درد سے نجات٬ مفید گھریلو ٹوٹکے

کبھی کوئی ایمرجنسی آجائے اور گھر میں کوئی دوا بھی نہ ہو تو گھبرائیے نہیں کیونکہ آپ کے کچن میں ہی ایسے متعدد پین کلرز موجود ہیں جن سے فوری طور پر آرام تو ملے گا ہی ساتھ ہی ادویات کے سائیڈ افیکٹس کا بھی کوئی خوف نہیں رہے گا۔ کئی بار گھر کے ممبروں نے ان سب کو آزماکر آپ کو آرام پہنچایا ہوگا اور اگر آپ ان پین کلرز یا درد سے نجات حاصل کرنے کے طریقوں کو بھول گئے ہیں تو آئیے ہم آپ کو یاد دلاتے ہیں۔
 

جب تیز سر درد ہو تو
٭سوکھے ادرک کو پانی کے ساتھ پیس کر اس کا پیسٹ بنا لیں اور اسے اپنے ماتھے پر لگائیں۔ اسے لگانے پر ہلکی جلن ضرور ہوگی لیکن یہ سر درد دور کرنے میں مددگار ہوتا ہے۔
٭تناؤ یا تھکاوٹ سے سردرد ہو رہا ہو تو ڈیپ فریز میں سے تھوڑے سے منجمد مٹر نکالیں اور سر پر 5-10منٹ تک رکھیں درد ختم ہو جائے گا۔ انہیں آپ فرج میں رکھ کر دوبارہ بھی استعمال کر سکتی ہیں۔
٭ایک چمچ اجوائن کو بھون لیں اور صاف سوتی کپڑے میں باندھ کر ناک کے پاس لا کر گہری سانس لینے سے بھی سر درد میں راحت ملتی ہے۔
٭کچھ اور نہ ملے تو برف کی سینکائی کرنے پر سر درد میں بہت فائدہ ملتا ہے۔
٭روزانہ صبح خالی پیٹ ایک سیب کھانے سے سر درد کی پریشانی سے چھٹکارا ملتا ہے۔ یوں بھی ڈاکٹر کہتے ہیں کہ صبح ایک سیب کھانے سے آپ کئی بیماریوں سے خود کو دور رکھ سکتے ہیں۔

image


تیزابیت اور پیٹ درد ہونے پر
٭تیزابیت ہونے پر ایک چٹکی سوڈا، آدھا چمچ بھنا اور پسا ہوا زیرہ، 8 بوند یں لیمو کا رس اور ذائقہ کے مطابق نمک پانی میں ملا کر پینے سے تیزابیت میں راحت ملتی ہے۔
٭ایک کپ پانی میں ایک چٹکی کھانے والا سوڈا ڈال کر پینے سے پیٹ درد میں راحت ملتی ہے۔
٭آدھا چمچ ہلدی میں آدھا چمچ کالا نمک ملا کر گرم پانی کے ساتھ پھانکنے سے پیٹ درد اور گیس سے راحت ملتی ہے۔
٭ایک چمچ میتھی دانہ میں چٹکی بھر پسی ہوئی ہینگ ملا کر پانی کے ساتھ پھانکنے سے پیٹ درد میں آرام ملتا ہے۔

image


زخم ہوں تو گھبرائیں نہیں
٭ہلدی میں اینٹیسپٹک ، اینٹی بائیوٹک اور درد کش جز پائے گئے ہیں۔ یہ جز چوٹ کے درد اور سوجن کو کم کرنے میں مددگار ہوتے ہیں۔ زخم پر ہلدی کا لیپ لگانے سے وہ ٹھیک ہو جاتے ہیں۔ چوٹ لگنے پر دودھ میں ہلدی ڈال کر پینے سے درد میں راحت ملتی ہے۔
٭چوٹ لگنے پر بہتے خون کو روکنے میں برف کی سکائی کر لیں۔

image


گلے میں خراش ہو
٭ایک چمچ تلسی کے پتوں کا رس شہد میں ملا لیں۔ ہلکا نیم گرم کر کے کھانے سے گلے کی خراش اور درد دور ہوتا ہے۔
٭ کھانسی میں بھی تلسی کا رس بہت فائدہ مند ہوتا ہے۔
٭ ادرک کے رس کو شہد میں ملا کر لیں۔ یہ بند گلے میں بہتر سیرپ کا کام کرے گا۔

image


جوڑوں کا درد کرے پریشان تو
٭میتھی کے لڈو کھانے سے جوڑوں کے در د میں فائدہ ملتا ہے۔
٭ جوڑوں کے درد میں کریلے کا رس درد والی جگہ پر لگانے سے کافی راحت ملتی ہے۔

image


دمہ کا مسئلہ ستائے تو
٭ایک پکے کیلے کو چھلکے سمیت سینک کر بعد میں اس کا چھلکا ہٹا کر کیلے کے ٹکڑوں میں پسی کالی مرچ ڈال کر گرما گرم دمے کے مریض کو دینا چاہئے۔
٭ تلسی کے پتوں کو اچھی طرح سے صاف کر ان میں پسی کالی مرچ ڈال کر کھانے کے ساتھ دینے سے دمہ کنٹرول میں رہتا ہے۔
٭گرم پانی میں اجوائن ڈال کر بھانپ لینے سے بھی دمہ کنٹرول ہوتا ہے۔

image


آنکھوں میں سوجن ہو جائے تو
٭ٹھنڈے پانی میں ٹی بیگ کو ڈبو کر کچھ دیر کے لئے آنکھوں پر رکھیں، آنکھوں کو راحت ملے گی۔
٭فرج میں رکھی ملائی لگانے سے بھی آنکھوں کی سوجن اور جلن سے راحت ملے گی۔
٭آنکھوں کی پتلیوں پر برف کا ٹکڑا ملیں۔

image


جب ہو جائے ہائی بلڈپریشر
٭کچھ دنوں تک مسلسل آدھا چمچ میتھی دانہ کا پاؤڈر پانی کے ساتھ لینے سے فائدہ ملتا ہے۔
٭تلسی کے پانچ پتے اور نیم کے دو پتے ، کچھ دنوں تک لینے سے ہائی بلڈپریشر میں فائدہ ملے گا۔
٭تانبے کے برتن میں رکھا ہوا پانی پینے سے کافی فائدہ ہوتا ہے۔
٭دو کلی لہسن کی صبح خالی پیٹ لینے کی عادت بنائیں۔
٭لوکی کا ایک کپ رس صبح خالی پیٹ لینے سے ہائی بلڈپریشر کو کنٹرول کرنے میں مدد ملتی ہے۔

image


چہرہ بنے خوبصورت
٭رات کو سونے سے پہلے ترپھلا چورن نیم گرم پانی کے ساتھ روزانہ لیں۔
٭ایک بالٹی ٹھنڈے یا گرم پانی میں دو لیمووں کا رس ملا کر گرمیوں میں کچھ مہینے تک نہانے سے جلد کا رنگ نکھر نے لگتا ہے۔
٭گاجر کا رس آدھا گلاس خالی پیٹ صبح شام لینے سے ایک ماہ میں رنگ نکھرنے لگتا ہے۔
٭روزانہ صبح اور رات کو کھانا کھانے کے بعد تھوڑی مقدار میں سونف کھانے سے خون صاف ہونے لگتا ہے اور جلد کی رنگت بدلنے لگتی ہے۔

image

اسپانڈیلائٹس کے درد میں
٭اسپانڈیلائٹس یا گردن کے درد میں برف کی سینکائی منافع بخش ہوتی ہے۔

image

موچ آنے پر
٭پان کا پتاّ یا آم کے پتے کو چکنا کر کے اس پر نمک لگا کر موچ والی جگہ پر باندھنے سے بہت فائدہ ہوتا ہے۔

image

اچانک ہاتھ جل جائے تو
٭کچن میں کام کرتے یا کپڑے پریس کرتے ہوئے اچانک ہاتھ جل جائے یا سینک لگ جانا عام بات ہے۔ ایسے میں فوری طور پر اس جگہ پر ٹھنڈا دہی لگائیں۔
٭پیاز کو بیچ میں سے آدھا کاٹیں اور اسے اس وقت تک ملیں جب تک جلن ختم نہ ہو جائے۔
٭ ٹوتھ پیسٹ کا جلی ہوئی جگہ پر فوری طور پر لیپ کریں۔ جلن سے تو آرام ملے گا ہی ساتھ ہی چھالے بھی نہیں پڑیں گے۔

image

شہد کی مکھی ڈنک مار جائے تو
٭سرکہ اور لیموں کا رس ملا کر اسے روئی کے پھاہے میں ڈبو کر لگائیں-
٭کھانے والے میٹھے سوڈے میں تھوڑا سا پانی ملا کر لگائیں درد سے راحت ملے گی۔
٭ڈنک والی جگہ پر ماچس کا مسالہ یا لوہا رگڑ دیں۔

image

بچے کو پیٹ میں درد ہو رہا ہو
٭چھوٹے بچوں کے پیٹ میں درد ہونے پر ہینگ کو پانی میں گھول کر بچوں کی ناف کے اردگرد اس کا لیپ کرنے سے درد میں راحت ملتی ہے۔

image

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.

YOU MAY ALSO LIKE:

A home remedy is a treatment to cure a disease or ailment that employs certain spices, vegetables, or other common items. Home tips have been very effective to overcome the common health problems. There are number of home remedies for different types of diseases. The article offers useful tips and ideas to use herbal and home remedies to get cure and better results.