بوسنیا میں ایک فٹبال میچ کے دوران گول کیپر نے سر میں
گولی لگنے کے باوجود کھیل جاری رکھا، دلچسپ بات یہ ہے کہ انہیں احساس ہی
نہیں ہوا کہ ان کے ساتھ کیا بیت چکی ہے۔
دی نیوز ٹرائب کی رپورٹ کے مطابق اکیاون سالہ گول کیپر ڈوسکو کرٹالیکا
بوسنیا کے شہر سراجیو میں میچ کھیلنے میں مصروف تھے کہ اچانک ایک گولی ان
کے سر میں گھس گئی اور انہیں پتا بھی نہ چلا۔
|
|
گولی لگنے کے بعد ڈوسکو نے کھیل جاری رکھا تاہم اچانک بازوؤں میں اینٹھن
اور بولنے میں دشواری ہوئی تو انہیں فوری طور پر اسپتال لے جایا گیا جہاں
ڈاکٹروں نے ان کے سر میں 9 ایم ایم پسٹل کی گولی موجود ہونے کا انکشاف کیا۔
حیران کن بات یہ ہے کہ گولی لگنے کے بعد گول کیپر کے سر سے نہ تو خون نکلا
اور نہ ہی انہیں احساس ہوا کہ ان کے سر میں کوئی چیز لگی ہے۔
|
|
ڈاکٹروں کا کہنا ہے کہ گول کیپر کی حالت خطرے سے باہر ہے۔
پولیس نے خدشہ ظاہر کیا ہے کہ ڈوسکو کے سر میں گولی اسٹیڈیم کے قریب ہونے
والی ایک تقریب کے دوران ہوائی فائرنگ کے وقت لگی ہوگی۔ |