کثرت استعمال سے خشک ہونے والے دریا

دنیا کے بہت سے حصوں میں تازہ پانی (خاص طور پر پینے کے قابل پانی) کی قلت ہے کیونکہ مختلف وجوہات کی بنا پر دریا مسلسل سوکھتے جارہے ہیں اور استحصال کا شکار ہیں۔ آبادی اور فی کس استعمال میں اضافے اور عالمی حدت کی وجہ سے بہت سے ممالک میں پانی کی شدید قلت ہونے کی پیشنگوئی کی گئی ہے۔ اس مسئلہ پر مستقبل میں جنگیں ہونے کا بھی امکان ہے۔ یہاں دنیا کے چند ایسے ہی دریاؤں کے بارے میں بتایا جارہا ہے جو کہ کثرت استعمال کے باعث خشک ہوتے جارہے ہیں-

Colorado River
دریائے Colorado دنیا میں سب سے زیادہ استعمال کی جانے والی آبی گزر گاہوں میں سے ایک ہے- یہ دریا 30 ملین افراد کو پانی فراہم کرتا ہے- 1450 میل کے رقبے پر پھیلے اس دریا کے ساتھ متعدد ڈیم بھی منسلک ہیں- کیونکہ یہ دریا کافی صنعتوں٬ زراعت اور میونسپل کے لیے استعمال کیا جاتا ہے اس لیے اس کی پہنچ ڈیلٹا اور کیلیفورنیا کے خلیج تک ہے- اس دریا کا سب سے زیادہ استعمال زراعت کے لیے ہوتا ہے-

Indus River
170 ملین سے زائد افراد پر مشتمل پاکستانی قوم جو کہ بہت تیزی سے بڑھ بھی رہی ہے٬ کے میٹھے پانی کا بنیادی ذریعہ دریائے سندھ ہے- دریائے سندھ سے حاصل کیا جانے والا پانی گھریلو اور صنعتی استعمال میں آتا ہے - پاکستان کی 90 فیصد زراعت کا انحصار بھی اسی پانی پر ہے- دریائے سندھ دنیا کے سب سے بڑے دریاؤں میں سے ایک ہے- لیکن اب یہ استحصال کا شکار ہے اور اس کا بہاؤ بھی کراچی بندرگاہ جانب اب زیادہ نہیں رہا- اس دریا میں موجود ڈولفن کی نسل کو بھی شدید خطرات لاحق ہیں- یہ دریا ماہی گیری کا بھی ایک اہم ذریعہ تھا- پانی چوروں اور فسادات کی وجہ سے اس دریا کے پانی میں بہت تیزی سے کمی واقع ہو رہی ہے- اسی وجہ سے کراچی کو پانی سپلائی میں بھی دشواری کا سامنا ہے-

Amu Darya River
26000 اسکوائر میل کے رقبے پر پھیلا یہ دریا دنیا کا چوتھا بڑا دریا ہے- کسی وقت اس دریا سے منسلک شہر خوشحال ہوا کرتے تھے کیونکہ یہ ان کے لیے کافی منافع بخش دریا ثابت ہوا تھا- اس دریا کی وجہ سے 40 ہزار افراد کو روزگار ملا اور یہ دریا ماہی گیری کی ایک بہت صنعت ثابت ہوا- یہاں سے مچھلیوں کا شکار کر کے سوویت یونین کو سپلائی دی جاتی تھی- لیکن 1960 میں جب سوویت یونین نے آب پاشی کے نظام کا آغاز کیا اور 20 ہزار میل کے رقبے پر نہریں بنائیں اور ساتھ ہی 45 ڈیم بھی تعمیر کیے اور اس کے علاوہ 80 سے زائد تالاب بھی قائم کیے تب سے یہ دریا سوکھنا شروع ہوگیا- انہوں نے یہ سب قازقستان اور ازبکستان میں گندم اور روئی کے کھیتوں کو سیراب کرنے کے لیے کیا- آج یہ دریا 70 میل کے فاصلے پر ہی ختم ہوجاتا ہے-

Syr Darya River
اگرچہ یہ دریا Amu Darya سے کافی حد تک بہتر ہے لیکن اس دریا میں آلودگی بہت زیادہ پھیل گئی ہے- اس دریا کی شروعات قازقستان اور ازبکستان کی Tian Shan پہاڑیوں سے ہوتی ہے اور یہ دریا 1374 میل تک بہتا ہے- 18ویں صدی میں اس دریا پر نہروں کا سسٹم تعمیر کیا گیا اور سوویت یونین کے انجنئیروں نے 20ویں صدی میں اس کو توسیع فراہم کی جس کی وجہ کپاس کی فصل کو بڑھانا تھا - اس کے بہاؤ کو بھی موڑ دیا گیا- مقامی انتظامیہ کا کہنا ہے کہ بہت زیادہ آلودہ ہونے کے باعث اب یہ پانی پینے کے لیے استعمال نہیں کیا جاسکتا- کچھ عرصہ قبل ورلڈ بینک نے اس دریا پر ڈیم بنانے کے لیے فنڈ بھی جاری کیے ہیں تاکہ اس دریا کو بچایا جاسکے-