|
دنیا کے سب سے زیادہ استعمال کیے جانے والے انٹرنیٹ سرچ
انجن گوگل کے مطابق 2013 میں پاکستان میں انٹرنیٹ پر سب سے زیادہ توجہ حاصل
کرنے والی شخصیات کی فہرست میں وزیر اعظم یوتھ پروگرام چئیر پرسن مریم نواز
چوتھے نمبر پر آگئیں-
|
|
|
|
دی نیوز ٹرائب کی رپورٹ کے مطابق فہرست میں پہلے نمبر پر نوجوانوں میں حد
درجہ مقبول انگریزی فلم سیریز “ فاسٹ اینڈ دی فیوریس “ کے ہیرو پال واکر
ہیں- دوسرے نمبر پر بھارتی فلمی اداکارہ جیا خان جبکہ تیسرے نمبر پر ساؤتھ
افریقہ کی تحریک آزادی کے روح رواں اور حال ہی میں وفات پانے والے شہرہ
آفاق لیڈر نیلسن منڈیلا ہیں-
یہ امر دلچسپی سے خالی نہیں کہ 2013 میں انٹرنیٹ استعمال کرنے والے
پاکستانیوں کی سب سے زیادہ توجہ حاصل کرنے والے افراد کی فہرست میں پاکستان
سے تعلق رکھنے والی شخصیات میں پاکستانی وزیراعظم میاں محمد نواز شریف کی
صاحبزادی مریم نواز کے علاوہ الطاف حسین اور رواں برس شادی کے بندھن میں
بندھنے والے مشہور گلوگار عاطف اسلم کی اہلیہ بھی شامل ہیں-
|
|
|
مبصرین اور انٹرنیٹ ماہرین کا خیال ہے کہ چونکہ پاکستان میں انٹرنیٹ
استعمال کرنے والوں کی زیادہ تعداد نوجوانوں پر مشتمل ہے لہٰذا مریم نواز
کا ان کی یوں توجہ حاصل کرنا نوجوانوں میں ان کی مقبولیت ظاہر کرتا ہے-
مریم نواز نے انٹرنیٹ استعمال کرنے والے پاکستانیوں کی سب سے زیادہ توجہ
رواں سال انتخابی مہم کے دوارن اور انتخابات میں مسلم لیگ ن کی شاندار فتح
پر حاصل کی- |