مستقبل کی گاڑیاں کیسی ہوسکتی ہیں؟

خودکار گاڑی، ربوٹ گاڑی، ڈرون گاڑی۔۔۔ آپ انہیں جو بھی کہیں، خود چلنے والی کوئی نہ کوئی گاڑی آپ کے قریب کسی شو روم میں آنے ہی والی ہے۔

بی بی سی نے اپنی شائع کردہ ایک دلچسپ رپورٹ میں لکھا ہے کہ اس میں چند سال یا چند دہائیاں لگ سکتی ہیں مگر جنیوا کے موٹر شو میں شریک کچھ ہی لوگ اس سے اختلاف کریں گے کہ ایک دن یہ سائنس فکشن کا خیال حقیقت بننے کو ہے۔
 

ادھر گوگل، بی ایم ڈبلیو، فورڈ اور آئی بی ایم جیسی کمپنیاں اس ٹیکنالوجی پر کام کر رہی ہیں، اس بات پر زیادہ غور نہیں کیا جاتا کہ اس سب کا مسافروں کے لیے کیا معنی رکھتا ہے۔

سوئٹزرلینڈ سے تعلق رکھنے والا گاڑیوں سے متعلق تھینک ٹینک ’رن سپیڈ‘ نے کوشش کی ہے کہ مستقبل کے اس وژن کو ایک شکل دی جائے۔ ان کی گاڑی ’ایکس چینج‘ کی جنیوا کے موٹر شو میں نمائش کی جا رہی ہے۔

رن سپیڈ کے بانی اور چیف ایگزیکیٹیو فرینک رنڈرنیٹ کا کہنا ہے کہ ’میں چاہتا تھا کہ اس گاڑی کا محور مسافر ہو نہ کہ خود کار ٹیکنالوجی۔‘

ان کا کہنا ہے کہ ’خود کار گاڑی میں سفر کرنے کا اب یہ مطلب نہیں ہوگا کہ میں سڑک پر گھورتا رہوں بلکہ اب میں اپنا وقت زیادہ معنی خیز انداز میں گزار سکوں گا۔‘