پاکستانی ٹیم کے سابق کپتان اور ٹیسٹ پلیئر محمد یوسف نے
کرکٹ کی دنیا کو الوداع کہہ دیا ہے ۔ ریکارڈ ساز پاکستانی کھلاڑی نے
انٹرنیشنل کرکٹ سے ریٹائرمنٹ کا اعلان کیا ہے اور ہر طرح کی کرکٹ کو خیرباد
کہہ دیا ہے۔
دی نیوز ٹرائب کی رپورٹ کے مطابق پاکستان کی جانب سے سب سے زیادہ 39
سنچریاں بنانے والے محمد یوسف نے 90 ٹیسٹ میچوں میں 7530 رنز بنائے جس میں
24 سنچریاں اور 33 نصف سنچریاں شامل ہیں جبکہ ٹیسٹ میں ان کا سب سے زیادہ
اسکور 223 ہے۔
|
|
لیجنڈ بیٹسمین محمد یوسف نے 288 ایک روزہ میچوں میں پاکستان کی نمائندگی
کرتے ہوئے 9720 رنز بنائے جس میں 15 سنچریاں اور 64 نصف سنچریاں شامل ہیں۔
محمد یوسف پاکستانی ٹیم کے کپتان بھی رہے اور کئی میچوں میں ٹیم کی فتح میں
اہم کردار ادا کیا جب کہ لیجنڈ بلے باز کو بیٹنگ لائن کی ریڑھ کی ہڈی بھی
کہا جاتا تھا۔
|
|
میڈیا کو اپنی ریٹائرمنٹ کے اعلان سے آگاہ کرتے ہوئے محمد یوسف کا کہنا تھا
کہ اب کھرے کھوٹے کی پہچان نہیں رہی ، میڈیا مار دھاڑ کرنے والے کو ہیرو
بنا کر پیش کرتا ہے۔ |