بچے ٹیبلٹ کمپیوٹر کے ہونے لگے عادی٬ شدید تحفظات

جدید ٹیکنالوجی سہولتوں کی فراہمی اور زندگی میں آسانی پیدا کرنے کا ذریعہ کہی جاتی ہے لیکن ماہرین کہتے ہیں کہ ذراسی بے احتیاطی والدین کے لئے نقصان دہ بھی ہوسکتی ہے۔ہر چیز کی زیادتی نقصان دہ ہوتی ہے ،چاہے وہ ٹیکنالوجی ہی کیوں نہ ہو۔ٹیکنالوجی کے اِس دور میں مارکیٹ میں ٹیبلیٹ کمپیوٹرز کا سیلاب امڈ آیا ہے۔

کمپنیوں کے نت نئے ڈیزائن اور مقابلے میں قیمتیں بھی ہیں انتہائی سستی ایسے میں بڑوں کے ساتھ ساتھ ، ٹیبلٹ بچوں کی پہنچ سے بھی دور نہیں۔ گھنٹوں ٹیبلٹ کمپیوٹرز کے ساتھ بچے ہمارے عہد کے تیز تو ہوگئے ہیں لیکن ان کے عادی بھی۔
 

ماہرین کا کہنا ہے جو والدین گھنٹوں تک اپنے بچوں کو ٹیبلٹ کمپیوٹر دیتے ہیں ، ان کو آگے چل کر مسائل کا سامنا کرنا پڑسکتا ہے۔ اس کی واضح مثال سامنے آنا والا ایک برطانوی بچی کا کیس ہے ۔اس 4 سالہ بچی سے جب ٹیبلٹ لیا گیا۔ تو اس کے رویہ میں تبدیلی اور بے چینی نے والدین کو پریشان کردیا اور اس کا باقاعدہ نفسیاتی علاج ہوا۔اسی لیے کہتے ہیں علاج سے بہتر پرہیز ہے ۔

حال ہی میں کیے جانے والے ایک سروے کے مطابق تین سے آٹھ سال سے بھی کم عمر کے 3.5 ملین برطانوی بچوں کے پاس اپنا ٹیبلٹ کمپیوٹر ہے ۔ اور دیکھتے ہی دیکھتے روایتی کھلونوں کی جگہ ٹیبلٹ کمپیوٹر لیتے جارہے ہیں-

سروے کے مطابق تقریباً 4 ملین برطانوی بچے صرف تین سال کی عمر میں ہی اسمارٹ فون اور ٹیبلٹ کا استعمال سیکھ چکے ہوتے ہیں-