کہا جاتا ہے کہ شوخ رنگ مزاج اور یادداشت پر مثبت اثرات
مرتب کرتے ہیں اسی وجہ سے جب آپ اپنے اردگرد شوخ رنگ دیکھتے ہیں تو آپ کی
طبعیت اور مزاج میں بھی ایک شوخی کا عنصر نمایاں ہوجاتا ہے- مختلف رنگوں کی
اس دنیا میں آج ہم آپ کو دکھائیں گے مختلف ممالک میں تعمیر کی گئی چند رنگا
رنگ عمارات- جی ہاں یہ ہیں دنیا کی سرفہرست دس رنگا رنگ بلند و بالا عمارات
ہیں، جن کی خوبصورتی مسحور کر کے رکھ دیتی ہے۔ یہ فہرست ڈان نیوز نے شائع
کی تھی جو یہاں ہماری ویب کے قارئین کے لیے بھی پیشِ خدمت ہے-
|
|
دبئی کا ایک تیس میٹر بلند العطار ٹاور اپنے گہرے سبز و زرد رنگ کے امتزاج
کی بناء پر دنیا کی سب سے خوبصورت رنگا رنگ عمارت کا اعزاز لے اڑا ہے۔
|
|
یہ دلچسپ فہرست برطانیہ کی ایزیکس یونیورسٹی نے مرتب کی ہے جس میں دوسرا
نمبر برطانوی شہر لیڈز کے براڈ کاسٹنگ ٹاور کو دیا گیا ہے۔
|
|
تیسرے نمبر پر نیویارک میں واقع ولیم بیورو ہاﺅس موجود ہے جس کے رنگوں کا
امتزاج ہر دیکھنے والی آنکھ کو حیران کر کے رکھ دیتا ہے۔
|
|
چوتھے نمبر پر استنبول میں واقع وریاپ میڈریان ہے جس کی انفرادیت اسے یہ
اعزاز دلانے میں مددگار ثابت ہوئی ہے۔
|
|
اٹلی کا تکونی طرز تعمیر کا شاہکار ٹاور توری نیٹ پانچویں نمبر پر موجود ہے۔
|
|
ورجینیا کی دی آرلنگٹن کو اس فہرست میں چھٹا نمبر حاصل ہے۔
|
|
ساتویں نمبر پر ہے میکسیکو کی انتہائی دیدہ زیب آفسیانس ال پارکیو۔
|
|
ماسکو کا انتہائی خوبصورت مرکری سٹی جسے آٹھویں نمبر پر رکھا گیا ہے۔
|
|
بارسلونا کا پورٹا فائرا نامی ہوٹل نویں نمبر پر موجود ہے۔
|
|
اور پانامہ کا گول گھومتا ہوا ایف اینڈ ایف ٹاور دسویں نمبر پر موجود ہے۔ |
|
|