چائے کی صنعت
کو عمدگی سے ترقی دی گئی ہے۔ کمپنی سختی سے چائے بنانے کے لئے چوبیس قوانین
کا استعمال کرتی ہے۔
باما ٹی کا مشن دنیا میں صحت اور چائے کی خوشی لے کر آنا ہے۔ صارفین کی
ضروریات کو پورا کرنے کے لیے، کمپنی کی پروڈکٹ لائن میں اہم چائے کی اقسام
شامل ہیں، ساتھ ہی چائے کے سیٹ معیار کی حفاظت، ذائقے کی مختلف اقسام، اصلی
پن کو برقرار رکھنے اور معیار کے استحکام کو یقینی بناتے ہیں۔ باما ٹی کو
13 سال تک زرعی صنعت کاری میں قومی رہنمائی فراہم کرنے والے ادارے کے
ایوارڈ سمیت متعدد اعزازات مل چکے ہیں۔ 2024 میں، باما ٹی کے برانڈ کی
مالیت 31.359 ارب یوان تک پہنچ چکی ہے۔ باما ٹی کو کئی بین الاقوامی
ایوارڈز بھی ملے ہیں، جن میں انٹرنیشنل انونشن ایوارڈ، انٹرنیشنل گولڈن
کیمل ایوارڈ ، اور چائنا گرین فوڈ ایکسپوزیشن گولڈ ایوارڈ ، شامل ہیں۔
چائے سے محظوظ ہونے کے بعد ہمیں چینی دستکاریوں کے مشاہدے کا زبردست موقع
ملا۔ فوجیان آنشی جوفنگ کرافٹس کمپنی کا شمار چین میں ایک ایسے جدید ادارے
کے طور پر ہوتا ہے جو تحقیق و ترقی، پیداوار اور فروخت کو یکجا کرتا ہے۔
جوفنگ لکڑی کے فرنیچر اور دستکاری کی گھریلو سجاوٹ میں مہارت رکھتی ہے۔
اپنے قیام کے بعد سے، کمپنی نے 'گھر یلو طرز زندگی کی خوبصورتی کو بڑھانے'
کے مقصد کی پاسداری کی ہے، اور عالمی صارفین کے لیے ماحول دوست، محفوظ، اور
آرام دہ گھریلو مصنوعات تیار کرنے کا اپنا مشن بخوبی نبھایا ہے۔ جوفنگ کی
اعلیٰ معیار کی مصنوعات اور مضبوط شہرت نے اسے قومی مارکیٹ میں مضبوط
موجودگی اور امریکہ، کینیڈا، فرانس، جرمنی، اٹلی، اور جاپان جیسے 50 سے
زائد ممالک اور علاقوں میں برآمدات کے لئے ایک کامیاب کاروباری ادارے میں
ڈھالا ہے۔
سالوں کی محنت کے ذریعے، کمپنی نے متعدد نامور اعزازات حاصل کیے ہیں، جن
میں چین کی فرنیچر صنعت میں شاندار تعاون کرنے والا ادارہ، چین کا بہترین
فرنیچر ادارہ، فوجیان صوبے کا مشہور تجارتی نشان، فوجیان صوبے کی برانڈ نیم
پروڈکٹ، فوجیان کا کلیدی حیثیت رکھنے والا بین الاقوامی معروف برانڈ،
فوجیان کی کلیدی ثقافتی برآمدی کمپنی، فوجیان کا صوبائی ٹیکنالوجی پر مبنی
ادارہ، وغیرہ شامل ہیں ۔ اپنی غیر معمولی صلاحیتوں اور شراکتوں کے اعتراف
میں، جوفنگ کو فوجیان صوبائی جنگلات کی صنعت کاری کی قیادت کرنے والی کمپنی
2024-2026 کا ایوارڈ دیا گیا۔ یہ اعزاز نہ صرف کمپنی کے سفر میں ایک شاندار
سنگ میل کی نشاندہی کرتا ہے بلکہ اس کی بے مثال کوششوں اور جنگلات کی صنعتی
کاری کے فروغ میں جدید پیش رفت کو بھی تسلیم کرتا ہے۔
اس سرگرمی کے بعد شام کو چھوان جو میں مقامی فنکاروں کی زبردست صلاحیتوں سے
بھرپور لطف اٹھایا جنہوں نے اپنی کمال مہارت سے حاضرین سے خوب داد سمیٹی
اور چھوان جو کی زبردست ثقافت کا دلکش مظاہرہ کیا۔
|