میرے خوبصورت دیس کے حسین نظارے

عالمی برادری کی نظر میں پاکستان انتہا پسندی اور شدت پسندی سے متاثر ملک سمجھا جاتا ہے مگر اس کے شمالی علاقہ جات اسے ‘جنت نظیر’ کے لقب سے نوازتے دکھائی دیتے ہیں جن کی دنیا میں کسی اور جگہ مثال نہیں ملتی- دنیا کی بلند ترین چوٹیاں، سبزہ زار، جھیلیں اور بہت کچھ یہاں آنے والوں کو مسحور کر کے رکھ دیتے ہیں۔ ایسے ہی چند مقامات کی تصاویر دیکھئے اور پاکستان کی خوبصورتی کو سراہیں۔

وادی کاغان میں واقع آنسو جھیل- آنسو جھیل، تقریباً 16000 فٹ سے زیادہ بلندی پر واقع ہے۔ اس کا نام آنسو جھیل دراصل اس کی پانی کے قطرے جیسی شکل کی وجہ سے رکھا گیا۔

یہ خوبصورت منظر دیوسائی نیشنل پارک کا ہے- دیوسائی نیشنل پارک سطح سمندر سے 13،500 فٹ اونچائی پر واقع ہے۔ پارک 3000 مربع کلومیٹر پر پھیلا ہوا ہے۔ نومبر سے مئی تک یہ پارک برف سے ڈھکا رہتا ہے۔

دلفریب مناظر کی حامل وادی ناران- ناران وادی کاغان کا ایک خوبصورت پہاڑی قصبہ ہے۔ یہ ضلع مانسہرہ، خیبر پختونخوا، پاکستان میں دریائے کنہار کے کنارے سطح سمندر سے سات ہزار فٹ کی بلندی پر واقع ہے۔

کاغان میں واقع خوبصورت باب سارال جھیل- اس جھیل کو کشمیر کا ایک پوشیدہ موتی بھی کہا جاتا ہے-

اس دلکش مقام کو گولڈن رینج پسو کہا جاتا ہے اور جگہ ہنزہ میں واقع ہے- اس گولڈن رینج پسو کو Cathedral چوٹی کے نام سے پکارا جاتا ہے-

جھیل سیف الملوک ناران پاکستان میں 3224 میٹر/10578 فٹ کی بلندی پر واقع ہے۔ ناران کے قصبے سے بذریعہ جیپ یا پیدل اس تک پہنچا جا سکتا ہے۔ یہ ایک انتہائی خوبصورت جھیل ہے۔ ملکہ پربت، اور دوسرے پہاڑوں کا عکس اس میں پڑتا ہے۔ سال کے کچھ مہینے اس کی سطح برف سے جمی رہتی ہے۔

دودی پت سر کاغان کی سب سے زیادہ پرکشش اور خؤبصورت جھیل ہے۔ یہ حسین جھیل ضلع مانسہرہ میں واقع ہے- اس جھیل کا پانی ٹھنڈا اور سبز نیلے رنگ کا ہے اور 3800 میٹر کے رقبے پر پھیلا ہوا ہے-

یہ دلفریب منظر خیبر پختونخواہ کے ضلع مانسہر کا ہے٬ جہاں بادل بھی نیچے دکھائی دے رہے ہیں- اس مقام پر بھی سیاحوں کی ایک بڑی تعداد آتی ہے-

راکاپوشی نگر، شمالی پاکستان میں 25550 فٹ / 7788 میٹر بلند پہاڑ ہے۔ یہ سلسلہ کوہ قراقرم میں واقع ہے۔ یہ پاکستان میں 12ویں نمبر پر اور دنیا میں 27ویں نمبر پر بلند چوٹی ہے۔ اسے سب سے پہلے 1958 میں دو برطانوی کوہ پیما مائیک بینکس اور ٹام پیٹی نے سر کیا۔