چین: میٹھے پانی کی سب سے بڑی جھیل مکمل غائب

چین کی میٹھے پانی کی سب سے بڑی جھیل جس کی وسعت کا اندازہ آپ اس بات سے باآسانی لگاسکتے ہیں کہ اس کا سائر لندن کے دو گنا سائز کے برابر تھا٬ حالیہ جاری رہنے والی مسلسل خشک سالی کے باعث مکمل طور پر سوکھ گئی ہے-

چینی صوبے Jiangxi میں واقع یہ Poyang نامی یہ میٹھے پانی کی جھیل چین کے مقبول ترین سیاحتی مقامات میں سے ایک تھی اور ہر سال سیاحوں کی ایک بڑی تعداد اس مقام کی سیر کو آتی تھی-
 

اس جھیل کے سوکھنے کی ایک بڑی وجہ خشک سالی کے ساتھ ساتھ یہاں نئے پانی کے ذخیرے کے لیے بنایا جانے والا ایک ڈیم بھی ہے- اور اسی ڈیم کی وجہ سے جھیل میں پانی کی سطح میں خطرناک حد تک کمی واقع ہوئی-

Three Gorges reservoir کے نام سے مشہور اس ڈیم کو دنیا کا سب سے بڑا ڈیم ہونے کا اعزاز بھی حاصل ہے-

3500 اسکوائر کلومیٹر سے زائد رقبے پر پھیلی یہ جھیل اب مکمل طور پر غائب ہوچکی ہے٬ جس کی وجہ سے سیاح جو یہاں موجود پویلین اور ٹاور کا دورہ کرنے کے لیے روایتی کشتیوں کا سہارا لیا کرتے تھے اب پیدل چل کر بھی پہنچ سکتے ہیں-

سیاحوں کی توجہ کا مرکز یہ ٹاور جھیل کے عین وسط میں واقع تھا جس تک رسائی اب بغیر کسی سہارے کے ممکن ہوچکی ہے-